¹ Ne gudiidi si xtale dxi, ora XHAIQUENU bidii guiziladxi Israel de guira ca ni ruca' lu laa ni nuu ca gaxha. Josué ma huaniisi. ² Josué gulidxi interu Isael, ca binigola xti, ca xhaique, ca juez ne ca xhaique ca dxú' ne gudxi be laaca: "Naa iza' ma nagolá'. ³ Laatu ma biiyatu guira ni XHAIQUENU DIUXHI xtitu ma biini ne guira guidxiro' ti laatu chú sicarú, ti purti XHAIQUENU DIUXHI xtinu nga ni ma bidxelazaa pur laatu. ⁴ Laguuya! Naa ma bidie laatu ca guidxiro' ni cayaana pur quiñe tu casi ni chi guianané tu para ca lisaa xtitu, ne ca guidxiro' ni naa ma biniteluá', dede Jordán dede nisado' naroba dede neza riazi gubidxa. ⁵ XHAIQUENU DIUXHI xtilu sabee laacabe fuera. Laa sulaa ná laacabe fuera pur laatu. Laa saxha layu' xti cabe, ne laatu saca tu ni, casi XHAIQUENU DIUXHI xtinu ma bidii xtidxa laatu. ⁶ Lagaca iza' nadipa, ti guzuhua dxichi tu ne guni tu ni ca lu ca gui'chi liibi lisaa xti ley Xti moises, sin guibigueta tu ladu ndiga o neza biga, ⁷ ti saca cadi guiu'cha tu ca guidxiro' ni biaana ca ne laatu o guzeete tu lá ca diuxhi xti cabe, gudii tu xtidxa tu pur laacabe, gusisaca tu laacabe o gusuxhibitu xha ñé cabe. ⁸ Jmá Sicaru naquiiñe gusuxhibi tu xha ñee Diuxhi xtitu casica huayuni tu dede yanadxi ⁹ Ti purti XHAIQUENU ma guladxi de nezalú tu naroba ne adipa guidxiro'. Ne laatu la? guiruti que huayanda guzuhua nezalú tu dede yanadxi di'. ¹⁰ Tutica Hombre de laade tu suni de de que xatel hixiapa hombre guxhoñe, ti purti XHAIQUENU DIUXHI xtitu, Laabe nga xhi guidxelazabe pur laatu, casi Laabe ma bidii xtidxa be laatu. ¹¹ Laguca diaga chahui, ti ma ganda ganaxhi tu XHAIQUENU DIUXHI xtitu. ¹² Peru pa laatu gudxideche tu laabe ne guindete ique tu neza lú ca ni biaana nabani de ca guidxiro' di', ni naca ca ni biaana lade tu, o pa laatu guichaganá tu laacabe, o pa laatu guida'gu tu laacabe, ne laacabe guidagu cabe laatu, ¹³ Oraca lagana dxandipe XHAIQUENU DIUXHI xtitu ma que sabee ru' ca guidxi ro' di' de laade tu. Laga nga la? laacabe saca cabe ti do' ne ti trampa para laatu, cuarta ni guirenda deche tu, ne guichi guidabi lú tu, dede dxi laatu gati tu de ndani layu' sicarú ni XHAIQUENU DIUXI xtitu ma bidii laatu. ¹⁴ Yana naa ma cháa de ndani ca neza xti interu guidxilayu' di', ne laatu nanatu ne interu naca ladxido' to ne xquenda tu de que naa que huaché dia' gune dxandí nin ti didxa para guira xixe ni sicarú xti XHAIQUENU DIUXI xtitu ma bidii xtidxa de laatu. Guirá ca ndi me beeda ca para laatu. Nin tobi que nuche'. ¹⁵ Peru sacaca casi guira didxa ni XHAIQUENU DIUXI xtitu ma bidii xtida laatu, saca XHAIQUENU sedané luguia tu guira ca cosa dxaba dede Laabe gunitilú be laatu de ndani layu' sicarú ni XHAIQUENU DIUXI xtitu ma bidii laatu. ¹⁶ Laabe suni be ndi laatu pa guchugutu guendarutagu didxa xti XHAIQUENU DIUXI xtitu, ni laabe bini mandar be laatu guinaze dxichi tu. Pa laatu che´tu ne gusisaca tu xcadi diuxhi ne gusuxhibi tu nezalú cabe, oraca xhiana xti XHAIQUENU sacagui luguia tu, ne laatu sati tu naguenda ndani layu' sicarú ni laabe ma bidii be laatu.