1
Ra guiroopa' suerte que' gucúaa' Simeón ni' xti cada tóbii de ca lisaa' xtí'. Nee ndaa layú gucuaa'be que' la? nuu'ni laade ca layú zee'da guicaa' ca lisaa' xtí Judá.
2
Gucuaa'ca be casi ñáde' cabe ni risáca, Berseba, Seba, Molada,
3
Hazar Sual, Bala, Ezem,
4
Eltolad, Betul ne Horma.
5
Nee laaca Simeón gucuaa' Silcag, Bet-marcabot,
6
Bet-lebaot, ne Saruhén. Ca ndí gúca' ca' chii' ne choona guiidxi, ne ca guiidxi huiini' xtí.
7
Simeón gucuaa' Ain, Remón, Eter, ne Asán. Ca ndí gúca' taapa guiidxi, ne ca guiidxi huiini' xtí.
8
Ca ndii' ne ca guiidxi huiini' xti yendaa ca' dede Baalat-beer ( ni naca Ramat ndani Néguev). Ne ndí nga ndaa' layuu bidii' Simeón ca lisaa' zeeda de laa'.
9
Ndaa' layuu xtí ca lisaa' xtí Simeón beda guíuu'ni ndaani' ca layuu xtí ca lisaa' xtí Juda. Gúnii isaa' narooba' layuu gucúaa' ca lisaa' xtí Judá, Simeón gucúaa' layuu xtí' laade ca lisaa' xtí Judá.
10
Ra guioona suerte gúca' ni xtí ca bínni liidxi Zabulón ne gucúaa' ca lisaa'be ni'. Ra biluuxhe layuu xti be yendaa ni dede Sarid.
11
Ra biluuxhe ni' yendaa ni' dede neesa ra riaasi' gubiidxa neesa nuu' Marala, ruruuxáni' tindaa' Debeset ne dede ra daa' niisa cuxhooñe dxaaga Jocneam
12
De Sarid ra dxaagani xti guidxique rudiini bieque neza ra rindani gubidxa, ra dxaagani Quislot Tobar. De raqué la? neza ra nuu Deberat, raque la? de ra nuu Jafía.
13
Raqué la? zeni neza ra rindani gubidxa neza ra nuu Garat Jefer, raqué la? neza ra nuu Ita-Cazin; raqué la? neza ra nuu Rimón rudiini bieque neza Nea.
14
Ra dxaagani xti guidxi que bidiini bieque neza guia' neza ra nuu Hanatón ne biluxeni ra nuu layú ro' lade dani xti' Jefte.
15
Layú ro' di' la? nuu ndaanini ca guidxi Katat, Naalal, Simrón, Idala ne Belén. Raqué guyuu chii ne chupa guidxi, zaqueca ca guidxi huiini' xti'cani.
16
Ndi' nga ni biaana guicaa ca xpinni Zabulón ni bidiicabe ca binni lidxica', ca guidxi, ne zaqueca ca guidxi huiini' xtica'.
17
Ra guiidápa suerte gúca' ni xtí Isacar, ne gucúaa' ca bínni liidxi be ni'.
18
Lú layuu xti be laaca nuu' Jezreel, Quesulot, Sunem,
19
Hafaraim, Sihón, ne Anaharat.
20
Laaca zeeda Rabit, Quisión, Abez,
21
Remet, En Ganim, En Hada ne Bet pases.
22
Laaca dxaagani Tabor, Sahazima ne Bet Semes, ne riluxeni ra guiigu' Jordán. Biuu chii ne xhoopa' guidxi maca ne ca guidxi huiini' xtica'.
23
Ndi' nga ni biaana guicaa ca xpinni Isacar, ne ni bidiicabe ca binni lidxi, ca xquidxi ne ca guidxi huiini' xtica'.
24
Lu gaayu' ndaa gulaa lúcabe que gucuaa xpinni Aser ni, ne ca binni lidxi.
25
Guirá' ca guidxi nuu lu ca layú xti'cabe nga Helcat, Halí, Beten, Acsaf,
26
Alamelec, Amad ne Miseal. Neza ra riaazi gubidxa la? dxaagani rindani de ra nuu Dani Carmelo ne Sihor Libnat.
