¹ Li kal ba baba luuno me,bun bu nkel me mbaan ye Klistu. ² Tel me liwi mbwed bun bu li ntiemen bini mu bilo bio biso,ani mu ikeb mu iwine idia bun bo liliel me. ³ Me nzwel ne bini li bi yab tel li,Klistu akel mfum wo mud nde muso,baal akel mfum wo mukad, Nziem akel mfum wo Klistu. ⁴ Mud nde muso wo sama to wo bikulo manda ma Nziem,wu fyi mutswe nde awi we lizid ko kel mfum a nde. ⁵ Si Mukad nde so wo sama to wo bikulo iwine ifwu mutswe nde,azitis we mfum a nde. Ikel ifa imo kid ne nde tsid mfus a nde. ⁶ Munda kid ne mukad abi fwu we ku mutswe nde,akyi mfus a nde. Kid ne ikel manda ma nswen munda mukad mu ikyili mfus to mu itsid mfus a nde, akas iko ku mutswe. ⁷ Munda baal akwi we mu ibwad itambal, munda nde akel ifa andi likum le Nziem. Si mukad akel likum le baal. ⁸ Munda baal afi we ko kel mukad si Mukad afi ko kel baal. ⁹ Nto tsu li mo we baal ba mukid munda mukad si Mukad ba mukid munda baal. ¹⁰ Ikio kin mukad akal ani idiim ke imfum ya nghe mutswe nde itsin likum. ¹¹ Ikio kin mu likwikil li Nziem,mukad akwi we mu ikal kunkul a mulim,mulim si ifa imo ko kel mukad. ¹² Bun bo fi mukad ko kel baal,nsa baal a dzighe munkwa mukad. Kio kin bilo bio biso bi fa ko kel Nziem. ¹³ Li babisemes bini ba ngako: Ikel ku ibwed ne mukad a saam Nziem iwine ikas itambal ku mutswe nde? ¹⁴ Mu lizing ba lilongo we ne kid baal shis mfus a fhun ku mutswe nde ikal nswen munda nde? ¹⁵ Si kid ne mukad shis mfus ye nde, ikel likum munda nde? Munda mfus ande ye nde yin ikel amon ne itambal inde. ¹⁶ Si kid ne mud mumo si mia mu nda so yin, bis li kwi we mu imo nto nda mo ansa mu ma nzo ma Nziem. ¹⁷ Mu mangil maso man,me mbwed a liwa we, munda kid ne bini li ya mu ibwil kid we ne bini li kel baba bwed si baba bi ngako. ¹⁸ Munda ya iso me ake nzwil ne mu imvuk i bini mu nzo nziem ikel ani ikubikab,me ya nkisi ne ibini. ¹⁹ Ikel si ani bibi bwil bi nkim mu nked a bini ko bun ban baba kide ba ba iyab mu nked a bini. ²⁰ Kid ne bini li vunu,kel we ne bini li kel mu idia bilo be nziem. ²¹ Tel li dia bini,mud ani mud a dia bilo be nde ngako,Ku nkul a bad ba nkim mu idia bibi bo. Mumo akel nzal,munkim said mal. ²² Bini ma nzo we mu idia ani inwa? bini li ibwi nzo nziem ani ise ban baba win awa ilo? Nki yo me ali liel? Me nkwi mu iku muwa mbwed, me ali Bedel we makuu mu nda so yin. ²³ Munda ma li liel me ma, me ngwel ko kel Nziem,mfum Yesu,mu mpyib yo yin yi ba tee nde, le wel nso. ²⁴ Le fidil matond ko kel Nziem,le tsid,le mwe ne,<< yo yi ikel nud a me mu nda bini,li kide kobu mu intiemene.>> ²⁵ Ifa imo le wel kob li mal,le mwe ne: Kob li li kel iyukan i mpa mu makil ma me,li sa kide kobu tel lo liso kid ne bini li nwa munda i ntiemene. ²⁶ Tel lo liso li bu idia bini nso ani inwa mal,li kel mu ikab nsia ye lifhu li mfum Yesu ti mu tel aya nde. ²⁷ mbi mo,idia ani inwa kob li mfum mu mpil yi mbi,ikal ku ibi munda nud ani makil ma mfum. ²⁸ Mud nde so abud bi tal mu idia nud a Yesu. ²⁹ Munda wo dia wun mu mpil ye mbi nud a Yesu,akel mu iku bisemes nde ngako. ³⁰ Ikio kin ba fhun mu nked a bini ba kel ba biel ani nzwis,ba fhun si ba fhi. ³¹ Si kid ne bis li bud bital,li ku we mu isemes. ³² Si tel ba lisemes bis ko kel mfum Yesu,li kal ani lizid ko bun ba lisemes we ani bad ba mukil. ³³ Kyi,ba kuun ba me ba baal ani ba kad kid ne bini li vunu mu iwol nud a Yesu,li kal mu iyukan bini ani bini. ³⁴ Wun wu kel ani nzal,adia ku nzo nde,mu mpil ne bini li ka vunu munda iko isemes. Mu bilo bi nkim li nswenen bini,me aki-kid.