¹ Farisitɔwo kudo zadukuitɔwo vɛgbɔ bé nɛ yewo atikpɔ yi lé biɔbiɔ bé nɛ wɔ djési so djipo. ² Vɔ éȡoŋti nɔwo bé:" Nɛ woétrɔgbɔ lɔ, mi tonɔ bé ŋkékéa lanyɔ, ȡoŋti xixéamɛ bia. ³ Yi ŋdékĩnyɛ lɔ mi tonɔ bé," Ayadji dadja égbɛ; doŋti xixéɛmɛ do viviti." Minya alétsi oȡénɔn xixéɛmɛ yo nɔnɔmmɛ fianɔ, vɔ mi ŋdé tinŋ ȡénɔ gaxoxowo yo djési afia. ⁴ Djidjimɛ vuinȡi kudo ahasitɔ djinɔ djési, vɔ wo ŋda sɔ djési ȡékpé asɔ niɔn, nɛyu Yonasi tɔ. "Yi Yésu djo lé wo gbɔ yi djo yi. ⁵ Nusrɔnviwo djoyi ago ȡétɔ lɔ mɛ, vɔ wo ŋlobé bé yé woasɔ akpɔnɔ. ⁶ Yésu to nɔwo bé:" Mi kpɔnyuiȡé lé Faritɔwo yo yési ŋti." ⁷ Nusrɔnviwo lé tamɛbuwɔ lé woȡokui wo mɛ yi to bé:" Tsi mi ŋdé sɔ akpɔnɔ o ŋti." ⁸ Tsi Yésu nya nyatsɛ lɔ, éto bé:" Miawo, amɛ xɔsé vɛɛ tɔwo, ŋdé ŋti milé susu xɔnwo ȡékɔ lé mianɔnɔwo domɛ bé tsi yo ŋdé sɔ akpɔnɔ o ŋti? ⁹ Ðé mi ŋdo djési yi mi ŋȡo ŋku akpɔnɔ amatɔn ku amɛ kotokun(1000) atɔn, yi kusi nɛnɛ tsiyi mi lɔ o ? Alo kpɔnɔ amaŋdrɛn ku amɛ kotokun amɛnɛ kudo kusi nɛnɛ tsiyi mi lɔ o ? ¹⁰ Alo kpɔnɔ amandrɛn ku amɛ kotokun amɛnɛ ku kusi nɛnɛ milɔ ? ¹¹ Mi ŋdo djési yi mi ŋȡoŋku akpɔnɔ atɔn ku amɛ kotokun atɔn, yi kusi nɛnɛ mi lɔ o ? ¹² Alo akpɔnɔ amaŋdrɛn ku amɛ kotokun amɛnin kudo kusi nɛnɛ tsi milɔ o? ¹³ Tsi Yésu va sézaré Filiputɔ, ébiɔ yo nusrɔnviwo sé bé:" Enya ŋdé towɔ olé so Amɛgbétɔ vilɔ ŋti bé yinyi? ¹⁴ Wo toni bé:" Amɛȡéwo bé Ejan- Mawusidotanamɛtɔ, amɛbuwo Eli, yi amɛbuwo Yérémia, alo nyɔnuȡɛtɔ ȡéka ȡé." ¹⁵ Eto nɔwo bé:" Vɔ Miɔwo ȡé, mɛȡé miɔwo mikpɔ bbé ŋnyi ?" ¹⁶ Simɔn Piyɛ to bé: Ewo yi nyi Kristo, Mawu agbéagbé yo vi." ¹⁷ Yésu ȡoŋtin yi to ni bé:" Wo yrawo, Simɔn Jonasi vi, ȡo ŋdé nyi ŋtsilan kudo éhun yi ȡé étsɛ fiawo, vɔ Etɔnyɛ tsi lé djipo. ¹⁸ Ŋgbétonɔn bé wo yi nyi Piyɛ, yi ékpétsɛ dji natu axin tsɔtsi ȡo; kudjésu yo agbo ŋda kpɔ nusin ȡodji o. ¹⁹ Nasɔ djipo yo safléwo asɔnawo. Nusianu ttsi olabla lé anyigban tsɛ dji la nɔ blabla lé djipo, nusianu tsi ola tu lé anyigban lanɔ tutu lé djipo." ²⁰ Soxɔndji Yésu ȡégbé nɛ nusrɔnviwo bé wo ŋgbé to bé yé yinyi Kristo lɔ. ²¹ So gaxɔnmɛ lɔ, Yésu tɔtoto nɛ nusrɔnviɔ bé éhian bé yéayi Yéruzalɛm, lakpéfun gbogboȡé lé amɛsinsinwo simɛ; nunɔlagãwo kudo womaŋlɔtɔwo, bé wo ȡola wui yi yialfɔn lé ŋkéké étɔn guan gbé. ²² Yi Piyɛ kplɔɛ vayi akpaȡéka yi sian bé: "Etsɛ nɛtotanɔn, Apétɔ; Etsɛ ŋgbé vɛmɛ nɔwo gbéȡé o. " ²³ Vɔ Yésu trɔȡo Piyɛ ŋti yi to bé: " Tétéyi riȡi ȡa lé gbɔnyɛ, Satana! Onyi afɔklinu nuŋ, ȡoŋti ŋdé lé tamɛ buɔ so Mawu yo nuwo ŋti o, vɔ amɛgbétɔwo yo nuwo ŋti. ²⁴ Yi Yésu to nɛ yo nusrɔnviwo bé," Nɛ amɛȡé bé yakplɔŋdo lɔ, éȡola gbénu lé yiȡokui gbɔ, lasɔ yo atsisoga yi lakplaŋdo. ²⁵ Ðolɔ amɛsiamɛ tsi nɛ ladjibé ya hlin yo gbéta lɔ labui, vɔlɔ amɛsiamɛ tsinɛ labui ȡo ŋti nyɛ lɔ latrɔ kpɔɛ. ²⁶ Ðolɔ éboŋdénu yi yilanɔ nɛ amɛȡé nɛ éȡu xixéamɛ kpatadji vɔ bu yo agbé? Ŋdé amɛȡé lasɔ na ȡo yo agbé téxoé? ²⁷ Ðoŋti lɔ Amɛgbétɔvilɔ lava Etɔlɔ yo ŋtikɔkɔɛmɛ kudo yo dɔlawo. Yi yilaxéfin na amɛsiamɛ sɔkuȡo yiŋtɔ yo dɔwɔwɔwo ŋti. ²⁸ Ŋlé totuiɔ lé nyawototomɛ, amɛȡéwo lé miadomɛ lé fiɛ, tsiwo ŋda ȡɔ éku kpɔ o, nɛ wo ŋdé kpɔ Amɛgbétɔvilɔ va fiaȡuȡulɔ mɛ o.