¹ Mia ȡo ŋkɔ yiyi le lɔnlɔn ku mia ȡo akpakpa tsi yi nu nana gbngbɔn atɛn anu nyɔn ȡɛ. ² Ðo amɛ tsi yi nu nyɔn ȡɛ ŋdé xonuxo nɔn agbétɔwó, vɔ mawu, yi mɛde ŋde sénɔn gɔn mɛ nyi ȡo elé nu wluawlua gbɔngbɔn mɛ tɔwo nuɔ. ³ Vɔ mɛ tsi nu nyɔn daȡɛlɔ xonuxo nɔn agbétɔwo asɔ nawo ŋkɔyiyi, anawo ŋsɛn, alo anawo akɔnfafa. ⁴ Vɔ mɛtsi do aȡé yéyélɔ na ŋkɔyiyi yétɔ, vɔ mɛtsi nu nyɔn ȡɛ na ŋkɔyiyi tsɔtsiɛ kékéɔn. ⁵ Fifiɛlɔ ŋdji be mi nɛn do aȡé yéyé, nɛn ya gbé nyɔn wu xɔn, nɔn mia nu nyɔn ȡɛ. Mɛn tsi nu nyɔn ȡɛ egbé le ŋkɔ nɔn mɛtsi do aȡéyéyé alo nɛn mɛȡe le mɛn ȡéxɔ nɔn ŋkɔyiyi tsɔtsitɔ. ⁶ Nɔnvi ŋsuwo ku nyɔnuwo, nɛn va mia gbɔ yi le aȡéyéyé doɔȡé, ŋde yi la na nɛn ŋdé nyi enyɔn enu ȡéȡéfiatɔwo, enyɔn enuyanyantɔwo, enyɔnuȡɛtɔwo alo enukplamɛ. ⁸ Nɛn énu maȡo agbéwo shibe gankoguí alo sɔguiwo ŋdé ȡenɔn égbe vovolɔ, le mia nyan nutsi xokɔwolé? ⁷ Alo nɛn ékpɛn va do gbébuȡé le mi wɛ anyan be égaxo nɔn nusɔsɔ nan hawua? ⁹ nɛn nɛn pɛpɛ yi le nɔn mi nɛn: nɛn mi xonuxo ma ȡo gɔɛmɛ sésélɔ le amɔnwo la wuɛ anyan enyɔn tsi toxɔ mi lé? mi la xonuxo vɔlɔ mɛȡé kpékpi ŋda mɔnudjié ŋtsiwo. ¹⁰ Egbé sugbɔ wolé xixiɛ mɛn. Vɔ kékéɔn ȡo gɔnmɛn sésé. ¹¹ Vɔ nɛn ŋdé sé aȡé yéyéwolɔ wo trɔ amɛdjro nɔn mɛtsi dui, mɛtsi le doȡuikɔ xan nyi mɛdjro nɔnwo. ¹² Nɛn nɛn pɛpɛ nɔn mi, shibe le tsi mi djídji nɔn enu wawa gbɔngbɔn tɔ, mi ȡo akpakpa nɔn ŋkɔ yiyi tsɔtsi tɔ. ¹³ Nɔn mɛtsi le gbedoȡa wa le aȡeyéyémɛlɔ ya wɛ aȡemɛ. ¹⁴ Ðo ŋdo gbeȡa ȡo aȡeyéyémɛ, gbɔngbɔn ŋnyɛntsan, vɔ susutsi nyɛn tsi gbalo. ¹⁵ Le na wɛ? Na dogbeȡa ku gbɔngbɔn alo ku susu. ¹⁶ Na djiha ku gbɔngbɔn ku susu tsan. ŋnɛnɛ na dogbeȡa le gbɔngbɔn ȡékɛmɛ, le amɛ kpɛ tɛwo la nu: ami vɔ woŋda nyan enyɔn tsi toɔmileo? ¹⁷ Mi wa nɔn enu nyúí akpedodo tɔwo, vɔ ŋdé na ŋkɔyiyi amɛkpɛtɛwo. ¹⁸ ŋda kpe nɔn Mawu ȡo ŋdo aȡeyéyé xu miokékéɔn, ¹⁹ vɔ le tsɔtsilɔ enyɔnu xube na nu nyɔn amatɔn tsi ȡo gɔnmɛ sese atɛnɔn adoŋsɛn amɛkpɛtɛwo, xube nan nu nyɔn kotokɔn amɛwo ȡo aȡeyéyé. ²⁰ Nɔnvi ŋsu ku