¹ Leni-sa nzaso siki biabi; muana fuani kubongho imvuama ki tatani. Kansi taangha ke muana ndese, kasuasiniki imumbala (muana kisala), kana buke kuani mfumu bimi bia biso. ² Kansi kasari moko ma ba ba tsansi ba tariki maama mande, tii ikumu ka fuanese mamvulu ka musiri tatani. ³ Ndenghe mosi ibete: taangha tukari buesi bana ba ndene, kari tu kuikili ma pehefi ma bahata ba nzayi, tukari buesi ba mbala. ⁴ Kansi taangha kasiri Nzaami bu ifuani, Nzaami akafiri muana nani, wu butiki mu mutu mukehete, ûbutiki kutsi misiki. ⁵ Kasiri buana, mukusa ka sumu bahata ba bakari kutsi misiki, mukusa tubaka kimfumu ibahana. ⁶ Mudiama, kibeni, lue bahana bani, mudiama Nzaami firi pehefi muanani mu mambunu ma behete, mbanu yi boka: << Aba! Taata-mw>> ⁷ Dini diama, kalue ba wumuku kansi bahata, bunu ho lue bahata kibeni, zaya ni lue dikaka ba mfumu ba kimvuama ki Nzaami. ⁸ Kansi bu lu kono zayi Nzaami, lu kari ba mbala ba ba Nzaami ba mapia. ⁹ Kansi bu kutobu luzayi Nzaami. Heni sa tsamana-mi Nzaami wuluzayi, bunu ki ndenghe lu lene-sa vutukulu ma pehefi ma bahata banza, ma koni kikese yi mfumu? luzori dikaka mu ki bu mbala? ¹⁰ Lu zori lu vutukulu dikaka ku toso misiki mi bilumu, mangani, matsunghu yi ma mfulu! ¹¹ Ngie yi kubangha mudiama di behene! pasi yi moni-me mu kisala yi behene si yikumu ipaama. ¹² A bakuene bama, ilomi ku behene lukumu buesi-me, buesi bukumi-me buesi behene. lu tsari mbimbi ma mosiki. ¹³ Luzaya mboti ni, bu teyi tsangha mboti kukue behene kumu i teheti, yi kari iki mbefe. ¹⁴ Kana buana yi malari maama, ka lu tsawuriki to lu bangha; kansi a lungiami buesi Ajelu Nzaami kunu buesi Yesu klisto nde kibeniki. ¹⁵ Lukari i kiesi ki kinghi, bunu buku tobu a kue lusi lusakamana luene? keriki leni sa tsamana ho lufuani ku katala mese mene mu kusa lupa-maa! ¹⁶ Bunu buku tobu, a kumi mbeniene mudiama di lusamini makeriki? ¹⁷ Bahata bana bozori ba lubene mu maama maba, kansi ka kue bumbotiki diama di bene.baa ba zori kaka ba lu hamese bene yime, mukusa bene luzola baa kaka. ¹⁸ Kue bu mboti hô luzori mutu madiama di maama ma mfumu ni siki lu muzori libele. Kabuaka ni lunzola kaka mu taangha nghie ku kue bene. ¹⁹ A baana bama, kumi buesi i pasi buesi nguri nga misongho, tii klisto ikunu ka koto ki-mvimi mu bene. ²⁰ Ngie kibeni inzala kukumu ku kue bene, mukusa izaya ndenghe fuani izonsolo ku kue bene. Keriki nzayiki ki ndenghe fuani isili mudiama di behene. ²¹ Behene bahata luzola kukala kutsi misiki, lu tsamene, kalu iki misiki bu mizosi? ²² Mudiama masonime ni Abrahami ka kari yi baana bolo, mosi mu mukehete mu mbala, bunu wu mosi mu mukehete keriki. ²³ Kana buana, muana wu butiki mu mukehete mumbala kabutiki mukimutu bunu kubutuka mutu ndeso, kansi muana wu butiki mu mukehete keriki kabutiki mu tsilili Nzaami. ²⁴ Maama mana me mbana. Mudiama ba kehete bolo-ba basonghini nguisene zolo, nguisene yi teheti yi Agar, iyatiki ku lama di Sinaï, bunu ibuti kaka baana ba bu mbala. ²⁵ Buku tobu Agar ke lama di Sinaï ku Arabie bunu nde kasonghi Yelusalem di leleki, mudiama nde ke mu bu mbala yi baana bani. ²⁶ Kansi yelusalem di taana die hâta di ngeme, dia die nguri behete. Mudiama ma sonimi: << Sepele nge ukono buta! yimi yi kiesi kia kiso! mge koni baana, nge kono zaya pasi misongho mi muana. ²⁷ Mudiama mukehete ba sawuri si kakala yi baana ba benghi, kulutu mukehete wuwe ku longho>> ²⁸ Buku tobu, behene, bakuene bama lufuanikini yi Izaak; lue baana ba Nzaami, mudiama nde fuanisi tsilili yani. ²⁹ Kiti mu taangha tama, mua wu butuki mu ndenghe ki musuni bunu kubutuka mutu ndeso, kari wu nikonomuana wu butuki mu ndenghe ki pehefi ki Nzaami. Mama mana siki kari masalama buku tobu. ³⁰ Kansi mikana mi Nzaami abue mi samini? : << Kulu mukehete mumbala yi muanani. Mudiama muana mumbala kaleni sa bakaka kimvuama ki tatani kifulu kimosi yi muana mukehete makeriki.>> ³¹ Dini diama ba kuene, behete katue baana ba mukehete mu mbalaka, kansi tue baana ba mukehete makeriki.