¹ Okua rawe ke teli Paskuachi sebachi ali echi Pani ke tasi Levadura niwame Omaluachi. Echi ne bacha ichuwame nawesame ali binerami echi nularame ali ne kili nira anili chorikaa chapiboa echi Jesusi ali chorika miliboya. ² Ibili ko jeanili, "Ke omauli chi ga mapuriga ke machime echi ralamuli ali ke na auma tamuje yua'' ³ Mapali echi Jesusi echo na Betaniachi asali echi bitelchi ta rijoi Simon nayuame nili echi wichila , echona mesachi buwichi , nawali bile mukui bitoli rai ame jukame we nateame, niwame namuti we nateame niwame nili echi nardo jiti niwarame. Echi ko kasichili echi bitoli ali koliwili echi mo'olchi. ⁴ We nalina jare niruli mapu na'awa muchili. Aboniko raichili abowi ali jeanili, "piri jiti pi riechika simi? ⁵ Jena raiame jukame kala ralinewatuela ko che minape bakia ciento winomi nateame ali arame echi risua nilame. "aboniko ko yonili. ⁶ Jesusi ko jeanili, ''kili riwesi. ¿chorikaria nukumewitumo? Echi ko we bayoami namuti olali tami jiti. ⁷ Echi risua nilame ko ti emi yua a muchima ne sinibi , mapali ne ala niraka nakisatumo echali ne ala niraka olabaretumo auche jare yua, tami ko ke chulubi yua muchibatmo. ⁸ Echi ko kala olali mapu omerili: echi ko tami roweli nije ripokala ka riweriya tami tokuachi. ⁹ Ne bichiwa niraka ni ane ti emi, mapumi nawisakue jenai wichimoba, ali yenacho raichaba jena mukui jiti mapu isili, nataruame nira. ¹⁰ Ali echi Judas Iscariote, echi bile Riosi bichiwame, simili echi owelpala jawame yua inemaria chorika a la nijimaria echi Jesusi. ¹¹ Mapali echi bacha ichuwame akeli, we kaanili ali anika nokuali onomi nijaka. Echi ko aga sili chorika olama ruli inijiya. ¹² Echi ne bacha rawe omowaluachi pani ke levadura niwame, mapali miliwawi echi bowa Pascuachi nirume, echi Jesusi anajatami jeaneli, "¿Kome simasa nakimo mapurika kariweba echi Pascuachi kowame mapu muje komea? ¹³ Echi ko juuli okua Jesusi anajatami ali jeaneli, "simibika echona arrealchi ali bile rijowi sokoli bawi manimee matoka inarame natipu baretumo. anajatisi. ¹⁴ Mapona echi, simi anajatisi ali anesi echi niwame kali, Echi Binerami rukue, ''¿Kome wili echi kali mapona ni komere Paskuachi nije anajatami yua?.'' ¹⁵ Echi ti emi riwirima bile walu kali ma kariwerame. ma kariwesi echona tamuje nira. ¹⁶ Echi Jesusi anajatami buyali ali simibili echona arrealchi; ali aboniko riwali mapurika a nulali Echi , ali aboniko kariweli echi kowaami Paskuachi. ¹⁷ Mapali ma aliwachi nili, Echi nawali makoi okua yua. ¹⁸ Mapali ichuli koya echona mesachi, Jesusi jeanili, "ne bichiwa ni ani bile ti emi mapu tami yua kowa tami inijimare. ¹⁹ "Karika echi we omona muchili, ali jeanili ibilpi nira "¿ne bichiwa nira nije ke mayenili?'' ²⁰ Jesusi ku nijewika jeaneli, "echi ko ju bile tami anajatami, echi mapu tami yua kowa pani samime . ²¹ Mapurika echi Rijowi Ranala simirima echona buchi mapurika ani echi osurutami. !ne machimea echi rijowi mapu echi Rijowi Ranala jiti akalewrame nimare! Echi nira ko we kala nima riwele echi ke tasi ochersa ka. ²² Mapali koali, Jesusi juli pani, ali natetali ali ali nasipa rapanili. Ali ali abowi na