1
Dé mi gbé trɔ tɔdji ké, lé gbédashi ná mian ɖékiwóa? Dé mi hian gbédashi woman lé miá gbɔ alo so miá gbɔ a?
2
Miɔn lɔ, mí nyi mian gbédashi woman, tsi o ŋluɛn ɖo mian djiwó mɛ, tsi meshiamɛ djeshi, tsi meshiamɛ hlɛn.
3
Yí o lé ɖéɖi fiáɔ bé yé nyí Kristo yo woman, tsi mi sɔ ɖoɖa, wó ŋdé ŋluin kúdo nu ŋluɛn shi, vɔ to Mawu yio gbɔngbɔn mɛ, ŋdé ɖo ékpé yo kplɔnwó dji o, vɔ ɖo gbétɔwó djiwó kplɔnwó dji.
4
Kankanɖodji tsi mí ɖé nɔn Mawu to Kristo dji nɛn.
5
ŋdé nyi bé, ŋsɛn lé miáŋtɔ miáshi bé mian ɖo ŋdé lé mian ɖoki mɛ, shigbé bé ŋti so mian gbɔ nɛnɛn o, vɔ lɔ mian nutété so Mawu gbɔ.
6
Mɛnɖé do ashixɔxɔ mian ŋti bé mian nyi zoɖuɖu nyuiɛ yo dɔwoatɔwó, ŋdé nyi woman yɔ, vɔ so gbɔngbɔn lɔ mɛ, ɖo lɔ woman wú nan mɛn, vɔ gbɔngbɔn yɛ do nɔn agbé amɛn mɛ.
7
Fifiɛ lɔ, nɛ ékú yo dɔwoawoa tsi o ŋluɛn ɖo ékpéwó dji lɔ, va ŋtikɔkɔɛ tsɛ tɔnŋgbé mɛ, yí ízrɛl dukɔn ŋdé teŋ kpɔ Moízi yo ŋkumɛn zéɖékaa, ɖo ŋtsikɔkɔɛ tsi le yio ŋmɛn lɔ ŋti, ŋtsikɔkɔɛ tsi nuwuwu le shi lɔ,
8
gbɔngbɔn lɔ yio dɔwoawoa ŋtsi na kɔ wú lo?
9
Nɛ kodjóɖoɖo yo dɔ tsi vayí lɔ ɖo ŋtsikɔkɔɛ lɔ, zenɛnin yí djɔdjɔɛnyinyí yo dɔ la ɖo ŋtsikɔkɔɛ tsi ɖo ashixɔxɔ gan.
10
Do lɔ, nutsiyí ɖo ŋtsikɔkɔɛ vayi kpɔ lɔ, ŋdé gbé ɖo ŋtsikɔkɔɛ, ɖo ŋtsikɔkɔɛ tsi yi ɖo vayi lɔ ŋtsi.
11
Do lɔ, nɛ nutsi ɖo nuwúwú, ɖo ŋtsikɔkɔɛ vayi lɔ, zenɛnin nutsi ŋdé ɖo nuwúwú o lɔ yo ŋtsikɔkɔɛ la ɖo ashixɔxɔ gan.
12
Kankanɖodji xɔn le mianshi, mi le vovo gan ɖé mɛ,
13
ŋdé shigbe bé Moízi tsi tsɔn avɔ ɖo ŋmɛn, bé Izrɛl dukɔn ŋdé gbé ɖo ŋtété nɛ yia kpɔ yé zeɖeka le vɔvɔnu nɔn ŋtsikɔkɔɛ tsi ɖo nuwúwú lɔ.
14
Vɔ lɔ, avɔ tsɔn wó gbɔngbɔn dji. Káká vá sɛn fifiɛ lɔ, avɔn xɔn kpɔtɔ lé nɛ wó le zoɖuɖu xoxoɔ hlɛnwɔ; yí ŋdélé djodjoɔ, ɖo Kristo mɛ kpo yí bu nɔn le.
15
Vɔ égbɛ tsan lɔ, nɛ wó le Moízi hlɛnwɔ lɔ, avɔ ɖé tsɔn nɔn wó djiwó dji.
16
Vɔ lɔ, nɛ amɛɖé trɔ lé yio djimɛn, va axoétɔ gbɔ lɔ, o ɖé nɔn avɔ djo.
17
Axoétɔ nyi gbɔngbɔn, yí fitsí axoétɔ yio gbɔngbɔn le lɔ, xɔn vovo le.
18
Miɔn keŋkeŋ, ŋɖé manɔn ŋmɛn lɔ, mile Mawu yio ŋtsikɔkɔɛ kpɔwɔ, nutsi trɔ mian nɔnɔnmɛwó ɖo yio ŋtsikɔkɔɛ yo nɔnɔnmɛ mɛ, tsi so ŋtsikɔkɔɛ yio ɖoxoé ɖé yi ɖo bu mɛ, shigbé to axoétɔ dji, tsi nɛ nyi gbɔngbɔn lɔ.