1
Ŋrɔŋrɔ la co enyɛn Yuda, Yesu Kristo ye subɔvi ke ŋi Yacob ye nɔvia gbɔ. ŋlé ŋrɔ nu ɗiɗa amǝke Mawu yɔawo. Mawu rɔn amǝnawo, í lé lebe nǝwo ɗɛ nɛ Yesu Kristo.
2
Nǝ adɔnu kpɔkpɔ ŋtifafa kide rɔnrɔn nají déjí nɛn mi wú.
3
ɔnrɔn towo ŋlejí vevede be: ma ŋrɔ wema lá nɛmi kúdé miawoséé ŋɔnata ŋmanǝ ŋrɔn nu nɛn mi nɛn masée do ŋusɛn mi ahuwa sɛnŋ nǝ xɔse ke Mawu co nǝ xɔsetɔwo zeɗeka keke í seyi sée á.
4
Cagbe amǝ ɗéwo va domiamǝ le bebemǝ. Amǝ nawo nyi amǝ ke wo co efiwɔ kú kojo nɛn wó. Amǝ ke wo trɔn amenuvévé zun matélée wɔwɔmǝ, i gbena enu le mia xɔto Yesu Kristo gbɔ
5
Í fiaa, ŋjíbe ma ɗoŋun nǝ mi be (To gbɔ be miŋɛn ɗe sée ) be gbeɗeka Axɔto ɗe yé tówó le Egyte ye dumǝ. Ganké ekran amǝkewo ŋxɔ Mawu jí sé o.
6
Kide Mawu emǝ dɔdɔwo ke ŋle woŋtawo cɛkpakpa tohoawo o, vɔa ke gbe woŋtawo nɔxoawo ɗɛ (Mawu ɗe ega alɔ nǝwo se yi mavɔmǝ le zubru mǝ nǝ kojodɔdɔ ŋkéké ganŋgan gbǝ)
7
Nɛnɛ ke mia ɗɔnyin be: Sodomǝ kidé Gomora kide édu ke xixra déwó, wo nɔn agbe báda-báda le matele, agbe ke coɗé xixeamǝ ŋu.Wo ŋi kpɔdeŋu nǝ amǝ ke le ɗu Zomavɔ yé yá seí dáawo.
8
Nɛnɛ ke edrɔkutɔ nawó xɔɗu wogoto; woŋ ɗɔnǝ eto acɛkpakpa towo í wo nunǝ enyɔ madi enyɔwo dé enuwɔwɔ ke jé nɛ bubua ŋu.
9
Mikael Mawu ye mǝ ke kpacɛ nɛ Mawu yé mǝ ɗɔdɔwo ŋta ca ŋ wɔ enǝ o. Gakemǝ ke í le wɔ ajré kide Abusaŋ cagbe amǝke lá kíke Mose ke ku a. Mikael nunyɔn báda dekɛn de Abusaŋ ŋun o. Vɔa enu be:" Axɔtɔ na kan ŋkuvinǝ nǝ wo ! ".
10
Amǝnawo zunǝ enu ɗésiadé ke gɔmǝ wo ŋsea o. Enuke gonǝ wo sǝ( enuke eranwo ŋa cɔ gɔmǝ jéjea ) enu na í wunǝ wó.
11
Eta vɔɛn nɔ wo ! ɗo wo zɔn le kaí́n ye mɔ jí. Í wo je Balaam ye gɔjéjé mǝ cagbe alǝ tɔ́. Wo jagraá si gbe Koretɔwo enǝ, í wo ku.
12
Wo nyin ékpé ké nɔnnɔn axumɛ í va canǝ́ca mian rɔnrɔn. Wo ɗu nǝ Azan ke wo ŋkpɛnnǝŋun a, wo ɗu nǝ nu ɗeɗe be woa kpɔ jijɔ, wɔɗɛ sigbe akpɔkpɔ majací ke ayá xonɔn an ǝne. Wosɔ kide ati ke ŋcinnɔn éku a o.
13
Wonyin axumǝ ya ke wɔnɛ adan í donɛ ŋkpɛn wo ŋtawo a. Wonyin xretivi ké lé dań-dań ke zubru cidicidi nɔnte kpɔ ɗé seí kpanŋkpan.
14
Henok, Adam ye jijimǝvi amadreatɔ nu be :" kpɔ axotɔ va kidé amǝkɔkɔ sugbɔ-sugbɔwo".
15
Egbɔnɔn be yea va ɗo kojo nɛ amǝdesiade. Egbɔnɔn be yea va ɗo kojo kide amǝmakɔ-makɔ wó cagbe wo nuvɔɛńwo ké wo wɔ to nɔnnɔnmǝ vovowo mǝ, kide enyɔn maɗi enyɔnwo ke jimaxosétɔwo nu ɗeŋun an.
16
Wo ŋi amǝke to nǝ enyɔn wó, í na le sudu kprɔ wo jíjí baɗawo do. Woiŋi ganganŋ gantowo í cagbe wó ŋtawo lǝ tɔa, wo frunǝ amǝbúwo.
17
Amǝ rɔnrɔntɔwó, miɗoŋun enyɔn ke axotɔ Yesu Kristo ye Apostolowo nu va yi xoxoawo. Wo nu nǝ mi be:"
18
Lé ŋkǝkǝ kpɔtiawo jia, amǝwo la lé kónu nǝ amǝwo, í la lé zɔn de wo ŋtawo ranmǝ jijiwo jí "
19
Amǝnawo hɛn nǝ mámá va, woŋí xixeamǝ tɔwo ke mǝ gbɔngbɔn an ŋlé o.
20
Amán, mianwó rɔnrɔntɔwó mí ɗemɔn nǝ mia xosé kɔkɔ a, naciń kpé. Mi xode le gbɔngbɔn kɔkɔa mǝ.
21
Minɔn Mawu ye rɔnrɔnmǝ, í nɔtékpɔ Yesu Kristo ye dɔnnukpɔkpɔ ke la na mi agbé mavɔa.
22
ikpɔ adɔnnu nǝ amǝ ke dé nǝ aɗikawo.
23
Mi xɔ nǝ amǝkpɔtiawó í ɗe wo le ezo mǝ. Ne amǝɗewoa, mí kpɔ adɔnu mǝ nǝó kide vɔnvɔn. Mí ŋka rɔn awu ke wo doawo ca o, ɗo enuvɔɛn ke wo ŋtiranwo jí nǝa, xoduwo.
24
Í fia, ye nyí amǝ ke la téŋ lé mi de alɔmǝ be miŋka géjɛn o. Í la le ye kɔ́kɔ́ámǝ́.
25
Ntikɔkɔ, bubu, efiɔɗuɗu kide ŋusɛnwo sée, nanyi Mawu mián xɔto to Yesu Kristo jí, ecɔ ke va yia, égba, keke seyi mavɔ. AĆƐ