¹ Oraque ca xaique xti cada lizaa xti ca levita beeda ca' ra nuu xaique yu'du' Eleazar, ra nuu Josué xiiñi Nun ne ra nuu ca xaique ni ruuya ca lizaa xti ca bixhoze gola cabe ndaani guidxi Israel. ² Gudxi cabe laaca ndaani Silo lu ca layú xti Canaán: "XPIXUÁNANU de ruaa Moisés, biseenda gúni tu', deque gudiitu laadu cadxi guidxi ra laadu guibánidu, ni gapa layú ni napa guixi naga' para ca yuze xtidú." ³ Ne zaqué pur ni biseenda gúni XPIXUÁNANU, ca Israelita bidii cabe ca levita ca guidxi di' ni biaana icaa ca', interu ca guixi naga' xti ca'. ⁴ Ne ndi nga ni biree ora laacabe bindaa cabe boladu ni icaa ca lizaa xti ca coatita: ca xaique yu'du'- ca ni zá de Aarón ni naca ca' levita, gucuaa ca' chii ne chonna guidxi ni bidii ca lizaa ni zá de Judá, de ca ni za de Simeón ne ca ni zá de Benjamín. ⁵ Xcaadxi lizaa ni biaana de ca Coatita gucuaa ca' pur boladu chii guidxi de ca lizaa ni zá de Efraín,Dan, ne galaa de ca lizaa ni zá de Manasés. ⁶ Ne ca ni zá de Gersón bidii cabe laaca pur boladu chii ne chonna guidxi de ca lizaa ni zá de Isacar, Aser, Neftalí, ne galaa de ca lizaa ni zá de Manasés ndaani Basán. ⁷ Ca ni zá de Merari gucuaa ca' chii ne chupa guidxi de ca lizaa ni za de Rubén, Gad ne Zabulón. ⁸ Ca Israelita bidii cabe pur boladu ca guidxi di' ca levita, interu ca guixi naga' xti ca ní, casi ca XPIXUÁNANU bidii xtiidxabe ne Moises guni' ní. ⁹ De ca lizaa ni zá de Judá ne Simeón, bidii cabe laaca layú de ca guidxi di',rari' siete lá caní. ¹⁰ Ca guidxi di' bidii cabe caní ca ni za de Aarón, ni nuu ca' lade ca lizaa xti ca Coatita, ne zaqueca naca ca' de ca lizaa ni zá de Leví. Purti niru laacabe biree icaa cabe lu boladu qué. ¹¹ Ca Israelita bidii cabe Quiriat Arba(Arba nga ni guca' bixhoze Anac), layú xti xti pe Hebrón, lade ca dáni xti Judá, uria ca guixi naga' qué. ¹² Peru ca layú xti guidxi qué ne ca guidxi huiini xti ní, máru bidii cabe cani Caleb, xiiñi Jefone, casi xlayu pe ca'. ¹³ Ca ni zá de sacerdote Aarón, bidiicabe laa Hebrón, ne guirá ca layú guixi naga' xti', ni nacani ti guidxi ra zanda guizi'la'dxi guirá xixé ni bi'ti sin ñapa ganna, ne Libna ne guira' ca layú guixi naga' xti', ¹⁴ Jatir ne guira' ca layu guixi naga' xti' ne Estemoa ne ca layú guixi naga' xti'. ¹⁵ Laaca bidiicabe laa Holón ne ca layú guixi naga' xti', Debir ne ca layú guixi naga' xti', ¹⁶ Aín ne ca layú guixi naga' xti', Juta ne ca layú guixi naga' xti' ne Bet Semes ne ca layú guixi naga' xti'. Bia'si ga' guidxi nga bidiicabe guiropa tribu di. ¹⁷ Cani zaa de Benjamín bidii cabe Gabaón ca layú ni napa guixibeede, Geba ne ca layú ni napa guixibeede xti, ¹⁸ Anatot ne ca layú ni napa guixibeede xti ne Almón ne cani cadi nú ndani guidxi, tapa guidxi. ¹⁹ Ca guidxi ni gucuá ca xaique yu'du, ca ni zaa de Aarón, biasi chii ne chona guidxi nga laaca ni, maca né ca layú ni napa guixibeede xti cabe. ²⁰ Ne zaqueca ca xcadxi binniliidxi Coat, ca xiiñi Leví ni naca cá de ca binniliidxi Coat, napa ca guidxi ni gucuá cabe pur suerte, de ca ni zaa de Efraín. ²¹ Gucua' cabe Siquem ne ca layú ni napa guixibeede de lade ca dani xti Efraín, ti guidxi ra ria'pa tutisi ni guti xtobi ni cadi laape guni, Gezer ne ca layú ni napa guixibeede, ²² Kisaim ne ca layú ni napa guixibeede ne Bet Horón ne ca layú ni napa guixibeede, biasi tapa guidxi nga cani. ²³ De cani zaa de Dan, ca