1
Yi Farisitɔwo ȡé kudo woéma ŋlɔntɔwo va Yésu gbɔ so Yérusalɛmu. To bé,
2
" Ŋdé ŋti nusrɔnviwo danɔ lé amɛganwo kunuwo ŋti? Ðo wo ŋdé klɔnɔ alɔ nɛ wolé nu ȡuɔ ".
3
Yésu ȡoŋti yi to nɔwo bé," Miawo ȡé, ŋdé ŋti yi midanɔ lé Mawu yo ȡoȡowo ŋti asɔ dɔn mia kɔnuwo ŋti?
4
Ðo Mawu to bé," Bu tɔwo kudo nɔwo," yi" Amɛtsi la sinkpin nɛ tɔlɔ alo nɔlɔ, la ku."
5
Vɔ miɔwo mi tonɔ bé," Ola tinŋ ato nɛ tɔwo alo nɔwo, ŋȡo ŋȡé bé masɔ kpéȡé ŋtiwo , vɔ djɔgbévɔn tɔa ŋsɔ vayi na Mawu,"
6
amɛxɔn ŋdé hian bé nɛ yabu tɔlɔ. Lé mɔxɔn djilɔ misɔ kɔnulɔ sɔ ȡé Mawu yo ȡoȡolɔ ȡa.
7
Mia ayémɛnu watɔwo, nɛnɛ yi Ezaya nunyɔȡɛ nɛ mi yi to bé,
8
Dukɔn tsɛ lé bubuɔn lé wo nuwo to, vɔ wo dji dji boo lé gbɔnyɛ.
9
Wo lé susubɔŋ gbagbalo ȡoŋti wo nufiafia lé sigbé amɛgbétɔwo ȡoȡo.
10
Yi Yésu yɔ amɛhalɔ yi to nɔwo bé," Mi ȡoto yi miasé gɔmɛ.
11
Nutsi yi numɛlɔ ŋdé xonɔȡi agbétɔɔ. Vɔ nutsi tonɔ lé numɛ, yi nyi nutsi xonɔȡi amɛ."
12
Yi nusrɔnviwo va yi tonɛ Yésu bé," Wo nya bé anyatɔwo tsaka Farisitɔwoa?"
13
Yésu ȡoŋti yi to bé,"Atsi ȡésiaȡé tsi Etɔnyɛ ŋdé do o lɔ wola hoé.
14
Miȡasiwo ŋku gbangbatɔnɔwo yo nyi. Nɛ ŋkugbãgbãnɔ kplɔ ŋkugbãgbãnɔ bulɔ, wo amɛvé lɔ la guindjé édo mɛ.
15
Piyɛ xɔ nyan yi biɔ Yésu, bé" Ðé lododoa gɔmɛ nɛ mi."
16
Yésu to bé," Ðé miawo tsan milé numanyamanya?
17
Ðé mi ŋnya bé nuȡésiaȡé tsi yi numɛ lɔ yinɔ ȡo xodomɛ yi nuwuwu lɔ yinɔ adado mɛɔn?
18
Vɔ nutsiwo tonɔ lé numɛ lɔ sonɔ djimɛ. Nutsɛwo yi xonɔȡi agbétɔ.
19
So djimɛ yi nugblégbléwo tonɔ lé, amɛwuwu, ahasiwɔwɔ, amatéli gbégbléwo, éfiwo, adjéȡaȡawo, kudo amɛzuzuwo.
20
Enutsɛwo yi xonɔȡi agbétɔ. Vɔ aȡu nu kudo alɔ xoȡilɔ ŋdé xonɔ ȡi agbétɔ.
21
Yi Yésu djo lé xɔn djoyi ȡé Tyri kudo Sidɔn dububuwo mɛ.
22
Yi kanani nyɔnuȡé tsi so dua mɛ va. Edo axoa bé:" Kpɔ nublanyi nuu, Axoétɔ, Davidi vi; évinyɛ nyɔnuvi lé funkpéɔ lé gbɔngbɔnvɔn yo simɛ."
