¹ Luwa ndenghe kasala Nzaami muki mfumu kimazulu. Kukala bonso mutu utukamisuku mususku muku dinghihi babbasala mukiala kinde ki vino. ² Aka wiseni yi ba wuni babongoho difutu didi fiari mu kilumu kimosi, bunu akabatumi beene mukiala. ³ Aka tuki dikaka mumisuku yi kumona baata bakôhôni kisala ba nieki azana. ⁴ Akaba mokini : « Beene dikaka, lue mukiala kivini, kiakiso luzolo ilu hâhâ.» bunu abeni. ⁵ Aka tuki dikaka mumi suku yi mumumiri, kasari bunu buana. ⁶ Mbala mosi dikaka mu kôhoôkolo, aka moni baata bakala bakaka basala kimiki akaba mokini : « Mudima dikihi lu kôhôni kisala kilu mukimtini?» ⁷ Aba muhee mvutu : « Kâhâta mutu utu bongo mukisala.» Aka bamokini : « Beene dikaka, luene mukiala kivinô.» ⁸ Mfumu akesi nga kiala aka moki kuwe mukengeheme : « Batele baata ba kisala, bunu bahâ bimi biawu bikilumu kimu kiteete ikiki tsuku.» ⁹ Baata ba tsuku mutangaha besi, aba bongihi difutu dikilumu kimutini. ¹⁰ Baata ba teete bu besi, ba kihitirini babafutu difutu dinghi, kaansi aba bonghi didi fuani. ¹¹ Bubaba futi, aba yantiki kuzonso zonso. ¹² Aba moki : « Baata besi kutsuku kaansi utufuti ndengehe mosi ibawu, beete tuniokimi mu muini tuku misuku.» ¹³ Kaansi nga kiala akamusamini wu mosi : « Mu kueni, ilene ku sala mbiki, tu wiseniwu iku futu difu dikilumu kimosi?» ¹⁴ Lu bongoho bibi fuani mubene luene, kaansi mutu tsuku imufutu alengehe mosi i nge. ¹⁵ Bué? ye nzimame. isalaka mu ndengehe nzarime? wi mbunu mbi diama ngie mutu mboti? ¹⁶ Wu teete kasala wutsuku bunu wutsuku kasala, wu teete. Yesu katsukisi buabu : « Benghi basamana, kaansi bakehe beyibunu mboti.» ¹⁷ Yesu mutangâha katomiki ku yelusalem, aka vukeni yi balongihi bani ba kumi yi zolo, akaba moki : ¹⁸ «Lutala, tuyini ku yelusalem, kulu kua mu kaba amoko ba bangaha Nzaami yi bambutu ba misiki. bamu hôhono. ¹⁹ Bunu aba mukabi kuwe bapakana musa bamusakanana, bamu beete yi kumusa mukurunsi. Kaansi mu bilumu bita, akafutumuki.» ²⁰ Bunu mutangaha yini mukehete zebede akesi andumi Yesu, yi baana babolo. Akafukimi kamulomo kimiki mosi. ²¹ Yesu akamu vuteri : « Kihi wu tsamene?» Nde akamoki : « Yesu tangaha kubongoho kimfumu kiaka, bana bame ba bolo banieke yinge akifulu kilumu, mosi akokodiki taata mosi akokodiki mama.» ²² Kaansi yesu akamoki : « Zayiki kimi lomiwu. Kopodi pâhâsi, Inuimenge wulelene?» Nde akavutiri : « Tu lelene» ²³ Yesu aka moki :« Makeriki, pâhâsi me, beenesiki luyimomono. Kaansi mukunieke akueme, kameke yilusa kaansi taata Nzaami kayiriki kifulu kini mudiama di baata ka poni nde.» ²⁴ Balongihi kumi bubawi mama mana, abawiri bibuti balongansi. ²⁵ Kaansi Yesu akaba teri kabasamene : « Luzayiki ba mfumu ba makana kari basongihini kimfumu kiawu. Bunu baata ba nene aba muesi baata bawu pâhâsi. ²⁶ Kaansi kaku kala buabuku, mu kati beene. Ndengehe kaka wi yi nini kukala tuarisi mukahâti beene, ke tuarisiene. ²⁷ Yiwu kanisi ka kala mutu teete mu kâhâti beene nde wana wu kala tuarisi. ²⁸ Diama mwana mutu kayisi ka kubuku baata musalala, kaansi kayi kabasalala, yi kuwa luzingihi luani muku kalala baata bengihi muma pahasi.» ²⁹ Buba tuki ku Yereko, baata bengihi abalani Yesu. ³⁰ Bi mfua mese biolo bakari ba nieke ambele nzili, bubawi Yesu ulutu muzili, aba bokiri : « Mfumu, muana Dawidi, tu wili kiari.» ³¹ Baata ba ba mokono, luyamene biori kaansi aba bokiri ngolo : « Mfumu, muana Dawidi, tu wili kari.» ³² Bunu Yesu akaterimi, akabateri wuba hiulu : « Kihiluzori yisala ku beene?» ³³ Aba moki : « Mfumu, mese ma bete ma mone.» ³⁴ Bunu, Yesu kiari, akabasimi mu mese. Yi kumonawu, abamu lani.