je anili: Jena jusi Jena ko ju Nije sapala.'' ²³ Juli bile baso, ali natetali yali, ayali aboni, ali karaga bajili binoi nila. ²⁴ Ali je aneli: Jena ju Nije lalá we nateami, echi lalá mapo kuluwtame nili wikabe jiti. ²⁵ Ne bichiwa niraka jeni ane, ke chusine juma echona muchuwame rchi uva japisi nawasa echi rawe mapuli echona Riosi kalilachi nisare." ²⁶ Ma bile nawaji nojuisa ka, aboni simibili echomi Monte de los Olivos. ²⁷ Jesusi je aneli, karga tiemi rojuabarretumo, echirika osiruta chuku, 'MILIMERENE ECHI NISEME ALI ECHI BO'Á ROJAMARE!' ²⁸ Mapali Nije ku wilasarame nisa, nije inarama bachami tiemi yua Galileachi. ²⁹ Pedro jeaneli echi " mapu li karika mina simasa, nije ke tasi olama." ³⁰ Jesusi jeaneli echi, "Ne bichiwali niraka nimi ane jipe roko, mapali echi toli nojisa osa, muje bainsa chokueme anime tami ke machila ria." ³¹ Mapu Pedro jenili, '' Mapurika nije mukusa re muje yua nije ko olama echirika, ke tasi nije je anime nije nimi ke machillaria." ali suwabaka aniga nokuali mapurika aniga anili. ³² Sili echona bilena riwechi Getsemani, ali Jesusi jeaneli binoi binerame, ''Muchusi jenai mapu llena nije ku'anisa tania.'' ³³ Juli Binoi echi Pedro, Santiago, ali Juan ali owesali omonasia ne wabe. ³⁴ Echi jeaneli, Nije iwigala we omona ati,maposi ma mukutmo. nai tibisi ali je nai bullesi. ³⁵ Jesusi bacha simili ali chokobika chukubali echona willerali ali tanili, ayena omertame nisa, jena rawen simira Binoi. ³⁶ Echi jeanili,'' Abba, Onola, jena karaga namuti ne ala ju muje yuaka. mina achabo Jena vaso. we nalina ke olasane mapo nije naki , chopi mapi muje naki ." ³⁷ Ali ku nawasa riwali kuchuya bitiame, ali jeaneli Pedro ''Simon, ¿kuchuya bititmo? ¿Ke omerimo pi teli bullea? ³⁸ We niga muchusi ali tanisi maporika ke nocharrame niraga nibatumo. Echi iwigala ni olanili, we nalina tamuje sapala ke jiwerame niraga ju." ³⁹ Echi simili uchesine tansia, chopi chigo ku aniga. ⁴⁰ Ali nawali Echi uchesine ali riwali kuchuya bitiame, maporika aboni nila busila we kuchunalame nili, ali aboniko ke machili choaniborka. ⁴¹ Nawali baisa chokeame, ali jeaneli ''¿Chobiji kuchuya bitiketmo ali risaba? ¡Ma ala ju! Echiyenako ma sebali. ¡Inesi! Echi Riosi Ranala bile tami ma inijiga olamare echona chati olame lluka. ⁴² Jasi ali Simasi.Inesi, mapu tami iniji chuku mulube ina. ⁴³ Ne sapuka niraka mapali Echi a biji asali raicha, Judas, bile echi makoy okua, nawali, wikabe ralamuli asali binoi yua wiili piya ali echi kusi, ne bacha ichuwame welpala ali echi osili niwame ali ocherame. ⁴⁴ Echi mapu inijili bile riwirtame iyali, aniga, ''Je mine mapu nije chumi, echi ju; chapisi ali tosi". ⁴⁵ Mapali echi Judas nawali, ne sapinu niraga ali mulubewili echi Jesusi, ali jeneli, "¡Binerami!'' ali chumili. ⁴⁶ Maporika sineami ka simibili mapona Jesusi ili ali chapili. ⁴⁷ a li bile echi bile rijoi mapu Jesusi a najatame nili, piya wili machi paka bile rijoi ne waluala nulame nakala sikireli ali ⁴⁸ echi jesusi ku jeaneli''ti emi we pi ¿chikorame niraa eni tami yua wili piya , ali echi kusi tami chapiboria? ⁴⁹ mapali nije chulubi ti emi yua