¹ Le ŋkeke, xɔn dzi lɔ, Yesu dzo le axoe tsimɛ yile nufiɔ le yi yinɔ anyi ȡo Galilia yo axuta. ² Amɛxa ganȡe trɔdoi yi yiȡe tɔdzihun ȡe mɛ yi yinɔ anyi. Amɛha lɔ nɔte ȡo axua to yi letoȡuiɔ. ³ Ke Yesu to nya gbogboȡe nɔwo le lododo mɛ. Exonuxo na amɛha lɔ le nyãtsɛwo mɛ: Enudotɔ ȡe to yi nudogbe. ⁴ Le gaxoxo tsimɛ yi yile nudowɔ lɔ, nukuɔwo gindze emɔto, xeviwo va yi woȡui. ⁵ Nuku buwo gindze kpekui texoe tsi ŋde ȡo anyigban sugbɔ. Xoxo wo miɔn, vɔ tsi anyigban lɔ ŋde yito o. ⁶ Vɔ tsinɛ ŋdɔnkusu hun, egbeɛwo fiɔn doŋti wo ŋde ȡo ekeo. ⁷ Ebuwo ginȡo kadza mɛ. Kadzawo sin yi tsɔndzi. ⁸ Nuku buwo gindze anyigban nyui dzi yi wo mian nukuwo, eȡewo alɔfa(100), ebuwo katakpo(60) yi buwo gban(30). ⁹ Amɛ tsinɛ ȡo etowolɔ nɛsenu. ¹⁰ Nusrɔviawo va Yesu gbɔ yi to nii be: ŋde ŋti ole nuxo xoɔ nɛ amɛhalɔ le lododo mɛ? ¹¹ Yesu ȡoŋti nɔwo be: Miɔwo lɔ, wo sɔ asixɔxɔ tsinɛ lase dzipo fiɔȡuȡu yo nuɣlaɣlawo sɔnɔ mi, vɔ wawo lɔ gbeɖe. ¹² Ðoŋti lɔ amɛtsi ȡo lɔ , wo lagbesɔ nii, nɛ yanɔ agbɔsusu mɛ. Vɔ amɛtsi ŋde ȡo o lɔ, wo laxɔ tsi ŋtɔ han lesi. ¹³ Yi ŋtsi ŋle nuxo xoɔ nɔnwo le lododo mɛ, doŋti nɛ wo gbekpɔ nu tsan lɔ, wo ŋde kpɔ nu ȡekpeo, yi nɛ wo ŋda se nu ȡekpe gɔnmɛ o. ¹⁴ Yi wo ŋti nyɔnuȡɛ Ezaya tɔ va emɛ be: Mi lase nu to miawo towo mɛ, yi mi lakpɔ nu kudo miawo ŋkuwo, yi mi ŋda kpɔ nu ȡekpɔ o. ¹⁵ Ðoŋti dukɔn tsɛ yo dzi ŋde gbeȡo agbe o, wo towo tri be nɛ woŋgbese nu o yi wo miɔn wo ŋkuviwo. Le vɔnvɔn mɛ be nɛ woakpɔ nu , be nɛ woa se nu kudo wo towo, be nɛ woa se nu kudo wo dziwo ,be nɛ woatrɔ dzimɛ , nɛ ma yɔdɔ nɔwo. ¹⁶ Wo yra mia ŋkuwo ȡoŋti wole nu ,kpɔɔ, yi mia towo ȡoŋti wole nu seɔ. ¹⁷ Le nyawototo mɛ lɔ, ŋle totoeɔ nɛ mi, nyanuȡɛtɔ sugbɔ kudo amɛdzɔdzɔwo wodzibe yewo akpɔ nutsiwo mile kpɔkpɔɔ, vɔ wo ŋde kpɔɛ ɔ, yi wo dzibe yewoase nutsiwo seɔ mile, vɔ wo ŋde seo. ¹⁸ Mise nudotɔ lɔ yo lododo. ¹⁹ Nɛ amɛȡe se fiaȡuȡu yo nya yi ŋde se gɔmɛ oa, ke abosãŋ vanɔ yi finɔ nu tsi wodo ȡe yo dzimɛ. Tsɛ yi nyi nuku tsiwo ginȡo mɔto. ²⁰ Nuku tsiwo ginȡo kpekui mɛ lɔ, yi nyi amɛtsi se nya yi yixɔɛ trolo kudo dzidzɔɛ ganke, ²¹ vɔ ŋde ȡo eke nɛ yanɔ anyi dzidziȡe o. Nɛ xaxa