¹ Ŋsuɖe le Cesare dumɛ, wo yɔni be Corneille, enyi ahuaga le Italia o ahuakɔn a nu. ² Enyi amɛkɔkɔɛ, yikudo yio xuedo sɛnɔ Mawu. Enanɔn ega Yufuwo yigbe donɔngbeɖa gasiagamɛ. ³ Le ŋkeke o gasiɖekɛ gɔŋ a mɛa, e kpɔ Mawu dɔlaɖe le gbɔngbɔnmɛ tsi zɔn do edji. Dɔlalɔ toni be:"Corneille!" ⁴ To yɔyɔa mɛa, Corneille tsaka, vɔnvɔn djedji yi inube: "ŋɖe yi nyi etsɛ, ŋsu?" Dɔla toni be:"gbedoɖa kudo enunana tsi o wanɔn ɖoɖa wamɛnɔnwo gbɔa wo yidji le Mawu o ŋmɛ sigbe ŋɖo vɔsa nɛnɛ. ⁵ Fifiɛa, dɔ amɛwo ɖoɖa Joppe duɔmɛ nɛ wavɛ kplɔ ŋsu tsi tɔ Simon, amɛtsi wo gbe yɔnɔn be Pita va. ⁶ Ele elangbaza dɔwatɔ tsi wo yɔnɔn be Simon o xomɛ le axuɔto. ⁷ Etsinɛ dɔla tsi xonuxo niɛ djole gbɔa, Corneille yɔ yio sumɔnvi amɛve kudo sɔdja tsiwo le yio kpɔkplɔte yi sumɔnɔ Mawu domɛtɔ ɖeka. ⁸ Corneille kan aseŋ nɔn wo so enutsi djɔa ŋtsi yi ɖowo ɖoɖa Joppee. ⁹ Le yio ŋkegbea wo djemɔn; etsi wo gogo eduɔmɛa, Pita lia exɔtamɛ le ŋkekeo gaxoxo adɛn gɔnlɔ mɛ nɛ ya dogbeɖa. ¹⁰ Five tsi yi idjibe ya ɖunu. Etsimɛ ole unuɔ ɖaɔ nia , gbɔngbɔa ɖiva edji. ¹¹ Ekpɔ djiŋkusi huŋ yi enuɖe ɖiɖiva gbɔnɔ anyigban sigbe klala tsi wo bla eto amɛnɛawo na nɛnɛ. ¹² Elan ɖo afɔ amɛnɛwo, edanwo, ayammɛ xeviwo le emɛ. ¹³ Yi egbeɖiɖiɛ toni be: "Pita site yi na wu eɖe le womɛ nɛ na ɖu". ¹⁴ Vɔa Pita tobe: "Axuetɔ ŋgbe, nyɛŋɖe ɖunɔn enu makɔmakɔo" ¹⁵ Egbeɛ gbe ɖi ni zevegɔn a ke be : "Enutsi ŋtsi Mawu ɖegbe so be ekɔa, ŋgbe be enyi enu makɔmakɔo." ¹⁶ Egbeɛ ɖi zetɔn yi eyomɛa enutsi ɖiva trɔdjo yi lilikpo womɛ. ¹⁷ Piyɛ tsaka le gbɔngbɔnmɛ nukpɔkpɔa mɛ, zeɖeka, Corneille o amɛdɔdɔwo va kɔɖo ehɔndji nɔwo ¹⁸ yi biɔ kudo egbe sɛnsinbe : fiyɛ yi Simon tsi wo yɔnɔn be Piyɛ a nɔnɔa. ¹⁹ Etsi Piyɛ kpɔtɔ le tamɛ buɔ so enukpɔkpɔa ŋtsia, gbɔngbɔn a toni be:"kpɔɖa , ŋsu amɛtɔn ɖeo le djidjio kɔ. site ²⁰ ɖi yi na kplɔwo do. Ŋgbe vɔn nɛ sodo kpɔkplɔ o ɖo enyɛ yi ɖɔ wo ɖoɖa". ²¹ Zeɖeka, Piyɛ ɖi yi tonɔn wo be"enyɛ yi nyi amɛtsi ɖjiɔ mi leɛ, ŋɖe ŋtsi mi va ɖo?" ²² So ɖoeŋtsi be: "Ahuaga Corneille, amɛkɔkɔɛ tsi vɔnɔn Mawu, Juifs wo dukɔn a keŋkeŋ ɖunɔn ɖase ɖoa ɔ xɔ gbedoasi so gbɔngbɔn kɔkɔɛ gbɔ mia kplɔ o va yeo xomɛ nɛ ya se enyɔn nunuwo so gbɔwo. ²³ Piyɛ kplɔwo ɖo axomɛ yi biɔ wo be wo nɛ nɔn yegbɔ. Le yio ŋkegbeyimɛa, efɔn yi djemɔn kudo wo. Nɔnvi ɖewo so Joppee yi kplɔ wodo. ²⁴ Le emɔn zɔnzɔn lɔ o ŋkegbea, wo kɔɖo Cesare. Corneille kpe yo ŋtsimɛ kudo exlɔlɔwo yi wo lete kpɔ wo. ²⁵ Tsinɛ Piyɛ ɖo axueɛmɛa, Corneille site, yi ŋkɔ ni, donugu ɖo