¹ Djipo fiɔ ȡuɔ le shigbe tugbedjevi amɛwo tsi sɔ kanligbvnvi be yewoa yi do go agɔsue wotɔo ² Amatɔ le womɛ tsi nyi sukunɔ yi amatɔ nyi enunyantɔ ³ Tsi sukunɔ lɔ wo sɔ wo kaligbɛnlɔ wo lɔ wo ŋde sɔ ami sɔ bɔȡoŋtsio ⁴ Vɔ enunyan tɔ lɔ wo sɔ amigo sɔ kpeȡo wotɔ ŋtsi ⁵ Agɔsoe lɔ wo ŋde va kakao alon sɔwo yi wo dɔn alɔn ⁶ Le zan gan domɛ abobo ȡi be agɔsue lɔwo va ȡo vɔ mi to nɛ mia yi dogue ⁷ Tugbedjevi amɛwoɔ wo kpata fɔn yi dra kaligbɛn wo tɔ ȡo ⁸ Sukunɔ lɔ wo tonɛ enu nyantɔ lɔ be mina mi amiviȡe ȡo kanligbɛ miatɔwo le tsitsiɔ ⁹ Nunyantɔ lɔ wo ȡoŋtsi be ami tsi le nɛ mi lɔ ŋdasu nɛ mio kudo miao mi ve dje le ami satɔwo gbɔ nɛ miȡekui ¹⁰ Gatsimɛ yi woyi amie dje gbe.lɔ agɔsue lɔwo va yi amɛ tsi sɔgbelɔ wo djoyi alɔ lexue lɔ yi wo tu agboɔ lɔ ¹¹ Yio ŋgbe de me lɔ sukunɔ amatɔnlɔ wo va le nunuɔ be axuetɔ axuetɔ hun agboɔ lɔ nɔ mi ¹² Yi eȡoŋtsi nɛ wo be nya nyao toɔ yi ŋle nemi be nyinŋde djeshi miɔ ¹³ Mi nɔ ŋsɔ boŋ ȡo miŋde djrshi gaxoxoɔ lɔ ¹⁴ Djiŋkushi fiɔȡuxue lɔ le shi gbe ŋsuȡe tsi le mɔdji yiɔ eyɔ yo nusrɔnvio esɔ yiokeshinɔ nu wo ȡo alɔmɛ nɔ wo ¹⁵ Esɔna amɛsiame le yio nutintin nu amɛȡe xɔ talinto amatɔ amɛvegɔ lɔ xɔ talinto amɛve amɛ ametɔ gɔ lɔ xɔ talinto ȡeka amɛgan lɔ djoyi mɔdji ¹⁶ Evɔ amɛ tsi xɔ talinto amatɔ lɔ etrɔ le dji yi gbe kpɔ amatɔ sɔ kpi ¹⁷ nɛnɛkɛ amɛ tsi xɔ ameve trɔ ledji yi gbe pkɔ ameve ȡo dji sɔ kpi ¹⁸ Nusrɔvi tsi xɔ talinto ȡeka lɔ eve kudo sɔ yetɔ sɔ daȡo mɛ ¹⁹ Le ŋkeke geȡe wo ŋgbe demɛ lɔ nukplanvie wo xuetɔ gbɔ so mɔ dji ebiɔ wo be lede yi mi trɔ le talinto lɔ wo dji ȡo? ²⁰ Nukplanvi tshi xɔ talinto amatɔ lɔ teva axuetɔ lɔ gbɔ yi to ni be talinto amatɔ yi osɔ naŋ vɔ ŋgbetrɔ le dji yi ŋgbe kpɔ amatɔ ȡo dji ²¹ Axuetɔ lɔ toni be ehɛ subɔvi nyui owa nutexue le enu vitukui me na sɔwo sɔ ȡo enu gangan nu va nɔ ahi djidjo mavɔmavɔ lɔ mɛ ²² Amɛtsi xɔ talinto ega amɛve lɔ tonin axuetɔlɔ be talinto amɛve yi osɔ naŋ vɔ ŋtrɔledji yi ŋgbe kpɔ ameve ȡo dji ²³ Yi axuetɔ lɔ toni be ehɛ subɔvi nyi owa nutexue le enuvi mɛ na sɔwo sɔ ȡo enugan wo nu va nɔ axuetɔo yo djidjɔ mavɔmɛ ²⁴ amɛ kpetɛ tsi xɔ talinto ga ȡeka lɔ va tonɛ axuetɔ lɔ be axuetɔ ŋnyan be amɛ sɛŋ yi wonyi wo ȡenɔ nuku le afitsi yi ŋde donuȡo yi ovayi lɔnɔ nu le afitsi yi ŋde bɔnuȡo ²⁵ ŋvɔn