¹ Wema la co hamǝ mǝ cincin ke nyi Gayo gbɔ, amǝ ke nyi ǝxrɔnye ŋtaŋta. ² Ǝxrɔnye rɔnrɔn, ŋcio be na nɔ ganji le tɔ ran mǝ, ne tɔnuwɔ na jeji ne wo nyɔgbi, ne tɔ kpɔri ca na nɔ ganji. ³ Enuviviŋ sugbo, ke ŋse sigbe nɔviowo kafu wo, be ǝdoŋ de Mawunyɔ si gbe ne ǝtɔ jia. ⁴ Evivinǝ, ke ŋse sigbe, ǝvinyewo le wɔ de Mawunɔ ji. ⁵ Ti rɔnrɔntɔ, ewonɔ nu dodo le Mawu dɔ wɔwɔ ne nɔviwɔ, kide vevedede ǝnu ne amǝ jro wo ca. ⁶ Wo va nuŋ sigbe eɗɔŋ, kide rɔnrɔn ke ecɔ ne Mawu ye hamǝ a. Nɗe kuku be na tekpɔ ne wó mɔ zɔnzɔn na je Mawu nu. ⁷ Ɗo be ye ŋkɔ mǝ ye wo je emɔa ji, nɗe ma na xɔ le amǝ maxɔsetowo si. ⁸ Mi ɗɔ la wɔ amǝ na mɔki wo, ne mia disa ne eha be amǝ ɗeka wo mi nyi. ⁹ Un ŋrɔ nu ɗiɗa eha ke mǝ diotrɛfo, ke ji nɔ be ya xɔ ŋkɔ ne amǝ wo, yi un kpɔŋ de ŋɗe kin jio. ¹⁰ Ne ŋva ɗoa, na nu enyɔ manyɔmanyɔ ke wo seé ile nu co miaŋ ne mi. Ŋnyi enyɔ dodo wo ɗeɗe yi o, ne nɔviawo va, ŋji ne be yea xɔ wo o. Se yi jia etunǝ ǝmɔ de amǝ ke jine be yeawɔɛ, i nyan ne wo le ǝhaamǝ. ¹¹ Ti rɔnrɔntɔ, ka srá ǝnu manyɔmanyɔ wɔwɔ tɔ wo o, vɔa na wɔ nu nyɔgbi. Amǝ ke wɔ ne nu nyɔgbi anyi Mawu tɔ, yi amǝ ke le wɔ nu manyɔmanyɔ woa nyine Satana to. ¹² Amǝ ke nu nyɔ nyɔgbi co Demetrio ŋun ǝnyɔ dodoa ŋta ca xonu co ŋun.Vɔa ŋun nya be ǝnyɔ ke un nua nyi nyɔ dodo. Unca un le ɗokpe ji, yi un nyan be enyɔ ke un le nua nyi nyɔ dodo. ¹³ Ke inyi be enyɔ sugbɔ le asinye, yi un ji be ma xrɔa ɗiɗa woa, nyo ŋka cɔ nyɔ xlɔnti kide nyɔ ŋlɔnti i xlɔn wó o. ¹⁴ Le man ɗiɗi mǝ mi ka dogo ceŋ ne mia xónu co ŋun ŋkuvimǝ kide ŋkuvimǝ. ¹⁵ Mawu ŋtifafa na nɔn kide wo. Ehamǝ amǝ cincinwo le cio. Mia xrɔ ke le la wo seé le ci o.