² Djidji tsi nyi nɔn mi lɔ, nɔnvi ŋsu ku nyɔnuwo nyi be le tsi mia tɔwo nɔn lilikpoɔ yi wokekeɔn to axuɔ gɔnmɛ. ¹ Wo nyɔnlɔn wo ɖotɔmɛ le Moizi mɛ tó lilikpo ku axuɔ mɛ, ³ yi wo ɖugbɔngbɔnmɛ nu ɖeka ⁴ yi nuɔ gbɔngbɔnmɛ nu ɖeka. Yi wo nu gbɔngbɔnmɛ nu ɖeka tɔ ekpé ɖeka tsikplɔwodomɛ, ekpé xɔn yi nyi Klistɔ. ⁵ Vɔ Mawu ŋde kpɔ djidjɛ ŋosugbɔ ɖo mɛɖewo ŋtsile wwomɛ, ɖo etsɔ wotɔ va gbankpé zogbeɛmɛ. ⁶ Fifiɛ enuxɔwo nyi kpɔɖeɔn nɔn mi, nɔn mi gbé ɖo edjro baɖa tsi woɖo va yiwo. ⁷ Miɔn gbe nyi vodu sɛntɔ shibe mɛɖewo le womɛ xa. Shibe le tsi wo hlɛn be," amɔnwo la nanyi la ɖu la nu, yi la shité la ɖuwé ku edjro hashitɔ." ⁸ Wo la wa hashi, shibe le tsi amɛ sugbɔ le wɛwɛxa, yi kavétakpo éxo éxo téxué xuivɔntɔn kunɔn ɖo hɔnɔtsi. ⁹ Miɔ gbe sɔ Klistɔ do tétékpɔmɛ, shibe le tsi amɔnwo wɛ yi ku ɖo edan ɖuamɛ ŋtsiwo. ¹⁰ Nɛn nɛn ké mi gbe rɔn shibe le tsi amɛ sugbɔwo wɛ le womɛ xa, yi dola ékutɔ xuwo xa. ¹¹ Enu xɔnwo va nɔn wo yi la nyi kpɔwɛ nɔn mi, yi wo hlɛn ade fia mi be enu tsi djavadjɔ le gahoho kpɛtɛmɛ. ¹² Gahɔnmɛ lɔ mɛ tsi bui be yé djɔ lɔ ashɔ ɖekiɛ nɔn anyi djédjé. ¹³ Tetekpɔ ɖe ŋdava nɔn ŋdé nyi amɛ nu wawa, vɔ Mawu le gbédji, ŋda tashi mi nɔn enu tsi wugan ŋsɛn miatɔ la temikpɔ, vɔ le tetekpɔ mɛ lɔ emɔn la huɔn, yi mi la kpeɔntsi láa anɔnɔté. ¹⁴ Gastɛmɛ lɔnlɔntɔ tsí nyɛnwo, mi shi nɔn vodu sɛnsɛn. ¹⁵ Ŋle nuxo xoɔ nɔmi shibe amɛ nyanuwo minyi xa, ɖo mi la mɔnnudjé enyɔn tsi nuɔ ŋle dji. ¹⁶ Kɔkpo yayla tsi mi ylanɔn ɖe wodé miɛn nɔn mi to Klistɔó zuɔn mɛ lɔ? kpɔnɔn tsi mi so ɖe wo ŋdemiɛn nɔn mi to Klistɔ ŋtsilan mɛlɔ? ¹⁷ ɖó kpɔnɔn kuiɖekayɔ, yi miɔ wo tsi sugbɔlɔ mi trɔ ŋtsilan ɖeka, yi gbé trɔ zɔn kpɔnɔn ɖeka. ¹⁸ Mi kpɔ akɔta izlaɛlit: ŋde wó ɖu avɔsanu mɛdjro sɛnxuétɔlɔ? ¹⁹ Ŋdé ŋdji la nuɔ? be vodu ŋdé nyi ŋɖéowa? alo anu ɖuɖu tsi yí osɔ savɔ nɔn vodu ŋdé nui ŋdeowa? ²⁰ Vɔ nɔnu, avɔ tsi maxɔsétɔó salɔ, wo sɛnɔn gbɔngbɔn vuiwo vɔ ŋde Mawu. Nyi ŋde dji be mió mi nɛn tsaku gbɔngbɔn vuiwo! ²¹ miɔ ŋda nu kɔkpo amɛkplatotɔ ku légbatɔ. Mi ŋda sɛn amɛkplatɔ wo kplɔn kudo légbatɔ. ²² Alo mi le enyɔn djiɔ le Mawu ŋhuanhuan ŋtsiya? alo mi sɛnnuɔ wu nɛn nɛn? ²³ "O na gbe nuɔ kekeɔntɔ," vɔ kekeɔn ŋde nan alé. "O na gbé nuɔ kekeɔntɔ," vɔ kekeɔn ŋde nan ŋkɔyiyi. ²⁴ Nɔn mɛɖe ŋgbe dji alé yétɔ . Vɔ mɛɖeka mɛɖeka mɛn dji ale nɔnviɛtɔ. ²⁵ Mi la ɖu énu tsiwo kekeɔn saɔ olé le ashimɛ, tsi mi ŋda biɔ enyɔn seo. ²⁶ Ɖó xixiɛ nyi Mawutɔ, yi enu tsiwuɛ le mɛ kekeɔn nyi Mawutɔ. ²⁷ Nɛn maxɔsetɔ ɖe yɔ mi be yéwua ɖunɔn lɔ, yi mi xɔgbelɔ, mi ɖu nuwo kekeɔn tsi na mi tsi mi ŋda biɔ nyɔn seo. ²⁸ Vɔ nɔn mɛɖe nuɔ nɔn mi," enu ɖuɖuxɔn osɔ savɔ nɔn vodu," miɔ ŋgbe ɖui ɖo mɛtsi nu nyɔnlɔ ŋtsio, alo ayexa ŋtsi. ²⁹ Nyɛn ŋde le ayéxa miatɔ nuwɔ, vɔ ayéxa mia nɔnvi bu tɔ. Vɔ ŋdewa vovo tsi nyɛn la dohɛ nɔn ayéxa nɔnvi butɔ? ³⁰ Nɛn ŋɖuɖunɔn ku akpédodolɔ, ŋde tsi mi la zuɔn ɖo akpeɛ tsi. ³¹ Gatsimɛ, mi le ɖuɖuxɔ alo mi le nunuɔ, alo mi le nuwaɔ, miwa nuwo kekeɔn asɔ do Mawu ɖodji. ³² Mi ŋgbe djigé le jufwo,alo grɛkiwo, alo tsɔtsi Mawutɔ ŋtsio, ³³ shibe le tsi ŋdjinɔn le nuwo kekeɔn mɛ le nuwo kekeɔn dji, madji alé tsiyɛn, vɔ amɛ sugbɔtɔ nɔn wokekeɔn agan.