afɔgɔnmɛ ni, yi sumui. ²⁶ Piyɛ fui ɖote yi toni be: "site, agbetɔ nyɛtsan ŋnyi." ²⁷ Gatsimɛ Piyɛ le nuxoxoɔ kuia, egeɖo exɔa mɛ yi kpɔ amɛwo bɔ le anyinɔnɔn. ²⁸ Etonɔn wo be, "mi nya be enyi kɔ nɛ Juifs be ya doha kudo amɛdro alo ya geɖo yo xomɛ; Vɔa mawu fiaŋ be nyɛŋ gbe kpɔ amɛɖe sigbe amɛ xoɖi alo amɛ makɔmakɔ nɛnɛo. ²⁹ Yiŋtsi nyɛ ŋɖe dɔn enyɔn kudo amɛwo sɔ kuɖo eyɔlɔ ntsio. ³⁰ Corneille ɖoeŋtsi be:"ŋkeke amɛ nɛ kea, le gatsɛ xa mɛa, le gaxoxo asiɖekɛ gɔn a mɛa, ŋle egbe doɔɖa le axomɛ; yi kpoa ŋsuɖe tsi do awuɖe tsi le klikliɔn va kɔɖo djinyɛ. ³¹ Yi to be: Corneille, wo xɔ gbedoɖa tɔwo, Mawu ɖoŋku adɔmɛnyui wawa tɔwo. ³² Ɖo amɛ ɖoɖa Joppee nɛ wa yi kplɔ ŋsuɖe tsi wo yɔnɔn be Simon, amɛtsi wo gbe yɔnɔn be Piyɛ a va. Ele gbazaɖɔ watɔ ɖe tsi wo yɔnɔn be Simon o xomɛ le axuto. ³³ {Troloa, ŋdɔ amɛwo ɖoɖa gbɔwo, o wɛnyuiɖe ɖo o djemɔn zeɖeka va ɖo gbɔnyɛn. Fifiɛa miɔwo keŋkeŋ mi sɔgbe le Mawu ŋkɔ nɛ mia se egbedoasi tsi o xɔ so egbɔa.} ³⁴ Zeɖeka Pita kenu to be:" Nyawoa ŋ dodjesi be Mawu ŋde donɔn vovototo amɛmɛo. ³⁵ Vɔa le dukɔn sia dukɔn mɛa, amɛtsi vɔni, tsi ɖonɔn sisi ni yi wanɔn djɔdjɔɛnyinyia djenɔn ŋmɛ ni. ³⁶ Mi nya aŋɛn tsi ido ɖoɖa Israel dukɔn a, ŋtsifafa ŋɛn to Yesu Krisko amɛwo keŋ Xuetɔ. ³⁷ Miɔwo ŋtɔ mi nya enutsi djɔ le Judee, tɔdji so Galilee le Jean amɛnyrɔntɔa o gbefanɖeɖe yomɛ. ³⁸ Mi nya letsi Mawu ɖiɖi gbɔngbɔn kɔkɔɛ kudo ŋsɛn ɖo Yesu Nazareti tɔ dji, edjemɔn le enyui waɔ, le eka tuɔ nɛ amɛtsiwo le gbɔngbɔn vuɛn o bablamɛo, ɖo Mawu le kudui. ³⁹ Mi nyi ɖaseɖutɔwo nɛ enutsiwo yi wa le Juifswo dumɛ, kudo Jerusalem nyigbandji. ⁴⁰ Mawu fui so eku le ŋkeke tɔngɔn a gbe yi ɖifia dukɔnwo. ⁴¹ Ŋɖe sɔɛfia amɛwokpata o vɔa nɛ amɛtsiwo Mawu ŋtɔ tsan djeŋkɔ, miɔwotsi du yi nu kudui le yo fɔnfɔn so eku mɛ. ⁴² Yi Yesu nami ŋsɛn be mia ɖegbefan aŋɛnyuiɛ nɛ dukɔnwo, yi mia ɖuɖase be Mawu tsanye be yanyi kodjoɖotɔ nɛ amɛ agbeagbewo kudo amɛkukuwo. ⁴³ Enyɔnudaɖɛtɔwo ɖudsa so eŋtsi be amɛɖekpekpe tsi xɔedjisea la xɔ nuvuinwo sɔsɔke to yionyikɔdji. ⁴⁴ Etsi Piyɛ kpɔtɔ le nuxoxowɔa, gbɔgbɔn kɔkɔɛ ɖiɖo amɛtsiwo le enyɔn seɔ wodji. ⁴⁵ Enu kunɛ xɔsetɔ tsiwo nyi amɛsovovɔ tsiwue kplɔ Piyɛ do, ɖo gbɔngbɔn kɔkɔɛ a kɔɖo maxɔsetɔwo tsan dji . ⁴⁶ Ɖo wo se maxɔsetɔwo le aɖeyeye doɔ sɔ le Mawu kafuɔ. Yi Piyɛ nube: ⁴⁷ ɖe yi ola tɛŋ gbe nyɔnyrɔn siɛ nana amɛtiwo gbɔngbɔn kɔkɔɛ sigbe miɔwo ke nɛnɛa? ⁴⁸ Enagbe be wa nyrɔnwo le Axuetɔ o nyikɔmɛ. Wo ɖekukuni be nɛgbe nɔn yewo gbɔ sɔna ŋkekeɖeo.