1
Simon Piyɛ, metsi nyi kluvi kudó apotri nɔn Yesu Klisto, nɔn metsiwo kekeŋ hɔ hɔsé hɔashi sigbé letsi mi hɔɛ há nɛnnɛn, hɔsé lé mia Mawu kudo mia hlingantɔ Yesu Klisto yio djɔdjɔɛ nyinyi me.
2
Amenuvévé nɛn nɔn kudó mi, ŋtifafa miatɔ nɛn djiȡodji to shidjédjé Mawu kudo Yesu miá huétɔ lɔ dji
3
Wo sɔ nuwo kekeŋ tsi só Mawu mé kudo mia Huétɔ mé na mi bé mia djéshi Mawu, metsi yɔmi nɔn yéŋtɔ ŋtikɔkoɛ kudo yio ŋsɛn.
4
To nuhɔnwo djilɔ, edó ŋgbé gángánwo nɔn mi. Ewa eyɛwo bé miá kpɔ gomé le Mawu yio djɔdjɔme mé, tsi nyibé mishidjó lé xixɛmé yió gblégblé kudó yió nudjrodjrowo gbɔ.
5
Ðo susu xɔn ŋtilɔ, mi djá gbagba bé ŋsɛn ya sun mia shi tó hɔsémé. Yi to ŋsɛn melɔ, shidjédjé.
6
To shidjédjé mélɔ, améȡokui dji dudu, to améȡokui dji dudu lɔ, kutrikuku, to kutrikuku mélɔ Mawu vɔnvɔn.
7
To Mawu vɔnvɔn mélɔ, havilɔnlɔn, to havilɔnlɔn mélɔ, lɔnlɔn.
8
Nɛn nuxɔnwo lé miamé yi wo lé shinshinwo lé miamé lɔ,mi ŋdá nyi konɔn lé shidjédjé mia Huétɔ Yesu Klisto méo.
9
Vɔ metsi shi enuyɛwo ŋdé léolɔ,nyi ŋkuvi gbangbantɔ,ŋdé kpɔnɔn enu lé djidjihoé,yi i ŋlɔnbé yio nuvɔn xóxówó klɔklɔdjó.
10
Ðo nuxɔn ŋtilɔ nɔnviwo,mi hlɔn bé mia lé miá yɔyɔ kudó mia tsantsanlɔ sinsinȡé.Nɛn mi woɛ lɔ,mi ŋda vɔn gbéȡéo.
11
Agbo gangan ȡéka lá hun nɔn mi lé fiɔ duxoé mavɔ tsi nyi mia Huétɔ kudo Hlingantɔ Yesu Klistɔ mé
12
Ðo nuxɔn ŋtilɔ,na nɔn gbésɔsɔ bé ma nɔn ŋkuvi ȡówɔ nuxɔnwo dji nɔn mi,togbɔ bé mi gbé nyin tsan yi fifiɛ mi sɛnŋ lé nyawototoɔ mé.
13
ŋ xoésé bé axun dɔdashi yi nyi bé manɔn ŋkuvi ȡowɔ nuyɛ dji nɔn mi tsi ŋ kpɔtɔ lé gbadɔyɛ gɔnmé.
14
Ðo ŋ nya bé zanȡé yɛlɔ,na tó lé gbadɔ yɛ gɔnmé shigbé letsi mia Huétɔ Yesu Klisto ȡi fiaŋ xá nɛnnɛn.
15
Na djé agbagba bé mia nɔn ŋkuvi ȡowɔ nuyɛwo dji lé axun djodjo ŋgbodomé.
16
Ŋdé edru toto yio nyɔn towɔ milé nɔnmi kuȡo mia Huétɔ Yesu Klisto ŋtio, vɔ miɔnŋtɔ mikpɔ yio ŋsɛn dɔwáwá wo.
17
Ðo ŋti ŋtilɔ e xɔ ŋtikɔkoɛ kudo bubu só Mawu etɔlɔ gbɔ éyimé égbé ȡéká ȡi so djipo bé''méyɛ yi nyi vinyin lɔnlɔntɔ tsi gbɔ nyɛn ŋdé lɔn nɔn nuléo.
18
Mi sé gbéyɛ so djipo etsimé milégbɔ lé etó kɔkoɛ dji.
19
Mi kanȡo enyɔn nunudaȡɛ lɔ dji,mi ȡo lá kuȡoŋti.eléshigbé kanlingbɛn tsi lé bibiwɔ lé vivitsimé vá ȡó gatsimé enu lá ké ȡó miá djimé.
20
Mi nyan eyɛ tutugbɔn bé,enyɔnnunudaȡɛwo ŋdé sonɔn enyɔnnudaȡɛtɔlɔ gbɔ.
21
Ðo enyɔnnunudaȡɛ ȡékpikpi ŋdé vanɔn to agbétɔ yio lɔnlɔn nu méo,vɔ gbɔngbɔn kɔkoé yi xonɔn nuxo to amégbétɔ dji lé Mawu yio ŋkɔmé.