² Nɔn ényɔn dɔndɔn va ȡo nɔvi xɔsetɔwo domɛȡé, éla kplɔɛ sɔ yi kodjo ȡoxué lé maxɔsetɔ wo gbua? ¹ miɔ ŋdé nyan be amɛ kɔkɔɛwo tsan ȡonɔn kodjo lo? mi ŋdé kpéɔn tsi aȡo kodjo le miɔnuío domɛ lo? ³ Mi ŋdé nyan be mi le kodjo ȡoɔ nɔn Mawu dɔlawo lo? ŋdé ŋtsi yi mi ŋda tɛn ȡo kodjo nɔn ényɔntsiwo lé djɔdjɔ lé agbɛmɛ ȡo? ⁴ Nɔn el!é nɛnnɛn yi mi la tɛn ȡo nɔn kodjo nɔn mia nɔnuió gashigamɛ ȡe, ŋdé ŋtsi yi mi ŋda wua nu ȡé le tsɔtsimɛ? ⁵ Nuɔ be ŋkpɛn miatɔ yɔ. ⁶ Méȡe ŋde le miamɛ yi nyanu atɛnu aȡo kodjo le nɔnviwo ku nyɔnuwo mɛ? Vɔ nɔnvi djé huɛ nɔnvi xɔsétɔ to, le kodjo ȡotɔ maxɔsétɔ gbɔ. ⁷ Le nyaxo mɛ le klistowommɛ lɔ enyɔn dɔndɔn ŋda na nyi xɔn nyi ŋkɔyiyi nɔn mi. ŋdé ŋtsi woda xo mɛ tsiwo nyɔn ŋdé djɔ? ŋdé tsi mi kpɔ mɛn butɔ? ⁸ Vɔ wo la gbléhuɛ domi le nɔnvi ŋsuwo ku nyɔnuwo gbɔ! ⁹ Mi ŋdé nyan be amɛ madjɔ madjɔ ŋda yi Mawu fiɔ ȡuxuɛ mɛ lo? mi gbé xosé nɔn ŋsukankanwo Enu magblé magblé, vodu sɛn sɛn, ŋsuwo hashiwawa, ŋsu ȡéȡé alo nyɔnu ȡéȡé aȡe nɔnuí, ¹⁰ éfi, ŋbia, ahanumɔn, amɛ nyɔn toto alo kpatso enu xɔnwo ȡe ŋda yi Mawu fiɔȡuhomɛ. ¹¹ Yi nɛn nɛn mɛȡewo le lémiamɛ nɛn. Wo klɔmi yi mi mɛn, wo tsami ku Mawu le nyikɔ amɛ kplatɔ Jesu Klistɔ tɔmɛ kudo gbɔngbɔn kɔkɔɛ yétɔ. ¹² " Wo na gbé enuwo kékéɔn tɔ" vɔ kékéɔn ŋdé nyɔn. "wo na gbé enuwo kékéɔn tɔ" vɔ nyɛn ŋda nyi amɛ xléxlé nɔn ŋȡéo. ¹³ "Enu ȡuȡu le nɔn adɔgbo yi adɔgbo tsan le nɔn enu ȡuȡu" vɔ mawu la gblé amɛvéɛlɔ. vɔ nɔn axuetɔ lɔ yi sumɔnviɛ la kpé éhian yétɔwo ŋtsi ¹⁴ Yi Mawu la fɔn axuétɔ ku miwo to ŋsɛn yétɔmɛ. ¹⁵ Mi ŋde nyan bé ŋtsilan miatɔ nyi ŋtsinuwo nɔn Jesu yio ŋtsilan lo? ké nan sɔ Jesuwo ŋtsilan atsa ku hashitɔa? xɔn ŋgbé va mɛ! ¹⁶ Mi ŋdé nyan be mɛn tsi tsaku hashitɔ étrɔ zuɔn énu ȡeka kuilo? shibe letsi wo hlɛn enɛn," wamɛnveɛlɔ trɔ zun ŋtsilan ȡeka". ¹⁷ Vɔ mɛ tsi tsa ku axuétɔ trɔ zuɔn gbɔngbɔn ȡeka kudui ¹⁸ Mi vɔn nɔn hashi! enuvɔnui kpɛtɛwo tsi agbétɔ wualɔ ŋdé le ŋtsilan ŋtsi, vɔ hashi yi nuvɔnui tsi lé amɛwo ŋtsilan ŋtsi. ¹⁹ Mi ŋdé nyan be ŋtsilan miatɔ nyi gbedoxɔ nɔn gbɔngbɔn kɔkɔɛ lo, tsi le miamɛ, mɛtsi mi xɔ lé Mawu gbɔ lo, miɔ ŋdé nyi yétɔlo? ²⁰ Ðo wo hlémi ku éga. Gahɔn mɛ ŋtsilan miatɔwo akanfu Mawu.