23
Vɔlɔ Yésu ŋdé ȡo nyɔȡékpé ŋti niɔn. Nusrɔnvi yitɔwo gogoui va tonii bé," Nyɛ ȡolɔ élé axoa doɔ kplɔ miado."
24
Vɔ Yésu ȡoŋti yi to bé," Wo ŋdé dɔŋ ȡoȡa amɛȡékpé gbɔ nɛ ŋdé nyi bé Izrayɛlu yo alinbubuwo."
25
Vɔlɔ nyɔnu lɔ vɔ djéklo ȡo Yésu yo afɔnu, yi to bé, Axoétɔ kpéȡé ŋti nyɛ."
26
Eto bé," Ŋdé nyɔ bé woasɔ ȡéviwo kpɔnɔn asɔ daȡɛ nɛ avunviwo o."
27
Nyɔnua bé," Ɛɛn, Axoétɔ, vɔ avunviwo ȡunɔ énukui tsiwo hlin so wo Axoétɔ yo kplɔnta."
28
Sɔyidji Yésu to ni bé:" Nyɔnu, xɔsé tɔwo lolo. Nɛ vɛmɛ nɔwo sigbé alétsi wobiɛ ȡo." Yi lé gaxoxo xɔn mɛ lɔ, éviɛ lɔ xaya.
29
Yésu djo lé xɔn yi djoyi Galiléya yo tɔto. Yi tsi lia to ȡé dji lɔ énɔ anyi.
30
Amɛxa gãȡé va gbɔ. Wozɔn kudo matakliwo,ŋkugbãgbãnɔwo, nuxomaxotɔwo(aȡétɛtɛnɔwo), afɔtsuntsunnɔwo, kudo dɔnɔ buwo. Wo sɔwo daȡo afɔnu nii, yi yɔ dɔ nɔwo.
31
Amɛhalɔ kpɔ djidjɔ tsinɛ wo kpɔ bé énumaxotɔwo lé nuxoxoɔ, afɔtsuntsunɔwo kpɔ dɔyɔyɔ, matakliwo lé zɔnzɔnkɔ, ŋkugbãgbãnɔwo lé nu kpɔɔ. Yi wo lé Izrayɛlu Mawu lɔ doɔ ȡo dji.
32
Yésu yɔ yo nusrɔnviɛwo va égbɔ yi to bé," Ŋku ŋzizi nɛ amɛha tsɛ, ȡoŋti wo va nɔ gbɔnyɛ ŋkéké amɛtɔ sɔnŋ yi wo ŋdé ȡu nuȡé o. Nyɛ ŋdé djibé ma ȡowo adɔ toto o, bé nɛ woayi djan nyi lé mɔ dji o."
33
Nusrɔnviawo to ni bé," Afiŋȡé mila kpɔ akpɔnɔ tsi lasun amɛ gbogbo tsɛwo?"
34
Yésu biɔwo bé," akpɔnɔ nɛni yi lé mia si ?" Wo to bé, "Amãŋdrɛn, kudo akpavi viȡé."
35
Yi Yésu ȡégbé nɛ amɛhalɔ bé wo nɛ nanyi ȡo gbédji.
36
Esɔ akpɔnɔ amãŋdrɛn lɔ kudo akpavilɔ, yi tsi da akpé vɔlɔ, ésɔ akpɔnɔ lɔ va nɛ nusrɔnviawo. Nusrɔnviawo sɔɛ yi na amɛhalɔ.
37
Amɛsiamɛ ȡu yi xodo ȡɔwo.Yi wo sɔ tsiwo fli kpɔtɔ lɔ sɔ kɔȡo kusi amãŋdrɛn tsi nɛ ȡɔ.
38
Amɛtsiwo ȡu nu lɔ nyi nusu kotokun amɛnɛ, nyɔnu kudo ȡéviwo ŋdé lé mɛɔn.
39
Yi Yésu nyan amɛhalɔ djo yi yiȡo aklo mɛ djoyi Magadaŋ yo trotromɛ.