yi ŋsɔ axo talinto ga sɔ do edomɛ kpoȡa axo talinto ga tɔo ke ²⁶ Axuetɔ lɔ ȡoŋtsi ni be sɔbɔvi baȡa onyia be ŋȡenɔnu le afitsiyi nyin ŋde donu ȡo yi ŋlɔnɔ nu le afitsi yi nyin ŋde bɔnuȡo ²⁷ Wola ke sɔ egatsinyin sɔ daȡo ega satɔwo gbɔ tsi ŋva vielɔ na xɔ ega tsinyin kuȡo evi dji dji ²⁸ Mixue le shi asɔ nan ametshi shi yi talɛnto amɛwo le ²⁹ Ðo amɛ tsi shi enu le lɔ wosɔnɔn enu sugbɔ kpe ni ni be nutsi le shi lɔ na sugbɔ ȡo dji amɛ tsi shi ŋȡe ŋde le o lɔ vitukui tsi le shi lɔ wo xɔni le shi ³⁰ Mi lé subɔvi manɔ boȡe nu xɔlɔ dangbe ȡoȡa vivitsi xixienu tɔ lɔ mɛ fitsi avi kuȡo aȡukli ȡuȡu lanɔ ³¹ Na amɛgbetɔ vie va ȡo le ŋtsi kɔkɔ me yi mawudɔla wo le ŋtsi ela bɔbɔ anɔ anyi ȡo yio fiɔ zikpeɛ dji ³² Dukɔ wo kpata la bɔ le ŋkɔ ni wola ma wo mɛ shigbe letsi yi egbɔ kplɔtɔ manɔ alɛn gbɔ so gbɔgbɔɛ wo mɛ nɛnɛ ³³ Esu alɛn gbɔ wo sɔ ȡo ȡushimɛ esɔ gbɔgbɔe wo sɔ emiɔ me. ³⁴ Efiɔ lɔ la to nɛ amɛ tsiwo yi le ȡushimɛ be mi va etɔnyɛn yo ame yrayra wo mi va nyi domɛ le fiaȡuxue tsi wo draȡo so xixie yo gɔmɛ dje dje ³⁵ Ðo shive tsiŋ yi mi na nuȡuȡuŋ shikɔ tshiŋ yi mi na eshiŋ ŋnu ŋnyi amedro mi xɔŋ ŋze migbɔ ³⁶ Ŋle le amam mi do awu nu ŋle dɔ mi da dɔ nu ŋle gakpamɛ mi va djiŋ kpɔ ³⁷ Amɛ djɔdjɔe wo ȡoŋtsi ni be axuetɔ gande mɛ yi mi kpɔ yi shive tsio yi mi na nuȡuȡu o alo shikɔ tsio yi mi na éshionu ³⁸ Alo mi kpɔ wo nyi amɛdro yi mi xɔo, alo ole amam yi do awu nɔ ³⁹ Alo gaŋde me yi mi kpɔ yi woleo do gakpamɛ yi va gbɔo ⁴⁰ Yi efiɔ lɔ ȡoŋtsi nɔwo be nyiawo toɔ yi ŋle nɔ mi be nu shianu tsi mi wa nɔ nɔvinyin wo domɛ tɔ huɛ ȡeka lɔ enye yi mi wuɛ na ⁴¹ Yi la nu nɔ ame tsi wo yi le emiɔ me wo be midɔyi le gbɔ nye mi ame tsio yi wo sɛnpɛn na le gba ku yo dɔlawo ⁴² Ðo shive tsiŋ mi ŋde naŋnu yi ŋȡuo shikɔ tsiɔ yi miŋde naŋ shiŋ ⁴³ Ŋnyi amedro vɔ mi ŋde xɔŋo ŋle amam va miŋde do awu nuŋ ŋdjedɔ mi ŋde va djiŋ kpɔo ŋle gakpamɛ miŋde va djiŋkpɔo ⁴⁴ Yi wo tsan wo ȡo ŋtsi ni be axuetɔ gande mɛ yi mi kpɔ yi shive tsio alo shikɔ tsio alo ole gakpame yi miŋde va djio kpɔ alo olé dɔ yi mi ŋde va djio kpɔ alo ole amam vɔ mi ŋde do awuo? ⁴⁵ Nyiawo toɔ ŋle be nutsi miŋde wa nɔ ȡevi tukui xɔo do me tɔ ȡekao lɔ enyi yi mi ŋde wuɛ na ⁴⁶ Ametse wo la yi fu kpe kpe mavɔ lɔ me yi ame djɔdjɔe wo la yi agbelavɔme