binniliidxi Coat guacuá ca Elteque ne ca layú xti ni napa guixibeede, ²⁴ Ajalón ne ca layú xti ni napa guixibeede, ne Gat Rimón ne ca layú xti ni napa guixibeede, biasi tapa gudxi nga cani. ²⁵ De galaa tribu xti Manasés, binni lidxi Coat bidiicabe laaca Taanac ne ca layú gixi naga' xti' ne Gat Rimón ne ca guixi naga' xti', chupa guidxi. ²⁶ Biaasi chii guidxi nga para ca restu binni lidxi ca Coalitas, maca ne ca layú guixi naga' xtica'. ²⁷ De galaa tribu xti' Manasés, dede ca binni lidxi Gersón, ca ndi la xcadxi binni lidxi levita ne laacabe bidiicabe Golón ra Balsán ne ca layú guixi naga' xti', ni nacani ti guidxi ra zanda guizi'la'dxi guirá xixé ni bi'ti sin ñapa ganna, né Beestera ne ca layú guixi naga' xti', bia'si chupa guidxi. ²⁸ Ca binni lidxi Gersón laca bidiicabe laaca Cisón de tribu xti' Isacar, ne ca layú guixi naga' xti', Daberat ne ca layú gixi naga' xti', ²⁹ Jarmuth ne ca layú guixi naga' xti' ne En-ganim ne ca layú guixi naga' xti', tapa guidxi. De ³⁰ tribu xti' Aser, bidiicabe Miseal ne ca lay'u guixi naga' xti', Abdón ne ca layú guixi naga' xti', ³¹ Helcat ne ca layú naga' xti' ne Rehob ne ca layú gixi naga' xti', bia'si tapa guidxi. ³² De tribu xti' Neftalí, bidiicabe ca binni lidxi ca' Gersón Cedes ni nuu Galilea ne ca layú guixi naga' xti', ni nacani ti guidxi ra zanda guizi'la'dxi guirá xixé ni bi'ti sin ñapa ganna; Hamot-dor ne ca layú guixi naga' xti' ne Cartán ne ca layu guixi naga' xti', bia'si chona guidxi. ³³ Bia'si chii ne chona guidxi ni, de guira' ca binni lidxi Gersón, ne ca layú gixi naga' xti'. ³⁴ Ca xcadxi de ca levita, ni zaa ca de Merari, bidii cabe laaca ca ni zaa de Zabulon: Jocneam ne ca layu' napa guixhi beeda, Carta ne ca layu napa guixhi beede xti, ³⁵ Dinma ne ca layu napa guixhi xti ne Naal ne ca layu napa guixhi xti. bia'zi tapa Guidxi. ³⁶ Ca ni zaa de Merari gucua ca de ca ni zaa de Ruben: Beser ne ca layu napa guixhi xti, Jahaza ne ca layu napa guixhi xti, ³⁷ Cademot ne ca layu napa guixhi xti ne Mefaat ne ca layu napa guixhi xti, tapa guidxi. ³⁸ De ca ni zaa de Gad bidii cabe laaca Ramot ni nuu Galad ne ca layu napa guixhi xti, ti guidxi ra sanda ché tutiica ni guti xtobi sin ñacaladxi, ne Mahanaim ne ca layu napa guixhi xti. ³⁹ Ca ni zaa de Merari laaca bidii cabe laaca Hesbón, ne ca layu napa guixhi xti, ne Jaser ne ca layu napa guixhi xti, Ca ndi guca ca bia'si tapa guidxi. ⁴⁰ Guira ca ndi guca ca ca guidxi xti xtale de ca ni zaa de Merari, ca ni naca ca de ca ni zaa de Leví, bia'si chii ne chupa guidxi gucua cabe ra guyu rifa que'. ⁴¹ Ca guidxi xti ca Levita ni gucua cabe dede galaa de layu xti guidxi Israel, gucani chupa lategande ne xhono guidxi ne ca layu napa guixhi xti ca. ⁴² Cada tobi de ca guidxi di napa ca layu napa guixhi xti gaxha. Saca guca ne guira ca guidxi di' ⁴³ Nga runi XHAIQUENU bidii be Israel guidubu naca layu' ni laabe bidi xtidxa be gudii be ca bixhoze gola ca. Ca binni Israel gucua ca ni, ne bibaani ca raque'. ⁴⁴ Oraque' XHAIQUENU bidii laacabe guiziladxi cabe guira ladu, casi ca laabe bidi xtidxa be ca bixhoze gola ca. Nin tobi de ca ni nanaladxi laaca que ganda quiiñe laaca. XHAIQUENU BIDII laacabe ca ni nanaladxi laacabe ndani ná cabe. ⁴⁵ Nin ti cosa, de lade ca sicarú ni bidii xtida XHAIQUENU, ni gudxibe lidxi Israel, biche' de ñaca dxandi. Guira ni guca ni.