¹ Fifi lɔ, miá xonuxo so élan tiwo yi osɔ sanavɔ nɔn voduwo: mi gnan énɔntsɛ "miwó kénɔn kénɔn mi ɖo énɔn nyan nyan tsɛ". ² Enɔn nyan nyan tsi lɔnlɔ, vɔ lɔnlɔn lé ɔnkɔ nyi. ³ Nɔn amɛ dé bui bé yé nyan i nɔndé lɔ, ɔngbé bui bé yé nyan enɔ wó kénɔ kénɔ wó. Va nɔn mɛdé lan mawu lɔ, mawu djéssi amɛxɔn. ⁴ Sɔ yi dji lɔ, énɔn tsi ku ɖɔ énɔn ɖu ɖu tsi wo sɔ na voduwo lɔ: mi nyan bé xixé yɛ ɔndé yi ɔndé, yi mawu kuideka pɛ ili. ⁵ Ganké énɔn sugbɔ sugbɔ h oyɔ nɔn bé mawuwó lé édji kudo anyin gban shibé lé tsi yi mawuwo kudo axɛtɔwo shan a nin. ⁶ Ɛ, nɔn miɔnwo lɔ, Maɖéka pɛ étɔn, tsi gbɔ énɔnwo kénɔn kénɔn sɔ, yi tsi mi lé agbé na kudo amɛ kplantɔ yesu klisto tsiɔn tsi énɔnwó kénɔn kénɔn hi kudo miɔnwó tsan mi li. ⁷ Ganké énu nyan xɔnnɔ ɔnɖé lé mɛde ka mɛ. Só yi dji lɔ amɛdéwó sɛn vodu yi ɖu élan tsiwó sɔ savɔ nɔn voduɔwó nin nin. Wo dJidji nyɔnwé gblé dó ogbɔdjɔ. ⁸ Vɔ ɔndé énɔn gblégblé wa nin mi dé ɖudu yi la tsami. Mi ɔndé wa énɔná gblégblé wa hin mi dé ɖuiwó alo mi ɖui. ⁹ Vo, vovo miatɔ ɔngbé nyin afɔklinnɔn nɔn mɛtsi gbɔdjɔ lé xɔsé mɛ. ¹⁰ Nɔn amɛdé kpɔ bé yé nyannu lɔ min du élan tsi osɔ savɔ nɔn voduwo a trɔ donɔsin amɛ tsi wó gbɔ djɔ bé otsan o min ɖu. ¹¹ Sɔ yi dji lɔ, ŋdo enɔn gɔn mɛ sé tsi mi ɖo nɔnnɔn mɛ nyanwo vodu wó tɔ tsi, nɔnvi ùsu alo nɔnvi nyɔnu tsi yesu va kuna ɔngbé buwo. ¹² Só yi dji lɔ nɔn owa énu vui do nɔnviwo ùsuwó alo nyɔnnuwó yi do abi wó djidji nyɔn ma do ɔnsin wó lo, o wa nɔnwɔn do klistotɔ. ¹³ Ganké, nɔn énɔn ɖuɖu ɖé dé yi afɔ klinɔn ɔn nɔnvi ùsu alo nyɔnnu lɔ, nɔgbé dui, gahoho hɔn mɛ lɔ nɔda va yi afɔ klinu nɔn nɔnvi ùsu alo nyɔnu lɔ wó.