¹ Yesu aka vuki batuumu baani ye aka ba gehe ki mfumu muku nungu miliki mi mbi, muku savo ba wu bami kulu yi ku uhulusu mutini ndeso u bimbefe ye pili ya yiso yi bi tolo. ² Tala ma zini ma ba tuumu ba kumi izolo : Simoni u terimi Petele ye nderi mulek'ani, Jaki, mwana Zebede ye Yoani u kari ³ mulek'ani, Firipo ye Batelemi, Tomasi ye Matayi Mufutisi Paaka, Jaki mwana Alife ye Tadé. ⁴ Simoni u Zeloti yi Yudisi Isikabi yoti u Teki Yesu. ⁵ Yesu akatumi ba kumi i bolo baani. Nde akaba gêhe musiki wu : «Ka lueneke ku kwe mi paani ye kalu kotoko ku vula di mosi di mosi di ba Samaria. ⁶ Kaansi, luene kulutu ku kwe bimene bi viribi nzô ou kaana di Isayele. ⁷ Ye, bulu kwene, lulongoo ye lumoko : "Kimfumu ki ma zulu kie a mbele mbele." » ⁸ Lu uhulusu ba mbefe, lu futumu ba fwa, lu sukulu baata baata ba bwasi ye kukulu bafu. Lu baaki mu kahata, lu gâha siki mu kahata. ⁹ Ka lu nata wolo ko, kaani nzimi yi tari di kala mu ma poosi mene. Ka lu nata kutu ku bulu kwene kaani milele miolo miolo, keeti tsa mata to mukawu. ¹⁰ Diama kisari kabaka wu lufutu luani. ¹¹ Koonso vulu keti gahata beene lu koti lu dingihi mutu fuani u lu tamene ku kwe nde ye lu nieke ku kwe mutu wunu ti ikunu lu kwene. ¹² Gôho lu kooti mu nzô, lu gâa mboti. ¹³ Gâho nzô lukoti i mb ote, lu yeke ngeeme ikala mu nzô munu. Kaansi gôho nzô ka ye i mbotiki yamana ngeemene i lu vutukulu beene kibeniki. ¹⁴ Ku baba kuhunu zolo kutu yama keti ku waa ma ndingihi ma beene, bu lu kataka lu kwene lu kukumunu mufututu mu mala mene. ¹⁵ Mu kieriki, me i lu mokini, tsi Sodomi yi Gomori sa i wilimi kiari vo vulu dini kilumu ki ku samasa. ¹⁶ Tala, me ilu tumi boonso bi meme ku kwe ba mbulu, lu kala i ndwenge boonso bu kwe ba niokoye kikese boonso yieme. ¹⁷ Lu ki kebe ku baata ba mbi, diama sa ba lunata yi ku lufunu ku kifulu ki ba samisawu baata ye kulu bulu fimi mu zi nzô Nzaami. ¹⁸ Balu mwese paasi ku ba mfumu ba lu yalawu yi ba totolo mu diama di me, muku tahâ kimbangi ku bawu ye ku mi pâani. ¹⁹ Bu balu kaba, ka lu teke-teke keti kii lu moko, diama ma sa lu moko saba lu gaha mu taangaha yini yaana. ²⁰ Diama ka beene ke luzoonso. ka bwaka, pêhefe yi taat'eme i zoonso mu beene. ²¹ Mu kwene muana sâa ka teke mu kwene muana ye taata ku mwan'ani. Baana ba wili bi buti ki ye ku nata lufwa luani. ²² Baata babaso ba lu yiyini mu diama di zini di me. Kaansi wonso u kaanga mbunu i kunu tsuku sâa ka uhuluku. ²³ Buba lu niokolo mu vulu diadi, lu tini mu vulu dia di nau. Idini mu kieriki, me i lu mokini : « Beene ka lu leneke ku manasa ku lutu ma vulu mamaso ma Isayele teete vo mwana mutu ka koono kwisi vutuku. ²⁴ Mu loongoki kaka luti mu twarisi ani ki keti kisari kakala mbutu ku mvuamaani. ²⁵ Ku fuani ku mulani kakala uliki boonso mutuarisi ani ye kusari boonso mvuam'ani gôho baata ba muteri wu ngaa nzô Belezebulu ²⁶ Idini ka lua tini ki, diama kahata kini ki kitsweke ki koono zayi kini ye kahata kimiki kiswami ki koono monokono. ²⁷ Ma yi lu moniki mu pihibi, lu moko mawumu mwini u kilumu ye mama ba lusamini mu tsi-tsi kutu, lu ma bokolo ataana muluri nzô. ²⁸ Ka lu tini baata ba gôhôno niti kaansi kaba lene-lene ke muku gôhono mu uhumu (moyo). kulutu, lutini mutu lene gôhono mbala mosi muhumu ye niti ku bilungi. ²⁹ Keti ba teka wu ba nuni bolo ba keeke, mu taala keheke? mutaanga yini, kaata mosi u bawu ka bwa a tsi ku koono zaya u beene tâta. ³⁰ Kitese ki mosi, Nzaami zayi taala mbonsi ye ku mu twene. ³¹ Kalutini ki. Beene lwe i mufunu kulutu ki bubi ki ba nuni ki keeke. ³² Idini, koonso mutu u tée kimbangihi ki me a ndumi baata, me si saa i mu tele kimbangihi ku ndumi taat'ama we ku mazulu. ³³ Kaansi koonso mutu u tuni me ku ndumi baata, me siki i mu tutunu ku ndumi taat'ama we ku ma zulu. ³⁴ Ka lu yinini ki vo me iyisi nata ngeeme a tsi mutoto. Me iyisi nata ngeeme ke kaansi mbele. ³⁵ Diama me iyisi mu kabasa mutu yi taat'ani, mwana mu kehete yi ngudi'ani ye buko bwanki bu mukehete yi buko bu mukehete. ³⁶ Ba mbeeni ba mutu be bibuti biani bi di butu. ³⁷ Koonso mutu u zola taat'ani ka ani ngudi'ani kulu me kaka fwani ku me ke ye koonso mutu zori mwan'ani yakala keti u mu kehete kulutu me ka fwani ku me ke. ³⁸ Mutu u kuhunu nata kulunsi muku nda ana me ka fwani ku me ke ³⁹ Mutu moni moyo ani sa ka mu virisi kaansi mutu virisi luzingi ani mu diama di me saa ka mu baka di kaka. ⁴⁰ Koonso mutu ulu yami ka yami me ye u yami me, ka yami mutu tuumi me. ⁴¹ Mutu ndeso yami mu sariki diama nde ke musakiri, kaba lufutu lu musakiri. ⁴² Koonso mutu gêhe kopo di masa di kiosi ku u mosi ku ba leke diama nde ke mu loongoki me, mu kieriki me i lu mokini, nde ka ka koo nene ke lufutu lu'ani.