¹ « Kalusamisi mutu ku mu diama beene kabalusamisiki. ² Mu diama balusamisi ndengehe lusamisi beene, bunu lutese lutesi beene baata ndengehe batesele beene. ³ Bunu mu diama diki utari kititi kikoti mu disi di mukuene, kansi kititi kie mudisi di nge kibeniki kari ulene kutala? ⁴ Mu diama diki usamini ku mukuene aka " Yeke yi kukatala kititit kansi nge kari ulene kukatala kikie mu disi diaka? ⁵ Mutu mapia! katala tete kititi kie mu disi diaka bunu sa ulene kukatala kititi kie mu disi di mukuene. ⁶ Kalu hâaka bimi biki pehefe ku bambua bunu saba lene kulutatiki ku banfulu, nduloso, ko bimi biene bimakutu diama sa babi diata, dikaka ye balene bibukunu mu bitini bitini. ⁷ Lulomo ye bafeti kuhâa, dingihi, bunu ubabaka, kokotiri, ye sa baku viriri. ⁸ U mudiama mutu ndeso u lomawu ka wu kaka, bunu mutu ndeso u betika, ye ka bamoviriri. ⁹ Ma mukahati beene, o muana ani umuloni ndama luku nde ulene muhâa tari? ¹⁰ Kani u kuloùmi mbisi, nge u lene kumuhâa lunguene (Cameleon)? ¹¹ Bunu o beene baata bambi, lu zayi kuhâa bimi bimboti ku bana beene, pahaka yiki tata beene we kuzulu kaluhâa bimi biluti kitoko, beene o lumulomi? ¹² Ma, luzola baata bakaka ba sala wu beene si luzolawu kusala ku baata mu diama miama misiki mibami bikiri. ¹³ Lukoto mumuele keheke, mu diama muele kukotili kuhata di baata bafua ke wu nene, bunu nzili yi kohoni pasi, idini baatya babengihi babana nzili yini. ¹⁴ Mu diama muele bakotila kuhata di baata bamoyo ke wu keke nzili yini ye yifingihi, idini bahata bakeke be kuana. ¹⁵ Lukebe mu diama di mibikiri mimbi mikuisa ku beene mumu kana di meme kansi kumambunu ma bawu bonso ba mbulu beyi nzala. ¹⁶ Beene lubazaya mu bisala biba wu. muti matshene balene baka keheni vinu ku ye lene beete keheni fifi? ¹⁷ Bunu buana, miti mi mboti mi buta bibunu bimboti, kansi miti mimbi mibuta bibunu bimbi. ¹⁸ Muti mboti ka lene butu bibunu bimbiki, ye muti mbi kalene butu bibunu bimboti ki. ¹⁹ Meti mia miso mi kohono butu bibunu bimboti lumizengehe lumisili mbawu. ²⁰ Bunu beene lubaya ke be baata bambi mubisala b ibawu. ²¹ Kue ka mu diama di baba moka ku me : "Mfumu, mfumu," ke babaso baba koto ku ki mfumu ki mazulu. Kansi mudiama di baata basala maama kuzola tata me wu kuzulu. ²² Kibuki ki baata babengihi ba tshamana mu kilumu kini. " mfumu, mfumu, dinge, ye kari tukatari pehefe mbi digne, ye kari tu katari pehefe mbi mu zini dinge tusari ka maama ma mboti muzini dinge?" ²³ Butuebu me yi basamana yi luzayi ki : " beene lutosi kyu kueme! lukataka a mbele me, beene malusari mambi!" ²⁴ Bunu mutu ndeso wi malongihi ma me ye tosi nde ke yi mayele nde katungihi nzo ata matari. ²⁵ Kana mvulu moki masa mateberi, mupepe ngolo yi luti, kansi nzo yini yi buaka mu diama bayi tungihi atana matari. ²⁶ Kansi mutu ndeso wi malongohi mame bunu kotosi ki, ke bonso mutu zobo utungihi atana ziele. ²⁷ Mvulu akanoki, masa amteberi, mupepe ngolo akanikisi munzo yini nzo ayibiotiki. ²⁸ Mutangaha kamanisi ku moko maama.» ma nde Yesu, baata babaso kari bayitiki buingihi mu ndengehe kalongihi. ²⁹ Mu diama nde kalongohi bonso mfumu kansi ka bonso milongohi mimisiki ki.