1
Layú ni gudixhecabe guicaa guidxi Judá ne ca xiiñi', rindani neza guia' de ra ridxaagani ca layú xti' guidxi Edom ne desierto xti' Zin, neza guia' que nga ra ma zitu rindani.
2
Ra dxaaga xquidxicabe que ne xti guidxi neza guia' que la? zeedani de ra riluxe Mar salado ne rindani de ra ruaa' nisa ni ze' neza guia'.
3
De ra jmá rindaru' ca layú xti cabe que la? ruzulúni neza guia' dani xti' Acrabim ne ridi'dini gaxha ra nuu Zin ne rigui'baruni neza guiá' que de ra chindani guidxi Cades Barnea cue' guidxi Hezrón ne jmá luguiá' rindani Adar ne ribiguetani Carca.
4
Ridi'dini gaxha de Asmón, raque rindani guidubinaca ra ruxooñe' guiigu' huiini' xti' Egipto ne riluxe ca layú xti'cabe que ra nisado'. Ndi' nga ra riluxe ca layú xti'cabe neza guia'.
5
Ra riluxe ca layú xticabe neza ra rindani gubidxa nga ra ruzulú Mar Salado, bia'sipe ra riaba guiigu' Jordán ndaani' nisado'. Neza guete' la? ruzulúni ruaa' nisado' ne rindani ra riaba guiigu' Jordán ndaani' nisado' Mar Salado.
6
Rigui'bani Bet Hogla, ridi'dini neza guete' Bet Arabá. Raque la? rindani de ra nuu Guié xti' Bohán xiiñi' Rubén.
7
Raque ra dxaaga ca layú xti'cabe que ne xti guidxi rindani ne rigui'bani Debir dede ra nuu ca layú xti' Acor ne zaqueca jmá neza guete' ne rieequeni neza Gilgal, ni nudxiideche dani xti' Adumín, ni nuu neza guia' xti' ca layú que. Raque la? ra dxaaga xquidxicabe que xti guidxi ridi'dini gaxha de ra ridá nisa xti' Semes ne rindani Rogel.
8
Raqué la? rigui'bani neza ra nuu ca layú xti' Ben Hinom neza guia' guidxi Jebús (nganga Jerusalén). Raqué rigui'bani ique dani zuhuaa lu ca layú xti' Hirom neza ra riaazi gubidxa, ni nuu neza guete' ra riluxe ca layú xti' Refaim.
9
Raqué la? ra dxaaga xquidxicabe que xti guidxi rindani de luguia' ca dani que de ra chindani ra ridá nisa xti' Neftoa, ne raqué rireeni riéni ra nuu ca guidxi xti' Dani Efrón. Raqué la? rieechuni rudiini bieque guidubi naca Baala (laaca rabicabeni Quiriat Jearim).
10
Raqué la? ra dxaaga xquidxicabe que xti guidxi rieequeni neza ra riaazi gubidxa Baala neza zecabe Dani Seir, ne ridi'dini gaxha Dani Jearim neza guete' (laaca rabicabeni Quesalón), rieteni Bet Semes ne rididilaagani Timna.
11
Ra dxaaga xquidxicabe xti guidxi rireeni gaxha dani nuu neza guete' Ecrón, rudiini bieque neza Sicrón ne rididilaagani Dani Baala de ra chindani Jabneel. Ra dxaaga xquidxicabe que xti guidxi riluxeni ra nisado'.
12
Neza ra riaazi gubidxa la? ra dxaaga xquidxicabe que xti guidxi riluxeni ruaa nisado' lá' Mar Grande. Ndi nga guirá' ra dxaaga xquidxi ca xpinni Judá ne xcaadxi guidxi, ne ca binni lidxica'.
13
Ti guni Josué ni gudxi DIUXI laa guni la? bidii Josué Caleb, xiiñi' Jefone, ti ndaa layú gaca xti' galaahui' ra nuu ca xpinni Judá, Quiriat Arba, ni naca Hebrón (Arba nga guca' bixhoze Anac).
14
Guladxi Caleb raqué chonna xiiñi' Anac: Sesai, Ahimán ne Talmai, ni zeedaca' de Anac.
15
Raqué gudxi'babe ne guyebe luguia' ca binni nabeza Debir (Quiriat Séfer nga biree lá Debir dxiqué).
16
Guni' Caleb: hombre ni ché luguia' Quiriat Séfer ne guinaaze guidxi ca la? laa gudiee' xiiñe' Acsa gaca xheela'.
17
Dxi Otoniel xiiñi' Quenaz, bi'chi' Caleb gunaaze guidxi que la? bidii Caleb laabe xiiñi' Acsa gaca xheelabe.