alo yomɛtsitsi xixetsɛmɛ tɔ va lɔ, trolo edzenɔ anyi. ²² Tsiwo ginȡo kadzawo mɛ, yi nyi amɛtsiwo dzinɔ be yewoanyi kɛsinɔtɔ, yi ega yo tamɛ kpo yo ȡenɔ. Wole sigbe be kadzawo yo anyigban. ²³ Nuku tsiwo ginȡo anyigban nyui mɛ lɔ, yi nyi amɛtsiwo senɔ enya lɔ yi wo senɔ gɔmɛ; esínɔ ku, nuku ɖeka sínɔ alɔfa, ebu katiɣui, ebu gban. ²⁴ Yesu gbe dolo bu nɔwo yi to be: Ðjipo fiaȡuȡu lɔ gbe sɔ si nusuȡe tsi do nuku nyuiwo ȡo yo gblemɛ. ²⁵ Tsinɛ amɛwo le alɔndɔnkɔ lɔ, yo ketɔ va yi yido nuku gblegblewo ȡo epo(blé) gble lɔ mɛ, yi yidjo. ²⁶ Tsinɛ nukuɔwo miɔn , yi yido lɔ, ke egbe baȡawo tsan to. ²⁷ Axoetɔlɔ yo subɔla va agbleɛmɛ yi to ni be: Tsitsa, ŋ nuku nyuiwo yo odo ȡo agbleɛ mɛ ? Ŋde ŋti egbe baȡawo gbele mɛ? ²⁸ Yi yinu nɔwu be, ketɔlɔ yo dɔwɔnawo yɔ. Yi subɔlawo ȡoŋti ni be , odzibe miayi miaxo woa?. ²⁹ Agbletɔ lɔ to be: O, nɛ mi xo egbe baȡa lɔ, mi la xo nukunyui lɔ kudui. ³⁰ Miȡasi wo kpata woasin ȡe du, kaka sɔna nukuȡeȡegbeɛ. Le gaxoxo xɔnmɛ lɔ, nato nɛ nukuŋɛlawo be: Miȡe gbebaȡawo tutugban, miblawo yi mixotɛwo nɛ woatɔzo wo, yi mibɔ epo(blé) lɔ ȡo ava tsinyɛ mɛ." ³¹ Yi Yesu gbe dolo bu nɔwo be: Ðjipo fiɔȡuȡu sɔkudo lokoti yo ku tsi nusuȡe sɔ yido ȡo yo agblemɛ. ³² Lokotsiku tsɛ nyi eku vitukui kpɛtɛ lɔ le kuawo domɛ. Vɔ tsi sin lɔ, evatrɔzun atsi gantɔ le abɔlɔmɛ, be gbemɛ xeviwo va wɔ atɔn ȡo yo atsilɔzuɛnwo mɛ. ³³ Yesu gbe dolo bu to be: Ðzipo fiɔȡuȡu lɔ sɔkudo yesi tsi nyɔnuȡe sɔ, blu kudo yovowɔ agban tɔn kaka sɔna ,ewɔ lɔ yo te sisi. ³⁴ Yesu fianu amɛha lɔ yi yido lo tsɛwo nii. Ŋde to nya ȡekpe nɔwo nɛ ŋde nyi to lododo mɛ o. ³⁵ Etsɛwɔ, be nɛ woaȡokpe nyɔnuȡɛwo nya tsi wo to daȡɛ dzi be: na xonuxo nɔwo to lododowo mɛ, nato nyatsiwo ɣla so gbetsigbe woȡo xixeɛ anyi gɔmɛ to lododowo mɛ nɔwo. ³⁶ Etsimɛ Yesu ȡo amɛhawo vɔ lɔ, edzo yi axomɛ. Yi nusrɔnviwo va gogoi to be:"Ðe gbeviwluiwlui tsi miɔ le gbeɛme yo lododoa gɔmɛ nɛ mi. ³⁷ Eȡoŋti be: " Amɛtsi do nuku nyui lɔ sɔkudo enyɛ, Amɛgbetɔvilɔ. ³⁸ Agblelɔ yi nyi xixelɔ. Nuku nyui dodolɔ yi nyi amɛtsiwo dzi Mawu le fiaȡuɔ ȡo, dzipoviwo. Gbewluiwluilɔ yi nyi amɛtsiwoe le nutsi legba tonɔwo wɔɔ. ³⁹ Efutɔlɔ tsi do gbewluiwluilɔ yi nyi legba. Gamɛ tsinɛ nukuŋɛlawo lavaŋɛ nukulɔ nyi xiixelɔ yo nuwuwu. Nukuŋɛlawo yi nyi Mawudɔlawo. ⁴⁰ Sigbe nɛ wobɔnɔ gbewluiwlui yi wo tɔnɔ zo wo lɔ, nɛnɛ lanyi xexeɛ yo nuwuwu. ⁴¹ Amɛgbetɔvilɔ ladɔ yo dɔlawo ȡoȡa, yi wo laȡe nugbegblewo kudo amɛtsiwo le nuvɔmɛwo ȡoȡa le yo fiɔȡuȡu lɔ mɛ, ⁴² yi lasɔ wo dãŋgbe ȡo etanzo tsi lebibiɔ hlɛhlɛhlɛ lɔ mɛ, xɔn yi aȡuklui ȡuȡuwo kudo avifanfanwo lanɔ. ⁴³ Yi amɛdjɔdjɔwo wolanɔ klinklinwɔ sigbe ewe le wo tɔ yo fiaȡuxoe lɔ mɛ. Nɛ amɛtsi nɛ ȡo towo lɔ nɛsenu. ⁴⁴ Dzipofiɔȡuȡu lɔ gbesɔ kudo kɛsinɔnu tsi wowlaȡo agbleȡe mɛ, amɛȡe kpɔɛ yi yisɔwla. Ledzidjɔmɛ lɔ, evayi sa nuyiwo kpata lesi yi yixloe agblelɔ. ⁴⁵ Dzipofiɔȡuȡu lɔ gbele sigbe asiyitɔ tsile dzonu xɔasiwo dziɔ. ⁴⁶ Tsinɛ yikpɔ ȡeka tsinɛ xɔasi lɔ, eyi sa nutsiwo kpata lesi yi yixloe. ⁴⁷ Dzipofiɔȡuȡu lɔ gbe sɔkudo eȡɔ tsi woda ȡo axumɛ yi kplɔ akpavi hamɛ-hamɛwo, nyɔnyɔwo sigbe manyɔmanyɔwo. Zeȡeka tsi eȡɔlɔ ȡɔ lɔ, eȡɔkplɔtɔwo dõɛnto daȡo ago. ⁴⁸ Wosɔ akpanyuilɔ sɔdaȡo kusi mɛ vɔ wosɔ gbegbleɛwo sɔ dãŋkpin. ⁴⁹ Nɛnɛ yi lanyi le nuwuwu. Dɔlawo lava yi Mawu laȡo kodzo nɛ amɛwo yi yilaman amɛnyuiwo kudo amɛvuinwo domɛ. ⁵⁰ Wola sɔ wo dãŋkpin ȡo zokakpo lɔ mɛ, afitsi aviwo, fukpekpewo kudo aȡukluiȡuȡuwo lanɔ. ⁵¹ Mi ŋse nutsɛwo gɔmɛ? Nusrɔnviɛwo ȡoŋti be: ⁵² Ɛin, mi segɔmɛ. Yi Yesu to nɔwo be:" Womaŋlɔntɔ ȡesiaȡe tsiva zũn dzipofiaȡuȡu yo nusrɔnvi lɔ le sigbe amɛȡe tsiɖo axoe ȡeka, tsi sɔ kɛsinɔnu xoxowo kudo yeyewo to ɖo mɛ. ⁵³ Tsinɛ Yesu wu enyatsɛwo nu lɔ, ekplɔ yo nusrɔnviwo yi yidzo lexɔn. ⁵⁴ Tsi yiȡo Nazarɛti lɔ, Yesu fianu le gbedoȡaxoe lɔ. Amɛtsiwo le nya seɔ lɔ wo nu ku yi wo to be; ⁵⁵ Amɛtsɛ yi nyi agbetɔ sigbe miawo ke. Fiŋde nunya tsɛ so ni yi lede yiwɔ le ŋdãŋdonu tsɛwo wɔɔ? Kapitavi yo vi yi yinyi; Mariya yi nyi nɔlɔ yi yakɔbo, Josɛf, Simɔn kudo Yuda woe nyi nɔviɛlɔ; ⁵⁶ nɔviɛwo nyɔnuwo tsan le duamɛ. ⁵⁷ Amɛtsiwo lexɔn lɔ gbe be yewoa xɔ Yesu dzi se be yi nyi Kristo lɔ. Yi Yesu, do adɔmɛzoe le wo agbenɔnɔ ŋti tonɔwo be:"Wo ŋde xɔnɔ nyɔnuȡɛtɔ le yiŋtɔ yo dumɛ kudo yo axomɛ o. ⁵⁸ Ŋde wɔ ŋdãŋdonu sugbɔ le xɔn sɔ kuȡo wo dzimaxɔse ŋti.