¹ ŋlé woman tsɛ ŋluɛnwɔ ɖoɖa wo, lɔnlɔntɔ, Gaíus hamɛmegan xoxoɔ; tsi ŋ lɔnnɔn le nyawó toto me. ² ŋlé gbédowɔɖa bé nuwó nɛn yí nyuiɖé nɔ le goshiago me, yí na nɔn lamesɛn me shigbé létsi éklan tɔwo le nyuiɖe néné. ³ Edjidjɔm ŋtɔ tsi nɔnvi ŋsuwó va ɖi ɖasé nú kúɖo nyɔntéxoɛ ŋti, le létsi o lé zɔnzɔwɔ lé nyantéxué me. ⁴ Nye ŋdé ɖo djidjɔgan ɖé sɔwú bé ŋsé bé vinyɛnwó lé zɔnzɔwɔ le nyantéxué mé o. ⁵ Lɔnlɔntɔ, olé nunyui woawɔ lé nutsiwó keŋkeŋ o lé woawoa mɛn, ŋdé nyi nɔn nɔviwó ɖéɖé kpo vɔ na amedjrowó tsan. ⁶ Tsiwó lé ɖasé ɖuwɔ so lɔnlɔn tɔwo ŋtsi lé tsɔtsiɛ ŋmɛn. O la wuɛ nyuiɖe bé na dalɔ wó mɔndjiyíyí shigbé létsi yí la djé lé Mawu yio ɖoɖo mɛ. ⁷ ȡo lɔ, lé Yesu yio nyikɔ ŋti lɔ, wó to tsi wó ŋdé xɔ ŋɖé lé dukɔn ɖé shio. ⁸ Mi ɖo la xɔ mɛtsɛ tɔtɔngbéwó, bé mian nyi hadɔwoalawó nɛ nyɔntéxoɛ. ⁹ ŋ ŋluɛn nu nɛ tsɔtsiɛ, vɔ lɔ Diotrɛf tsi dji nɔn la nɔn téxoé tútúgbɔn lé wó domɛ lɔ ŋdé xɔ mí o, ¹⁰ vɔ ne ŋtrɔva lɔ, na ɖo ŋkúvi yio núwoáwoáwó dji nɔn mi, é lé nyɔn vuinwó towɔ so mian ŋti nɛ yia sɔ do ŋkpɛn mí; ŋdé kpɔ djidjɔ ɖo nutsɛ ŋtio, ŋdé xɔ nɔn nɔnvi ŋsuwó , yí yi do nɔn yio sé nɔn mɛtsiwó dji la woɛ; é xé nɔn yio mɔn nnɔn wó, yí yi nyan nɔn wó to le tsɔtsiɛ mɛ. ¹¹ Lɔnlɔntɔ, ŋgbe srɔn nubaɖa, vɔ srɔn nunyui, mɛtsi nɛn woa nɔn nunyui lɔ, so Mawu gbɔ. Vɔ mɛtsi woa nɔn vuin lɔ, ŋdé kpɔ Mawu kpɔ. ¹² Meshiamɛn ɖu ɖasé so Démétrius ŋti. Nyɔntéxoéɛ ŋtɔ lé ɖasé ɖuwɔ so yiŋti; yí o nyan bé mian ɖaséɖuɖu nyí nyɔntéxoé. ¹³ ŋɖo núsúgbɔ la ŋluɛn ɖoɖáa, vɔ nyɛn ŋdé dji bé má woɛ kú núŋluɛnshi kúɖo nuŋluɛnti o. ¹⁴ Djidéxo lashinyɛn bé ná kpɔ zanɖe viɛ, yí mi lá xonúxo ŋkúmɛn kú ŋkúmɛn. ¹⁵ ŋtífáfá nɛn nɔn kúdo. Nɔnvi fiɛtɔwó do gbe ɖaɖá.