7
1
Ma auche sine niraka Jesusi simili echona Galileachi, ke tasi bakinali echona Judeachi mapurika echi juriosi ayaa iyenli miliboria.
2
Jipiko echi juriosi omawala ma mulube sebili, echi Tabernakulo, ma mulube sebili.
3
Echi itemuala ko jeaneli: riwesa jenai ali simika echona Judeachi, mapurika muje anajatami machimea mapuyiri muje olaá.
4
ke tasi wesi olaá namuti ke machina mapurika binoi machina isili mapu machibo. jena namuti olasamo, muje binoi riwirika olaá jenai kawirli.
5
Mapurika abowi itemuala ke tasi bichiwili echi niraa.
6
Ali echirika, Jesusi jeaneli: "ke tasi cho seba echiyengo, we nalina pi chiwe rawe kala ju ti emi nira.
7
jenai kawirli ke tasi ti emi kichi, Tami ko a kichi, mapurika Nijeko ku ruye mapu chati oloka piree.
8
Ti emi ko simibika echona omowaluachi, nijeko ke tasi ni simea echona omowaluachi mapurika ke cho seba.
9
Ali ma echirika anesa, echona ripili Galileachi.
10
Mapali aboni itemuala simibili echona omowaluachi, echali ko binoi ayenacho simili echona ke machina niraka.
11
Echi juriosi aka nokuali echona omowuluachi ali jeanili: "Comi ati Echi?".
12
We naoka nokali karika ralamli Echi nira. chujare ko jeanika nokali: "Echi ko we kala rijowi ju." chujare ko jeanili: "kie, Echi ko chakena iluu chiku wika ralamli. "
13
Ali abowiko majali echi juriosi li ke tasi machina niraka raichili Echi nira.
14
Mapali echi omawili ma mulipe sunima riwele, Jesusi ko simili templochi ali binerika isili.
15
Echali echi juriosi ne kanilika je anili: "chorika ala we machi jena rijowi? mapurika ke tasi sine kala binertame ju.
16
"Jesusi ku nijewika jeanili: "Mapu nije binera ke tasi Nijelia ju, echi ko nila ju Mapu tami juuli.
17
A bile nirusa binoi jiti olanlame, binoi ko machime jena binertame nira, achi binoi Riosi jona nawa o pi Binoi jiti nira raicha.
18
Mapu binoi nira raichi ko chopi we inorami nisa naki, we nalina mapu inorami nisa naki echi mapu julii echo ko ne kala nira ju, ke tasi inijika olarame ju.
19
Kie nimi chaneli mapu Moises osali? ke tasi wesi ola mapurika ani echi nularame. chorikaria ti emi tami milinali?
20
wikabe ralamili nijewili: muje niwa bile chati! chika ju mapu nimi milinali?"
21
Jesusi ku nijewika jeaneli: bilepi ni nochali olali, ti emi ko we kanila jena jiti.
22
Moises ko ricencia a'ali mapurika circunsicion nira olarame nima, (ke tasi pi Moises nila ria, Onola nila) ali echali isabachi rawe ti emi ko circuncidarli bile rijowi.
23
A bile rijowi naresa circunsicion isabachi rawe, ali mapurika ke tasi nakuliwrame nima echi Moises Nulala, mapurika ti emi ko we na'awa tami yua mapurika nije ko sawali isabachi rawe
24
Ke tasi biri anisi ke machika, anisi ne kala machisa.
25
Jare echi Jerusaleni anile: "¿Ke jena Ju mapu amitmo maporika miliboria?
26
Ali inesi, Echi raicha kie riwelaga, ali aboni kebiri anetmo. ¿A machile echi welpala mapu echi Cristo ju?
27
Mapo tamuje machi kome jona nawa Jena. Mapili echi Jesuscristo nawasa, kewesi machime kome jona nawala."
28
29
Jesusi weli raichali echona templochi bineraka ali aniga: "Tiemi a tami machitmo ali machitmo ali ayena machi kome biteó'. Nije ke nawakine binoi nira, maporika Mapo tami juli ne bichiwali ju, ali tiemika ke machitmo. Nije a machine maporika Nije nawakine Binoi nira ali Echi tami juli."
30
Aboniko nokuali chapinala mapo ke wesi omerali bile sika uchea maporika boni echiyenako kecho sebali.
31
Mapo wikabe echi ralamuli bichiali Binoi yua, ali anili: " Mapali Jesusi nawasa ¿Isimare Binói uche jare riwirma mapo binoi olali?
32
Echi fariseos kipuli echi wikabe ralamuli raichame jena namuti mulube binoi Jesusi nira ali echi niba cha ichuame ali echi fariceos juali echi sontarasi maporika chapimearia.
33
Mapali Jesusi jeanili:"' Nije ati tiemi yua chobiji piteli, ali echali Nije sime Echi mapu tami juali."
34
Tiemiko tami aba we nalina ke tami riwibotmo; mapomi simine tiemiko ke omeraba nawaya."
35
Echi judioschi mapali anili aboni a yua: ¿Kome simi jena rijoi ketasi omerate ritea? ¿Nima simile echona chijalachi echi griego yua ali binerama echi griego?
36
Maporika ju jena raichali Echi Jeanili: 'Tiemika tami abatmo ali ke tami riwibotmo; ali mapo mi simine tiemi ali ke omerama sia''?
37
Jipe ju ma juba rawe, ne walu rawe echi omó aloáchi, Jesusi wilisika jeanili, weli raichaka; "Mapu jare balacheko, kina simi Tamu yua ali baji.
38
Jare tami bichisaga, mapo ani echi osili, komichi echi bawi biteluame simirama binoi ropochi."
39
Mapo Echi anili jena echi Riosi iwigala, mapo echi bichili Binoi nira nili narenali , mapu echi Riosi iwigala kecho biji nili nijarame maporika Jesusi kecho nili nawajintame.
40
Jare wikabe ralamuli, mapali kipuli jena raichali anili: "Bichiwali nira Jena ju echi Riosi jiti nulerame ju raichanala,:
41
Jareko jeanili: ''Jenako ju echi Jesucristo,"' We nalina jarega jeanili '"¿Echi Jesucristo nawama echona jona galileachi?
42
¿Ke anilti jena osili echi Jesucristo nawama echona Rabi kuchula jona ali Belen, napona biteli echi
Rabi?"
43
Ali jerika niraka ikili rojuaka echona mapona wika ralamuli muchuwona Binoi jiti.
44
Jare chapinali, we nalina kewesi omerali chapiya.
45
Maporika echi sontarasi ku rowichali echi bacha ichuami ali fariceos, mapu aneli: "¿Chorikaria ke pakitmo?"
46
Echi sontasasi ku nijewali: "Ke wesi sine raicha jerika."
47
Ali echi fariceos ku nijewali: "¿Tiemi achio kalewtame niraga jutmo?
48
¿We jare jawame a tiemi bichiwali o jare fariseos ?
49
We nalina wikabe ralamuli mapu ke machi echi Nolaliwali, aboni muchuwa siti nira."
50
Nicidemo (bile echi fariceos, mapo nawali Binoi yua chabenala oka) jeaneli
51
"¿We tamuje Nolaliwala bacha niraga je ane bile rijoi mapali akemare ali machi mapo olale?"
52
Aboniko nijewali ali jeaneli: ¿Muje ju achio Galileachi biteme? Aa ali ine kewesi nawesame nawa jona Galileachi."
53
Maporika karaga ibili nira simibali aboni pirelachi.