¹ Bafalisayi yi basadusi abesi kukue Yesu mu diama dikumumeki abamu lobi munde kabasongoho kidini kimosi kisonghi ke ngolo nde yi tuki kuzulu. ² Kaansi nde akala samini : « Mutangaha tutula mukokilo beene lumoka : «Lumoka kukala tangaha mbote, mudiama zulu die mengehe menge » ³ Bunu mumi suku lumoka : « Kumu ku kue kumboti ke, mudiama zulu die di mbuaki mbuaki bunu mvulu kanonoko. Beene luzayi ndengehe kusongha zulu, keti mvulu kanonoko keti kanokoko, kaansi budimi bisongohini maama mabilumu bi, luzayi kubalala ka. ⁴ Mbana mbi bunu lutosa ka kindengehe ludingihi kidimi, kaansi kalusongho kidimi kimosi, kiki Jonas.» Bunu Yesu akaba sisi ye akeni kuani. ⁵ Milonghoki mutaangaha ba sabiki ku simi kiza, bawu kari ba virikini mapâa. ⁶ Yesu akabasamini : « Lukebe mudiama di bilongoho bimbi basala vinu ku bafalisari ye basasu.» ⁷ Milongohiki aba yantiki kuyinini bawu yi bawu bunu yi bawu bunu abasamini : « Mudiama dibu tunaki mapâa.» ⁸ Yesu kari zazi ngini zibawu; ye akaba hiuri : « Beene; baata lukohoni ku dimi; mudiama diki luyinini beene yi beene ke mudiama tukohona mapâa! ⁹ Ka luzayiki-ti butuebu lu virikini kilumu iyuriki mapâa matana mudiama dikudiki miri mitana mibazakala (5.000), Bunu bitunguhu bikua lusari biawu? ¹⁰ Bunu buana dikaka mapâa Tshambuari andiki miri miya mibayakala bunu bitunguhu bikua lusari biawu? ¹¹ Ki ndengehe luyinini beene ke me yilusami mudiama di mapâa? lutomo kikebe mudiama di bilongoho bi vin bi bafalisayi ye biba Saduse. ¹² Butuebu bawu abesi zaya ke babasami ka mu diama di bilongoho bibasa muvinu ku yee bibi vinisa mapâa kansi bakelee mudiama di malonghi ma Bafalisayi ye ba Saduse. ¹³ Mu taangaha kayini Yesu kumulama we ku mbele sezare gaata di Firipi, bunu akaba kiuru ku we milonghoki : « Ke baata basamana muana mutu ke na?» ¹⁴ Bawu basamini : « Baata bakaka basamana ke nge we yowani mbotiki, baba kaka Eli bunu baba kaka Yelimia, to mobikiri taama.» ¹⁵ Nde akaba hiuri : Kaansi beene, luyini me ngie ma?» ¹⁶ Simoni- Piere Akamu vutiri mvutu : « Nge we Kristo, muana Nzaami moyo.» ¹⁷ Yesu akaba vutiri mvutu : «Samaka, Simoni muana Jonas, mudiama wukusonghini maama mana ke yi niti kimutu ku lele niti menghe ke kakusongho maama ma, kaansi tata me we kuzulu. ¹⁸ Me yi kusamini dikaka nge we tari, bunu atana tari yitunghu nzô Nzaami me, kutu kahata kilumu kie ke lufua lulene kubuisi ku salamaka. ¹⁹ Me yikuha tshabi yi ki mfumu ki mazulu. Ma wu kangha nge a tshi mutoto ma bakangha kuzulu, bunu ma wukutulu nge a tshi mototo mawu dikaka bakutulu ku zula.» ²⁰ Kunini Yesu akaba manghi ku kue milonghoki ke kaba samana mutu ku ke nde ke Kristo. ²¹ Tuku mutaangha yini. Yesu akayantiki kusamana ku milonghi miani maama makuisili nde akabamokini kufuani ku kue kuyilu salemi, vuana yi mona paasi yinghi ku moko ma ba mbutu mutu, yi bangoha baba yuda bunu ye bambutu bamisi, ba poopono ku kue me kaansi mubilumu bitaata yi fufutumuku. ²² Butuebu Piere akamutati kukifuana bunu akayantiki kumusana : « Maama mana masalamaka ku kue nge, mfumu, kama leene tuluku ku we nge.» ²³ Kaansi Yesu akabariki bunu akamoki ku kue Pere : « Kataka kumese mame, satana! nge u tshiri tari kungie me, mudiama nge u yinini ki mama ma Nzaami, kaansi maama ma ki mutu. » ²⁴ Ku nimi Yesu akasamini ku milonghoki : « O mutu kazori kulana me, kayamana kuyini mu diama di nita ani, kanata kikurusu diani ye kalana me. ²⁵ Mu diama mutu ndeso zori kabikisi moyo mu diama di ndekibeniki ka vivisi. Bunu mutu ndeso uvirisi moyi nde mu diama di me kabobongo dikaka. ²⁶ Mu diama diki u viriusi moyo nge kana mutu sari yi kimvuama ki tshi yi yayiso, ki kimi kalene futu mu kubaka luzinghi lukaka? kata mutu lene sobo luzinghi luani? ²⁷ Mu diama muana mutu kusari bukeke kakuisi yi lukumu lu tata ani nzili mosi yi ba Wanzio. Idini mutuy yi mutu ba mufutu ndenge kasari kisala kiani. ²⁸ Me yi lusamini makieri, mu kahati beene baata lue akifulu ki, baba kaka bakifuiki, bamono ku mese ndenge ku kuisi muana mutu kakuisi yi kimfumu.»