1
Oraque XPIXUÁNANU gudxibe Josué:
2
"Guni' ne guidxi Israel ne gudxi laaca: 'La cuí ca guidxi ra gucachilú tu' de ca ni Naa ma gudxe laatu pur ca gui'chi' ni bicaa Moisés.
3
Lagúni ndi', ti ora ti binni ni guuti xtobi sin gacaladxi la? ganda gucachilú raqué. Ca guidxi di' záca cani ti lugar ra gucachilú ni laa canayúbi cabe para guquixe laabe de rini ni bixii xti xá binni ni biiti be qué.
4
Laabe zuxooñe be ra nuu tobi de ca guidxi qué ne susuhuaa be ruaa puerta ra riuu cabe ndaani guidxi qué, ne zusiene be ni cazaaca be ca ni nagola xti guidxi qué. Ne oraque laacabe siné cabe laabe ndaani guidxi qué ne sudii cabe ti ra guiaanabe para ibánibe láde ca'.
5
e pa tuuxa gueeda gacaladxi guquíxe laabe de rini ni bixii xti xa binni ni biitibe qué, oraque ca binni guidxi qué, que sudii cabe hombre ni biiti qué lu ná caxaique. Laacabe que naquiiñe gúni cabe ndi', purti laabe biiti be binni qué sin ñacaládxibe ñunibe ní nin ca que ñapabe xiana lugia hombre qué.
6
Laabe naquiiñe guiaana be ndaani guidxi qué dede ora ma bidaagu cadxi binni de ndani guidxi qué para guyubicabe pa napa be dónda, dede dxi gati' xaique xti ca sacerdote ni nabani ca dxi qué. Ne oraque ni laa biiti xa binni sin gacaladxi qué ma sanda guibigueta be xquidxi be, guidxi de ra laabe bixooñe be."'
7
Ne zaqué ca Israelita gulí cabe Cedes ni nuu Galilea lade ca dáni xti Neftalí, Siquem lade ca dáni xti Efrain ne Quiriat-arba(laca laani nga Hebrón) lade ca dáni xti Judá.
8
Jma cherica de Jordán neza riaza gubidxa xti jericó, gulí cabe Beser ni nuu lu yú de nda' ra na pampa xti ca lizaa ni zá de Rubén; Ramot ni nuu Galaad de ca lizaa ni zá de Gad; ne Golán ni nuu Basán de ca lizaa ni zá de Manasés.
9
Ca ndi nga gúca ca guidxi ni gulí cabe para guira ca Israelita, ne para ca ni zá de xti guidxi ni nabáni lade cabe, ti tutiica si ni guuti xti binni sin gacaladxi la? ganda guxooñe be ndaani ca ní para guilá be. Binni di' que zati be lu naa ni racaladxi guquixe ni laabe de rini xti xa binni ni biiti be qué, dede qué tidi si ni dxi'ba donda ique di' neza lu ca binni ni guyubi pa nápabe dónda.