¹ Li ma simirsa echi sawalachi rawe, Maria Magdalena, ali Maria Santiago illela, Na Salomé, Li paka nukuali echi raime jukame, mapo rika echi kulupare echona Jesusi ropalachi jopi rika ma katiwabarueli. ² Ne bacharawe bile tarali, Echi simibika nokuali echo na katiwaltachi we billa rallenali pi ukuli machinachi. ³ Aboni je aniga enili anagupe ,'' ¿Chika eka simire echi rite echona chuwechi atime atime tanuje niraka ?'' ⁴ Mapali echi ma rite, riwa bile onoula echi rite, ne walu nili. ⁵ Abonika mu úka nokuali echona pacha na chuwechi riwa echi bile taa towi rimali rosakame sipuchuame, kili atime otona, ali echi ne majaka nokuali. ⁶ Echi je aneli :'' ke tasi majasi. Tiemi á echi Jesusi, Echi Nazareno, mapo michonika ucharame nile. ¡Echi ku owinili! Echi kie jena í ati. Ta nesi mapona rikalti. ⁷ Nali simibika, rullesi ech mapomi binoi lluka illenali li echi Pedro, li Echi nimire ne bacha inarame echona Galilea aneliachi. Li echona ti emi riwiboire, jopi rika binoi anili. ⁸ Li echi bullali na ne jumka nokuali echona chuwechi jonsa ; Li echi ne sawilumika nokuali li ne kie echirika ikimerueli. Li echi kie wesi ruweka nokua napirika we majali. ⁹ Ne billa rawewachi romikchi, ma ku owinisa, ne bachami niraka wilili echona Maria Magdalena, jopi ne machi ilusili eechi kichau iwika chatiri. ¹⁰ Li echi simika sili na rulle jopona muchule echi lluka, echi uchuwachi we siweka li ne nalaka nokuali. ¹¹ Li echi akeka nokuali ku owinalaria li ma ne ku reterame nilaria, li echi kie tasi bichiuka nokuali. ¹² Li ma jena niraka,li Echi ne sinu niraka machinili echi chu okua ralamuli lluka, jopali echi enili echomi ichuratamichi. ¹³ Li echi je ane jarella jopi binoi lluka illenali, li echi kie tasi bichiuli. ¹⁴ Jesusi ne machinika sili mapona echi makoi bile muchuli jopi lluka illenali ne kolla muchurlachi, li echi ne llonika aneli jopi rika kie tasi bichiularia li ne we biwarka sili echi sulalchi, Jopi rika echi kie bichiuli echi jopi ne riwali jopi rika ku awinaliria. ¹⁵ Li Echi je ane:'' li simibika nokosi echo na buchuwi kawirli na nawisasi echi Riosi raichara karka akami. ¹⁶ Jopi ne bichiwi na pakatame ju echi nimire ne ku machi patame, li echi kie tasi bichiwame kie machi patame nimire .'' ¹⁷ Je na riwirtame lluka simamire jopi a ne bichiwa. Li echi ne nije riwarati machi paka nokameire echi chati iwika, raichama chusu únarika. ¹⁸ Chapimeire sinowi binoi sikalati, li usatimo echi bile namuti jopi ni mi ala milatre kie tasi namuti ikiboretmo. Li uchebiretmo sikala echi nallume, li echi ne ku owiname nimire. ¹⁹ Li ma echi binoi Walubela raichasa, li echi ma ku tarutame ni íli echona riwikachi na ne asibili echona otona Riosi chi. ²⁰ Li echi jopi Jesusi lluka illenali ma simibili nawisasia bochuwi niraka, li echi Walubela lluka nochili na ne kalarli echi raichari jopi riwirutame ju echi wika namuti jopi bineli Jesusi ala omero li ne najati.