¹ Me nzwel ne bini li yab,ba kuun ba babaal ani ba bakad,ne ba Tad ba bis ba kele bo baso ku nsi bifhu bi yul,ba lwid mu nzil ye ba nzel. ² Bo baso ba wel mbotik ko kel Myize mu bifhu bi yul ani mu nzel. ³ Bo baso si bu ba do mutuu moman mamo ma impev. ⁴ Ba nwin si mania ma impev,munda ba nwi mania ma impev mama tswe mu ma man ma ba lwine,man lisonlin li kele Klistu. ⁵ Si Nziem akele mu isse ko kel ba fhun mu nked a bo,mampiem ma bo si makele tsad-atsad mu nde nkaam. ⁶ Tel li bilo bin bi kel ma mbaan munda bis,mu mpil bis li ka wol mantiemen ma fha bun bu ba wel bo. ⁷ Li ka kal bad baba selele bitek bun bu kel baba mo mu nked a bo. Bun bu ba swen,"bad li ba bwi-nsi munda idia ani inwa,ani itsud mu ikin ani mantiemen ma isal induum." ⁸ Li sala induum bun bo sala bad ba fhun,minkam makwim-mwel ani matud ba fhi itsin kio kin. ⁹ Li ka musa Klistu mu iku mumeg,bun bo kid ba fhun baba fhi mu itswa nteel. ¹⁰ Kobun li ka ibokoto bun bo kid bafhun mu nked a bo, mifhu wo ban baba fhi aba dwis. ¹¹ Bilo bin bibi munda bis liwol mband,ba bi swen si munda iku lilong mu manda mama wun wo ya mu tel li nsuk. ¹² Kyi wun wo bi yaba ne akel imbe-imbe,a keb anga bwa. ¹³ Nto ma ngiin ma mo ma liyil we mama kel ma imud,si Nziem akel wo ibini,a liyese we ne ba limeg ya mutel wo lwid ngol ye bini,si mu imeg nde ali fi-fiel nzil,mu mpil ne bini li kwi mu inam. ¹⁴ Kyi bini ba kuun ba me ba lizol,li bad mu iselel bitek. ¹⁵ Me ali liel bun bu ba liele wun Wu kel andi mantiemen ma imud,kobun li kwi mu ifimb man ma ndiel me. ¹⁶ Mbung ye lisakumun yi lisakumun bis li ikab we mu makol ma Yesu ?Nso yi outside bis yi ikel we nud ye Klistu ? ¹⁷ Munda nso ikel na yoyin mo,bis li kel bad ba fhun,li kel mud mumo li vis nso na yoyin mo bise baso. ¹⁸ Li tal bad ba Isayel: Ba kel we ban baba di bilo bi ba bawi bu ba kele bo ya nghe mes? ¹⁹ Nki yo me amo? item ikel ilo mpaam? Nto ilo ki ba wi ko kel itek, ikel ilo mpaam? ²⁰ Si me mwe bin be wa ba mpan,bo ba biwa ko kel ba fhu si kawe ko kel Nziem. si me nzwel we ne bini li kal mamvu ani ba fhu! ²¹ Bini li kwi we mu inwa mu kob li mfum ani mu kob le satan. Li kwi we mu iselel ku mes ma mfum ani ku mes ma satan. ²² To bini li zwel iko mubal ko kel Nziem? Li kel si ngol ilud bio bin. ²³ "Bio biso ba nswi," si bio biso bi kel we mfun. "Bio biso ba nswi,si kel we ne bio biso bibi wa ngol. ²⁴ Mud mumo wenwu kwi mu isa mambwed ma nde ngako. Si mud ndeso asa mambwed ma mukuun a nde. ²⁵ Li kwi mu idia bio biso bi ba tee ku zaan iwine ifwul. ²⁶ Munda ntod ikel ye Nziem,bilo bio biso bikel bibi Nziem. ²⁷ Kid ne mumpan iyemen mu idia,kid ne nze kisi,dia bio biso be iwa nde iwine ifwul nto mufwul mumo. ²⁸ Si kid ne mud mumo iliel ne,"ilo ki ba iwi mu nzil ye bitek,"nze abi dia we munda ba sun iliel,ani ku mbwun ye nze ngako. ²⁹ Me ndiel we ne mu mbwun ye nze ngako,si mu mbwun ye mukuun a nze. Si munda nki ikal i me nze ayi semes mu mantiemen ma mud munkim? ³⁰ Kid ne me nkel mu idia ani likwikil lo liso,munda nki li kel mu iko mbil mu bilo bin bi ngwi me lisakumun. ³¹ Mu tel li kel bini mu idia to lili kel bini mu inwa,bio biso bi likid bini,li kid mio miso mu likum le Nziem. ³² Li ba vwens we ba Yuda to ba Gelek to bad baba sama Nziem. ³³ Bun bu nkel me mu imeg mu iwa isse ku kel bad bo baso mu bilo bio biso,me asa we izwa ke me ngako,si ke mud nde muso mu mpil ne awol liguluk.