¹ De ra que la? Josué ulidxi guiraa ca ni zaa se Israel ndani Siquem ne gunínebe ca rigola xti Israel, ca xaique, ca ni rusabaná', ne ca xaique dxu, ne laaca bidxiña ca nezalu DIUXI. ² Gudxi Josué guiraa ca binni que: "Ndi nga ni DIUXI, DIUXI xti Israel, ná: Ca bixhoze goola tu bibani ca ma xadxii cherica de Guigu Eufrates, Taré, bixhoze Abraham ne bixhoze Nacor, ne bisisaca cabe xcadxi bidó." ³ Peru naa gucuá bixhozo dede cherica de Eufrates ne yeniá laabe lu layú xti Canaán, ne bidié laabe xtale de ca ni zaa de laabe pur xiiñi be Isaac. ⁴ Ne Isaac la? bidié la' Jacob ne Esaú. Esaú la? bidié la ca guidxi ra nú dani xti Seir para gaca xtibe, peru Jacob ne ca xiiñi la? guyé ca neza Egipto. ⁵ Naa biseenda Moisés ne Aarón, ne guluá laca ra na gaana ne ca de mal ni bisenda luguiá ca. Gudiidi si nga la? gulé lii de ra qué. ⁶ Naa gulé ca bixhoze goola lu de Egipto, ne guyé ca ra nisadó. Ca egipciu guzabinanda ca ne carruaje ne ca ni ri guiiba mani ziitu casi Nisadó xiñaa. ⁷ Ora ca bixhoze goola tu bicá ca riidxi SEÑOR la?, Laabe gulúbe guendanacahui laade tu ne ca egipciu. Laabe bedanebe nisadó ti guiaba lugiá cabe ne gati xhié ca. Laatu biiya tu ni Naa biine ndani Egipto. De ra qué laatu bibani tu ndani yuu nda' xtale dxii. ⁸ Naa bedania laatu ndani ca guiidxi xti ca amorreu, ca ni nabani cherica de Jordán. Laacabe gudiindené cabe laatu ne gulaque laacabe ndani ná' tu. Laatu guca xtitu ca layú xti cabe, ne Naa binedéya laacabe neza lú tu. ⁹ De raqué la? Balac xiiñi Zipor, xaique xti Moab la?, biasa ne bicálu' Israel. Laabe bisenda be ne bicá riidxi pur Balaam, xiiñi Beor, para gusába be guenda na'ná' luguiá. ¹⁰ Peru Naa que nu cá diaga dia' Balaam. Ne pue, laabe gulú ndaya be laaca. Nga runi biláya laaca de ndani ná' be. ¹¹ Laatu gudiidi tu Jordán para yendá tu Jericó. Ca xaique xti Jericó gudinde né ca laatu, nee ca amorreu, ca ferezeu, ca cananeu, ca hitita, ca gergeseu, ca heveu ne ca jebuseu. Naa bidié quiiñe tu laacabe ne gulaque laacabe para gunitu ni naa' tu ne laacabe. ¹² Naa biseenda biizu neza lú tu, laaca yené ca laatu ra nú cabe ne guiropa ca xaique xti ca amorreu, ti guxoñe. Que ñaca di ndi runi espada o arcu xtibe. ¹³ Naa bidié laatu layú, ne que huayunitu ni dxiiña ne gudxi ni llatu que hua ucuí tu, ne yanna ma nabani tu ndani ca ni. Laatu roo to cuananaxhi xti layú uvas ne gucuá tu ra zhua yaga xti aceituna ni cadi laatu bizuhuá tu. ¹⁴ Yanna la? la guidxibi XPIXUANA NU ne lagusisaca Laabe ne xneza pe ne sin guendaruché né Laabe; laguiduba de ca diuxi ca ni bixhoze goola tu bisisaca ca cherica de Eufrates, ne ndani Egipto, ne lagusisaca XPIXUNA NU. ¹⁵ Pa guihuini cadi biasi neza lú cabe gusisaca tu XPIXUANA NU la? la guyubi ne la guicá dxi di, tu laa chi gusisaca tu, pa ca diuxi ni bisisaca ca bixhoze goola tu cherica