nyɔnuwo, mi ŋgbé nyi vi le miaȡe kiwomɛ; vɔ man nyɔn mɛ. Mi tsi shibe vifɛn, vɔ le susumɛ, anyin amɛganxo. ²¹ Ðo wo hlɛn be:sɔ to agbetɔ egbebutɔlɔ ku aȡé bu tɔlɔ, nan xonuxo nɔn akɔta tsɛ; le gahɔnmɛlɔ wo ŋda séó nɛn nɛn amɛkpatɔlɔ nu nɛn. ²² Sɔ yi djilɔ aȡé yéyé nyi djéshi vɔ ŋde xɔsétɔ nɔn amɛ tsiwo nyi maxɔsétɔ. Vɔ nyɔnu ȡɛ nyi djéshi ŋde maxɔsetɔ vɔ nɔn xɔsetɔ. ²³ Nɛn tsɔtsiwo kékéɔn tɔ aȡeyéyé dodoȡe mɛn tsiwué le xixénɔn ku maxɔsetɔwo ŋda yɔwo be ehanɔnlo? ²⁴ Vɔ nɔn miwo kékéɔn nu nyɔn ȡɛ yi amɛ xixénutɔ alo maxɔsetɔ ȡe ȡomiamɛ, enu tsi se la trɛ, yienutsi se la dohɛ nyi. ²⁵ yi olasɔ enu tsi le djimɛnyiwosɔ fiɛ, yi la djan nyi tsɔ ŋmɛ anyi yi la sɛn Mawu yinu be nyao Mawu le mia mɛ. ²⁶ Nɔnvi ŋsu kudo nyɔnuwo lé mia xɛ? gatsimɛ mi la bɔlɔ, mɛȡekawo nɛn dji Davidi yio hawo, nuɔkplamɛtɔwo, enu ȡefiamɛtɔwo, aȡeyéyéwo alo ȡéȡémɛ. Mi wua wo nɔn ŋkɔyiyi tsɔtsitɔ. ²⁷ Nɔn mɛȡe do aȡeyéyélɔ, nɛn amɛ eve alo etɔn eȡe kplɔȡedo tsan adui yi mɛȡeka atɛnɔ aȡemɛn. ²⁸ Vɔ nɛn amɛ ŋde ȡemɛwolɔ wo nɛn bɔnu le tsɔtsi nɔn wua xonuxo nɔn Mawu. ²⁹ Nɔn enyɔnutɔ eve alo etɔn nɛn nu nyɔn nɔn amɛkpɛtɛwo ȡotui ku gɔnmɛ sese. ³⁰ Nɛn mɛȡele mɛtsiwué nanyímɛ xɔ ȡeȡefialɔ, mɛn tsi le nuxoxoɔ nɛn ȡoté. ³¹ Meȡeka meȡeka hɛn la nu nyɔnȡɛ yi mi la kpɔ aȡemɛ asɔ do ŋsɛn mia ȡekio. ³² Ðo enyɔn nuȡɛ tɔwo gbɔngɔbn é le ku enyɔnn nuȡɛtɔwo. ³³ Ðo Mawu ŋde nyin Mɔwu hannyan hanyan, vɔ Mawu fafa. ³⁴ Le tsɔtsi mɛkɔkɔɛwotɔ lɔ, nyɔnuwo ȡo la bɔn. ȡo wo de nagbe yi wo la xonuxo, vɔ ola bɔbɔ shibe letsi éseɛ nuixa. ³⁵ Vɔ nɔn odjil a kplanuȡelɔ, ɔwo ȡo la biɔgbéwosuwo le axomɛ. Ðo ŋdé na asgi xɔxɔ nyɔnu be ya xonuxo le tsɔtsi. ³⁶ Alo Mawu nyɔn so mia gbɔya? alo mio ȡekɛ gbɔ yi va? ³⁷ Nɔn amɛȡe buibe yé yi enyɔnuȡɛtɔ alo gbɔngbɔnmɛ mɛlɔ, nɛn ya nyanbe enu tsi wo hlɛn nyi gbetasɔsɔ axuetɔ lɔtɔ. ³⁸ Nɛn mɛȡe gbilɔ, nɛn gbi. ³⁹ Yi tsi nɔnvi su ku nyɔnuwo mi ȡo djro enu nanatɔ, yi miɔ ŋgbe gbe aȡeyéyé dodo nɔn nɛn ȡeo. ⁴⁰ Vɔ mi wa enuwo kékéɔn nyúí kudo ȡoȡonu.