iyenli chonikaria ke tami chapiki wenalina arika ikili mapurika olarame nima echi osoruame ⁵⁰ a li biche mapo Jesusi yua enli na muchuwi jumika simibili ⁵¹ a li bile towi najatoka echi, bilepi napachame ;chapiruame nili ⁵² chopi napacha we nateame riweka simili li pi ke napachka simili ⁵³ Ali echi ralamuli tolii echi Jesusi echo na owelpla yua. Echona a li karka napawika nokuali, li ocherame, li echi riosi raichala osame, echi Jesusi yua ⁵⁴ Ali echi pedro mika niraa najatali echona ne waluala bitelchi jonsa. Ali binoi echo na echi tibutarame nasipaa asaga buyeli mapo na echi jare tibutarame muchuli ratabaya. ⁵⁵ A li bichee echi owelpla nulame ali karka ralamuli a kaleka runali mapurika echi Jesusi pachaa asimee. wenalina ariga ke biri a nisa nili ⁵⁶ A li wika ralamuli pi a kaleka raichka anili echi Jesusi Niraa, ali echi raichari ketasi chigoria nili. ⁵⁷ Jare jasika echo na mapona akaleka ruka anili Echi nira, ⁵⁸ ''tamuje kipu echi Jesusi raichala': nije ne kajunama echi Riosi kalila ralamuli sikalati niwarame, li bakia rawe siga ne chubile kali ne ikuliwame niraa wilime ke biri sikati niwarame.'' ⁵⁹ a li aboi raichala que tasi chigoria nili. ⁶⁰ Ali echi waluala wilisika rukuga jeaneli echi Jesusi ¿mujue ru ke biri anime? ¿je na ralamuli nimi nira raicha go? ⁶¹ ali biche echi jesusi ke anika wilili ali ke biri aniga tibili. a li chusine echi walula nulame chusine rukuga jeaneli ''¿ne bichiwa muje ju echi Jesukristo, echi ranala kuwiritame?'' ⁶² a li Jesusi ku jeaneli ''nije ju. na ti emi riwibo echi rijoi ranala mapa li echo na watona asisa Riosi jiwerola yua. ti emi ko tami riwimea ripa riwigachi rikina noli yua.'' ⁶³ A li echi ne waluala ne bacha chukume chiwachli echi napacha a li jeanili,''¿Abiji nowalete bile machime niraa ?'' ⁶⁴ Ti emi ma akeli echi chatiri raichara ¿chori ka olama? a li karika jeanili we milasi echi ka mukusa kala ju ⁶⁵ A lii jare ko kachipili echi Jesusi banala ,busila polika ocholi banalachi na ropalchi a li jare ku ralamuli mapio ocholi jeaneli ''ne ''¡tami ruye chika nimi ochola!'' a li mina toruame nili. ⁶⁶ Echi Pedro echo na raale kalirli asali ,nawali bile mukui mapo echi ne walualaa bitelchi nochame echi mukuiko riwali echi Pablo ⁶⁷ Echo ko riwali nairli mulube wilichi mapurika ratabaa wilili a li ku jeaneli ''¿muje echi jesusi Nazaret biteme yua iyename ju ⁶⁸ wenaalina ariga echi pedro ku raichaka ku jeaneli:''ke machine ni bile namine piri niraa raichamo. ⁶⁹ Ariga mapali echi mukui riwali suwabaka ralamuli a lii jeaneli ''jena rijoi ju echi Jesusi yua iyename '' ⁷⁰ wenalina echi Pedro ku jeaneli kie machine piri nira raicha. li pi teli jasa echi ralamuli jeaneli ''mujue ju echi Jesusi najatame mujue ko echona Galileachi biteme''. ⁷¹ A li echi Pedro owechli charika raicha echi jesusi nira ''nije ne ketasi machi chika nira raichatmo''! ⁷² A li biche echi toli kusuli osaa chokeme a li echi pedro,ku natali mapu echi Jesusi ruka jeaneli:''pee abepe maopi pali osa kusumere echi toli mujue ko tami ke machiyaria a nimere.'' ali echi -pedro chokobaka asaga we siweli ali nalali we omonaka.