¹ Mu langihini, mfumu Yerudia akawi tshangâha Yesu. ² Aka moki ku baana ba kisala : « Kue yaani mboti futumike, diama kabaki ngolo kusala ma ngitike.» ³ Bunu, Yerudia aka kangiahisi Yoani, aba musi kuboloko mudiama di d'Yerudia, mu kehete ya yani Philippi. ⁴ Mudiama Yoani ka musameni : « Ka kutomokinge umuku musu mukehete, misiki mimoki.» ⁵ Yerudia ka zori kamuhôno, kaansi katinii baata, ba kihitiri nde musakiri Nzaami. ⁶ Kaansi kilumu ki mukin si Yerudia bukifuani, muana Yerudia umu kehete akakini mamboti andumi baata ba teri Yerudia a kumuhée kiese. ⁷ Mu mvutu, Yerudia kari Nzaami kumuhâ kimikiakiso kalomo. ⁸ Iku bongaha misiki minguriani, akamoki : « Pâhame mulongôho mutue Yoani muotiki.» ⁹ Thôtile aka moni kiari mu kimi kalomo kaansi kamangihiki mukumuhô, mu diama di baata bakari mu feti, aka moki ba muhâ. ¹⁰ Akatumi bazenghe mutue Yoani ku boloko besi munatana. ¹¹ Abesi imutue mukâhâti longôho bunu abahée kumu nehete wunu nde akanatini nguriani. ¹² Bunu, bani-bani bakisala aba zeki niti yisari kumanimi, abasamana Yesu mama mana. ¹³ Yesu bukawi tshangaha lufua lu Yoani aka kati mubuatidini akeni kifulu kinde kaka. Bukuwi baata ba baso bayisi kuvuluu dini aba mulani mumala. ¹⁴ Yesu mutangâha karumiki mubuati, akamonikibuki ki baata bunu akaba wirikiani kumbunu. Aka huresi ba mbefe. ¹⁵ Buku kumi kôhôlo, milingiki amisi yi kumaka : « Ahâtue a tsiyumu, tu turisiki kôhôkilo. Tumu, baata ba beene kuvulu basumu bimibiku dia.» ¹⁶ Kaansi Yesu akaba mokini : « Kaba zori kukueke. Lubahâ beni kibeniki bimi bi kudia.» ¹⁷ Baawu aba mumokini : « Kaansi beete tu vui kaka mapâhâ ma taana yi ba nzolo boolo.» ¹⁸ Yesu aka moki : « Lundata biawu.» ¹⁹ Yesu akamoki : ku baata banieke ataana bititi. Nde aka bongihi mapâhâ yi bambisi aka zangihini moko kuzulu, aka yantiki ku bonono ku taata Nzaami. ²⁰ Aka zengihi. Bunu akabahée balongihi bakaba bimi bini ku baata bana. Abadiba baso abayukiti, aba vuki mama sari, bitungûhu kumi yi molo. ²¹ Ba badi mapâhâ mana bakari miri-mitaana (50.000) batangihiki kakete yi baana. ²² Ku manimi , Yesu aka moki ku milongihi ba koto mu buata ba mu kingihini kusimi : Kusimi, bunu nde akasari. ²³ Aka moki ku baata ba vutuku, bunu nde aka tomiki ki atahana lama aka bonono. Butu kumi kôhôkolo, nde hâne-hânande kaka. ²⁴ Kaansi, buati diakaka mumasa, kimbongohono akisi mu dia ma mupepe kakari wungolo. ²⁵ Mupihipi yi kilumu kiya, Yesu aka diati atahana maso, akatiri akuebawu. ²⁶ Balongihi buba moni Yesu atâhana masa, bayitiki, aba moki : « Ke mufué», aba yantiki ku bokene mudiama di moyo. ²⁷ Kaansi Yesu aka yantiki ku bamokoni : « Lukala yikikese me awu kalu bangâhâka.» ²⁸ Pieri akamuhieri : « Nzaami, hôkibeni nge, tsamene me siki idiata atâhâna masa ngisi akuenge.» ²⁹ Yesu aka moki : « Yawisi!» bunu, Pieri aka kurimiki mubuati akeni akaterimi Yesu. ³⁰ Kaansi Pieri buka moni kimbongôhono, aka bangihi mudima ka kari wukoboko mu masa. Aka bokiri : « Mfumu, mbikisi!» ³¹ Bunu, Yesu aka lamini koko yi kumu sima Pieri, yi kumu mokona wu « Nge mutu lutkuili lukeheke, mu diama dikihi karisawu pâhaka?» ³² Bunu Yesu yi Pieri bu ba mati mu buati, kimbongôhono akihui. ³³ Bunu ba longihi baani bakari mu buati aba yantiki ku kumusu Yesu, yi ku mokonawu : « Makieriki we muana Nzaami!» ³⁴ Buba manisi kusabaka, aba turi mu mutoto Genezaret. ³⁵ Baata ba kuana bu bamoni Yesu, aba tiakisi tsanga mumahâta, bunu aba munatini baata ba basobakari yi kimbefe. ³⁶ Aba mulomi kabaha nzili basimi tsa tsongihini Nzamana. Bunu baata ba baso basimi nzamana ka babiki.