18
Cadi xadxidi de ngué, beeda' Acsa ra nuu Otoniel ne gudxibe laa che chinaba' ti ndaa layú bixhozebe. Ne ra laabe bietebe luguia' ti ndxacu que la, gudxi Caleb xiiñi', ¿Xi caquiiñelu' xiiñe'?
19
Bicabica Acsa laabe: caquiiñe' gacaneu' naa, pa ma bidiilu' naa layú nuu Néguev ca la? rinaba' lii gudiiu' naa caadxi ra ridá nisa. Ne bidii Caleb laabe caadxi ra ridá nisa ni nuu lu ca layú nuu luguia' ne xaguete' que.
20
Ndi nga ni bizana ne' cabe tribu xti Judá, ni bidicabe ca' binilidxibe.
21
Ca' guidxi ni naca ca' de xti tribu Judá ni nu neza gue'te, ra biluxhe guidxi de Edom, eran Caseel, Edar, Jagur,
22
Cina, Dimona, Adda,
23
Cedes, Hazor, Itnán,
24
zif, Telem, Bealot.
25
Hazor Hadata, Queriot Hezrón, (ne si nini Hazor),
26
Aman, Sema, Molada,
27
Hazar Gada, Hesmón, Bet, Pelet,
28
Hazar Sual, Beerseba, Bizotia.
29
Baala, Iim, Esem,
30
Eltolad, Quesil, Horma,
31
Siclag, Madmana, Sansana,
32
Lebaot, Silhim, Aín ne Rimón; ne bia bidi ni gande nu gaa luu guidxi ne ca, guidxihuini xtini.
33
Ra xhaguete dani neza ra riazi gubidxa, nuu' Estaol, Zora, Asena,
34
Zanoa, En Ganim, Tapúa, Enam,
35
Jarmut, Adulam, Soco, Azeca,
36
Saaraim, Aditaim, ne Gedera (ni naca Gederotaim). Naca ca' chi ne tapa guidxi, ne ca guidxi huini
37
Zenán, Hadasa, Migdal,
38
Dileán, Mizpa, Jocteel,
39
Laquis, Boscat, Eglón.
40
Cabón, Lahmam, Quitlis,
41
Gederoth, Bet Dagón, Naama Y Maceda. Ndi nga ca' chi ne xhopa guidxi neca ca' guidxihuini xtini.
42
Libna, Eter, Asán,
43
Jifta, Asena, Nezib,
44
Keila, Aczib ne Maresa. Ndi nga ca' ga guidxi neca ca' guidxihuini xtini.
45
Ecrón, ne ca' guidxi dxaga ni ne guidxi huini;
46
de Ecrón dede ra Nisa roba, de guira guidxihuini ni nu gaxha de
47
Asdod, ne ca' guidxi huini; Gaza, ca' guidxi dxaga ni ne ca guidxi huini; neza guigu huini de Egipto, ne neza Nisadoo rooba ne ca rua nisa xtini.
48
Ranu ca dani, Samir, Jatir, Soco,
49
Dana, Quiriat Sana (ndi nga Debir),
50
Anab, Estemoa, Anim,
51
Gosén, Holón ne Gilo. biu chi ne ti guidxi, ne ca guidxihuini xtini.
52
Arab, Duma, Esán,
53
Janum, Bet Tapúa, Afeca,
54
Humta, Quiriat Arba, (ndi nga, Hebrón), ne Zior . Ndi nga ga guidxi, ne ca guidxihuini xtini.
55
Maón, Carmel, Zif, Juta,
56
Jezreel, Jocdeam, Zanoa,
57
Caín, ne Timna. Ndi nga ca chi guidxi ne ca guidxihuini xtini.
58
Halhul, Bet Sur, Gedor,
59
Maarat, Bet Anot ne Eltecón. Ndi nga xhopa guidxi, ne ca guidxihuini xtini.
60
Quirat Baal, (ndi nga Qiriat Jearim), ne Rabá. can ndi nga chupa guidxi, ne ca guidxi huini.
61
Lu yu nda, nu' Bet Arabá, Midín, Secaca,
62
Nibsán, Guidxi de zidi ne Engadi. Ndi nga ca xhopa guidxi ne ca guidxihuini xtini.
63
Laga de ca jebuseu, la ca bini ni nabeza ndani Jerusalén, de ca tribu xti Judá, que ñandadi niladxi cabe laca', nga runi ca' jebuseu la? nabeza ca' raca ne ca lisaa ni za de Judá dede ya na dxi.