de Eufrates la? o pa ca diuxi xti ca amorreu, ndani ca guiidxi ra laatu nabani tu "Peru naa ne liidxe la? laadu zusisaca du XPIAXUANA NU". ¹⁶ Guidxi que bicabi ne ná: "Laadu la? que zusáana didu XPIXUANA NU" ne gusisaca du xcadi diuxi. ¹⁷ XPIXUANA NU nga DIUXI xtidu, ni gulé né laadu ne ca bixhoze goola du ndani guidxi Egipto, ne de ra cá du yaga, ni bi'ni ca guendanandxó roo neza lúdu' ne ni la' gu'pa laadu lu guiraa neza ra laadu guyuu du, ne de guiraa xixé guidxi ni laadu gudiidi du. ¹⁸ Ne XPIXUANA NU bituuba de laadu ca binni, ca amorreu ni nabani ca ndani guidxi di. Nga runi laadu laca zusisaca du XPIXUANA NU, purti Laabe nga DIUXI XTIDU." ¹⁹ Peru Josué rabi guidxi que: "Laatu que zanda gunicabe xhiiña DIUXI, purti Laabe nacabe DIUXI Santu; Laabe nacabe ti DIUXI ni ridxichiné ni rucheene laabe; Laabe que zuxhiadibe guenda qui runa ne guenda ruchee xtitu. ²⁰ Pa laatu gusaanatu Diuxi ne gusisacatu bido' de xti guidxi, Laabe zaninnabe laatu ne zuninnabe laatu. Laabe zunduuxebe laatu, tidisi de gúnibe neza laatu." ²¹ Peru guidxi que rabi Josué: "Co'; laadu zusisacadu SEÑOR." ²² Ti ora que, Josué rabi guidxi que: "Laacatu nannadxichitu cucaalutu laca laatu, de laatu biree gulítu SEÑOR, para gusisacatu laa." Laaca guni'ca': "Nannadxichidu". ²³ Josué rabi laacabe: "Yanna, la cuee chu ca bido' xti guidxi ni nuune laatu, ne la gudxigueta' ladxido'to SEÑOR, Diuxi xti Israel." ²⁴ Guidxi que rabi Josué: "Laadu zusicacadu SEÑOR, DIUXI xtidu. Laadu zucaadiagadu xtidxi be." ²⁵ Josué bitagunebe diidxa ca binni guidxi que, dxi que. Laabe gula'quibe xi guníca' ne Ley Siquem. ²⁶ Josué bicaa ca diidxa di lu ca gui'chi' bisaana Diuxi gaca'. Laabe gucuaabe ti guié ro' ne gula'quibeni raqué, xana ti yaga roble ni nuu cue' santuariu xti DIUXI. ²⁷ Josué rabi guidubi guidxi que: "Lagu'ya, guié di nga chi gului' laanu ra gucheenu. Ma binadiagatu ca diidxa ni gudxi DIUXI laanu. Ngue runi zului'be laatu, pa chu' dxi laatu gisiaandatu DIUXI xtitu. ²⁸ Ra que Josué biseenda guidxi que zitu, tobi tobi ne ni biaana chicaa. ²⁹ Gudi'di si ca ndi, Josué xiiñi Nun, siervu xti DIUXI, guti, napa ti gayuaa ne chii iza. ³⁰ Laacabe bicaachicabe laabe ra dxaaga ca layú ni biaana guica'be, ra Timnat Sera, ni nuu lade ca dani xti' Efraín, guia' de Monte Gaas. ³¹ Israel bisisaca DIUXI bia' dxi bibani Josué, ne ca dxi xti' ca binigola jmá bibani que Josué; guira' ca ni nuu dxi gucané DIUXI guidxi Israel. ³² Ca dxita xti' José, ni gulee ca xpini Israel zitu de Egipto, bicaachicabe ni Siquem, lu nda layú guzi' Jacob xti ca xiiñi Hamor, bixoze Siquem. Laabe guzi'be ni ne ti gayuaa ndaa plata, ne gúcani ni biaana para ca xiiñi José. ³³ Eleazar xiiñi Aarón laca guti. Bicaachicabe laa Guibeá, guidxi xti Finees xiñi be, ni maca biaana guica'be. Nuuni lade ca dani xti Efraín.