27
Raqué rudiini bieque neza ra rindani gubidxa Bet Dagon ne zeruni jmá zitu ne ra chindani Zabulón, ne raqué ra nuu layú ro' nuu lade dani xti' Jefte. Neza guia' la? de ra nuu Bet Emec ne Neiel.
28
Raqué zéni de ra nuu Cabul, neza guia'. Raqué zeruni Hebrón, Rehob, Hamón, ne Caná de ra nuu Sidón.
29
Ra dxaagani xti guidxi que bie'chuni neza ra nuu Ramá, ne raqué neza ra nuu guidxi zuhuaa dxiichi xti' Tiro. Raqué ra dxaagani xti' guidxi que rieechuni neza ra nuu Hosa ne riluxeni ra nisado', lu layú ro' xti' Aczib,
30
Uma, Afec ne Rehob. Biuu gande ne chupa guidxi raqué ne ca guidxi huiini' xtica'.
31
Ndi' nga ca layú biaana guicaa ca xpinni Aser, ne ni bidiicabe ca binni lidxi, ca xquidxi ne zaqueca ca guidxi huiini' xtica'.
32
Lu xhoopa' ndaa layú gulaa lúcabe que gucuaa xpinni Neftalí ni ne ca binni lidxi.
33
Ra dxaaga xquidxicabe que xti guidxi zeedani de Helef, ra zuhuaa yaga xti' Saananim, neza ra nuu Adami Neceb ne Jabneel, zitupe' casi ra nuu Lacum, ne riluxeni ra guiigu' Jordán.
34
Ra dxaagani xti guidxi que bie'chuni neza ra riaazi gubidxa xti' Aznot Tobar ne zeni Hucoc, yendani Zabulón neza guete' ne bigaandani Aser neza ra riaazi gubidxa ne Judá neza ra rindani gubidxa xti' guiigu' Jordán.
35
Ca guidxi zuhuaa dxiichi nga Sidim, Zer, Hamat, Racat, Cineret,
36
Adama, Ramá, Hazor,
37
Cedes, Edrei ne Hazor.
38
Laaca nuu Irón, Migdal El, Horem, Bet Anat ne Bet Semes. Biuu chii ne ga' guidxi, ne zaqueca ca guidxi huiini' xtica'.
39
Ndi' nga layú biaana guicaa ca xpinni Neftalí, ca binni lidxi, ca xquidxi ne guidxi huiini' xtica'.
40
Lu gadxe ndaa gulaa lúcabe que gucuaa xpinni Dan ni, ne ca binni lidxi.
41
Guirá' ni nuu lu ca layú gucuaacabe que nga Zora, Estaol, Irsemes,
42
Saalabín, Ajalón ne Jetla.
43
Nee laca guluu' be Elón, Timnat, Ecrón,
44
Elteque, Gibetón, Baalat,
45
Jehúd, Bene Berac, Gat Rimón,
46
Mejarcrón ne Racón, nee layu ni dxaga Jope
47
Dxi biaadxa layú nicaa xquidxi Dan, guyé Dan luguia' Lesem, bidxiilube laa ne bisegunábe laa. Biiticabe guirá'ca' ne espada, bini xti'cabe laa ne biaanacabe raqué. Laacabe gula'qui'cabe xti' lá Lesem, gulee lácabeni Dan, runi ca ni bibani dxiqué.
48
Ndi' nga ni biaana' guicaa guidxi xti' Dan, ne ni bidiicabe ca binni lidxi, ca guidxi xti' ne zaqueca ca guidxi huiini' xtica'.
49
Dxi laacabe biluxe gudiizicabe layú que casi ti ni biaana chicaacabe, bidii guidxi xti' Israel lade ra nuu cabe que ti ni guicaa Josué, xiiñi' Nun.
50
Runi ni guni' Diuxi gaca', bidiicabe laabe guidxi ni laabe gunababe, Timnat Sera lu ca layú nuu jmá dani xti' Efraín. Laabe gundisabe guidxi que ne gulezabe raqué.
51
Ndi nga ca layú ni bisaana' Sacerdote Eleazar, Josué xiiñi' Nun, ne ca xa ique xti' ca xpinni ca binni lidxica ni zeeda de ca bixhozególaca lade ca xpinni Israel, gudixhecabe guicaaca ndaani' guidxi Silo, nezalú DIUXI, ruaa yoo ra ridagulisaacabe que. Zaqué biluxecabe de qui'zicabe ca layú que.