¹ Echi Jesús (Jesusi) riweli echali simili echona kawirle Judea (Jureachi) lí pechomi pe mina bachomi bacochi Jordán (Joramachi) alí kara ralamuli sili echomi oche sine echi asali binera binoi nira mapu rika olami nili. ² Echi Bariseo sili aboni ne kala recuelo: "¿Acha risencia jú bile rijoi upema mapu ku riwema upila?" ³ Echi ka nijeuka jeaneli: "¿Piri nulali Moisés (Moisesi)?" ⁴ Aboni jeaneli: "Echi Moisés (Moisesi) risensia nijili mapu rijoi niwama bile osili niwasa ka ariwema binoi upila." ⁵ Mapurika ne wábe biwarame suleme nili alí echirika osali je ina raichali Moisés (Moisesi) nu lala je aneli Jesús (Jesusi) ⁶ "Ne chokichi mapu li niwalta jena kawi ONORUAME NIWALI BILE RIJOI LI BILE MUKI. ⁷ ECHIRIKA BILE RIJOI ARIWEMA BINOI ÓNOLA O BINOI IYELA ALÍ MA MAPU WIMA BINOI UPOLA YUWA, ⁸ ALÍ OKUANIKA BILEPI SAPA NIRA NIMA." Echirika make okuanira nima pi bilepi sapa nira nima. ⁹ Echirika, mapu ma Onoruame napabuliko, kie biri bile rijoi ku rajanama. ¹⁰ Mapali echi muchili echona bitichi echi mapu binoi binerali rukueli ochecho sine nira. ¹¹ Echiko je aneli: "Mapi yirpa ku riweka binoi upila alí achecho bile mukui yua upesa mapi rika bile nipami niraju. ¹² Alí echi mukui ku riwesaka binoi kunela alí ochecho bile bile rijoi kunesa echiko bilenipa ami nira jú. ¹³ Alí pali aboni kuuchi kuchi mapi rika Jesús (Jesusi) ompama chapia we nali echi mapi binoi binerali (disipulo) ke nakili mapu echi kuchi malu binema alí mina ku juali. ¹⁴ Mapali Jesús (Jesusi) riwali echirika binoiko ke kanili echi mapi binoi binerali yuwa alí je aneli: "Na kisi mapu echi kuchi akina simama ketasi ra amasi mapurika echiko ne Onoruame niwala ju echi mapi ichiriju. ¹⁵ Ne bichiwali nira emi nimi je ane mapu yirpa ke nareko echi Onoruame niula mapi rika bile ta towi nira ketasi bakimea echomi. ¹⁶ Alí binoi ka chapika mutuli echi kuchi alí riweli we alá nira a ucheka binoi sikala echi kuchi. ¹⁷ Mapalí ma simea riweli bile rijoi mali echomi alí cho kobika chu ku bali echona bacha ami alí echi ru kueli muje we ala bineriami piri ne olama mapi rikani niuma sinibi bitel wami. ¹⁸ Alí Jesús (Jesusi) je aneli chureka muje tami we ala ne ke wesi te ne ala chipi bilepi Onoruame. ¹⁹ Mújw machi ko nulaliwame: "KIE NIKOWÍ, KÉ MUWISUI, KE CHIGO, KIE NIJA KALEKA NAWISA NAWESALÍ, KE RISUA ANE, ALA OLIWI MUJUE ONOLA ALÍ MUJUE IYELA." ²⁰ Echi rijowiki jeaneli: "Binerami (maestro) suwaba jeina namuti nije nijewi chabe rawe jona." ²¹ Jesús (Jesusi) ko inelí, alí we kalelí echiko je'aneli: "Há chobiji bile namuti kite, mujeko ralineuma suwaba namuti mapu muje niwa, alí iya mápu ke niwa alí muje ko niama we natemi ripa riwigachi. Alí kina sí tami, najati." ²² Alí echiko risua nila ripilíechiri ka anesua, alí echiko, ku, simili we siweka mapu niwami nili wika namuti. ²³ Jesús (Jesusi) ko inali nolebika alí jeaneli mapu yua bineri: ¡Chiyena nochili jú, echi jaré we niwami wika namuti bakiwa Riosi yua!" ²⁴ Echi binó binerli ni naka ripilí echi raichali jiti we Jesús (Jesusi) ko je aneli oche sine: "Kuchi, ¡chiyena nochili ju bakiwa Riosi yua!". ²⁵ Cherape we ala simiri camello (bile bulito) bilena wicha iwalachi bile we winomiwami bakia echi Riosi yua. ²⁶ Echiko we nata ripili, alí aboni nirako je anili: "Alí, ¿Chika ku omerama niuya?" ²⁷ Jesús ko inéli alí anili "Rijowi ko ke sine omermo mayeiko we Riosi yua ko ke suwaba namuti ah omerpo rika we Riosi jiti nirako." ²⁸ Pedro je anesili: "Na, tamujeko suwaba riweki, alí nimi najata." ²⁹ Jesús (Jesusi) ko anili ni bichiwa nimi áne ke teiko bilé mapu riwelí bina kalila alí bachili, alí cuchula, alí iyela, alí onola, alí kuchula, alí kawi nije nira, alí Riosi raichali, ³⁰ Chika ke narema bile sieto minacho jipi je ina kawichi: kali alí ritemla, alí iyela, alí kuchuala, alí kowi wala a we risurika simari, alí mapi rika ikimeare, sinibi bitel wame. ³¹ Wika mapí iki ne bacha jú mi jubami nima papi ne juba juka ne bacha nima. ^{34 32} Sirili echi aboni echona buwechi mapu simimi nili maniwame echona Jerusalenchi Jesús (Jesusi) bacha inarali echi yuwa echi mapu binoi binerali we natika kanilika muchili, alí echi mapu pe mikabe nira najatali majali. Alí Jesús (Jesusi) toli echi makoi okua wanacho oche sine alí je aneli ma pe a weya ikimea re binoi. ³³ Alá, insaibo tamo jimpore echona Jerusalenchi, alí echi Onoruame ranala alí echi osili niwami echi ayerika milime alí ama echi ke juriusi. Echi ko ke nira rami nima alí wipisotami alí miliruami nima we nalí bikia rawe echi ko ku asisma. ³⁵ Jacobo (Jakobo) alí Juan (Juani) ranala Zebedeo (Sebereo), echomi sili alí je anili "Bineriami tamo naki mapu mojue ola ma tampo jiti mapi wirpa tamo naki". ³⁶ Alí echi je aneli: "¿Piri naki mapi emi nimi a lima?" ³⁷ Aboni ko je aneli: "Tamo nakiyi mapi tomo michiba mi yuwa echona mapona ne walula nira así meare bile muje si kalachi bile watana bile kouina." ³⁸ Alí Jesús (Jesusi) ku nike aka je aneli: "Emi ke machi mapi emi tamitana. ¿Emi a ampasa nili baji echi mapo ne bajimare o ana chia baui chali wami mapi nije jiti baui chara mi nima? ³⁹ Alí aboni ko je aneli "Yen a am yaboti." Jesús jé aneli "Echi mapi nije bajimareemi ko yen a bajibore alí echi baui cha mapi nije jiti baui chatami ju emi yen cho baui chatami nipore. ⁴⁰ Wenali chika asime echona watana alí kouina ke tasi nijelia jú mapi nijima echiko niula mapi ma ala kari yeka mu chu wora mi ju. ⁴¹ Mapali oce jare makoi mapi binoi binerali namali echirika oieli we na awa echi jokora alí Juan (Juani) yuwa. ⁴² Alí Jesús (Jesusi) bayeli suwaba alí jeaneli: "Tiemi machiya chika echirika nira ne walula echi ke bichiwami nula alí aboni echi ralámuli we nateami ne nulami aboni nira. ⁴³ We nali ke chirika nilisaré tiemi aboni nira. Mapuri tieme ke nilisare ne walula nira alí tiemi ju mapurika nochami nira, ⁴⁴ alí muje ne bacha nira nilisa tiemi bacha ne wabe kuwirami nira nlima. ⁴⁵ Mapurika echí Ranala echi Rijoi ke nawalí tamuje kuwiersia alí amaria echi bile mapurika ne ala kuwirpa echi auche jare wikabe. ⁴⁶ Mapali sili echona Jericó (Jerikó). Alí buyali echona yona Jericó (Jerikó) aniliwachi alí napawika simibali echi mapu Jesús (Jesusi) anajatami nili alí wika ralámuli mapu echí ranala nili Timeo, alí echi Bartimeo alí bile ke machilami nili ló asali echona bilena buchi. ⁴⁷ Mapali echi Bartimero namali echi Jesús (Jesusi) echona Nazareno, alí ma weli sinali alí jeanili: "¡Muje Jesús (Jesusi) muje ranala echi David (Rabiri) muje tami kuwiri!" ⁴⁸ Alí wikabe jeani chakena ku simibika alí echi rijoi mapu ke machilame jeanerami nili make anika asa alí echi weli sinali ne churupe weli anili muje kini rana muje David (Rabiri) muje mapu tami natima ⁴⁹ Alí Jesús (Jesusi) namuli echi raichami pe mikabe yona alí wilibali alí jeaneli kina bayesi echi rijoi mapu ke machilami, jeaneli: Muje ne kanilika ku wilisika. ⁵⁰ Alí echirika mina pali echi chini mina chakena alí echirika ma wilisali, alí nawalí echi Jesús (Jesusi) ⁵¹ Alí Jesús (Jesusi) ku nijewili alí jeaneli: ¿Piri olasua naki muje tamí jiti?" Alí echi rijoi mapu ke machillami jeaneli: "Muje rabí nije naki mapurika nije ku arame nima echi busila." ⁵² Alí Jesús (Jesusi) jeaneli: "Ku simika mapurika muje ma ku sawarami nira ju" we sapuka ku bichiwili alí ma nareli echi binoi busila, alí maku sawarami nili alí echona yona ma ku uneli echomi simili echona buchi.