5 ¹ 1Jena jonsa, nili echi juriosi omawala echi Jesusi simili Jerusalenachi. ² Jipi ko, echona Jerusalenachi chusiwina mapona simari echi bowa, niruli bilena jochi bawi manichi Betesda riweeme ali hebreochi, mapu iniwili mali erra. ³ 3Niruli wika ralamuli nayukami, ke machilame, ke tasi omerami iena ali mapu ke tasi omerami wilisa muchuli echona, buyea muchuli, buyee muchuli mapali onoma ruele echi bawi. ⁴ Mapurika rikinili bile Riosi capitanuala echali rikachi pitelbi onoli echi bawi, mapiyiri bakili echona bawirili, mapali echi bawi we onoli, ku sawarami nili mapuyiri nawili risua niili. ⁵ Echona niruli bile rijowi mapu nayu iyenili baisa makoi osanao bami. ⁶ Mapali Jesusi riwali echona buwime, ali ma machisa mapu ma wili rawe buwili, Echi ko jeanili: "¿A ku sawerami nisa nakimo?". ⁷ Echi rijowi nayume jeaneli: ''Rijowi, ke tasi wesi ite mapu tami achama echona bawirli we onoachi. Mapali nije bacha nawa, chubile chikio bacha baki.'' ⁸ Jesusi jeaneli: "wiliska, kayawi echi perrá, ali simika. ⁹ Echi rijowi we sapuka sawarame nili, , juli perrá, ali simili. we nalina echali rawe isabkuame nili. ¹⁰ Ali echi juriosi jeaneli mapu sawarame nili: "je na rawe ju isabkuame ali ke tasi ricencia niwimo kayakuame echi perrá. ¹¹ "Echi ku nijewika aneli: "Echi mapu tami ku sawali, tami nuleli: ku kayawi echi perrá ali simika. ¹² Aboni ko rukuga aneli: "¿chika ju echi rijowi mapu nimi chaneli: kayawinla echi perrá, ali siminla´?" ¹³ We nalina,echi mapu sawerami nili ke tasi machili chika inila; mapurika echi Jesusi ne kili nira ku simili, wika ralamili muchuli echona. ¹⁴ Ma pe alii, Jesusi riwali echona templochi a time echi rijowi ali jeaneli: "¡na mapurika muje maku sawarame ju! ma ke che sine chati ola, mapurika ma ke che sine charika simirma. ¹⁵ Echi rijowi ku simili ali jeaneli echi juriosi Jesusi niila mapu sawali. ¹⁶ Jipiko, jena namuti jiti, echi juriosi anajatili Jesusi, mapurika Echi ko Binoi namuti sika olali isabachi rawe. ¹⁷ Jesusi ku nijewika jeaneli: "nije Onola, ¹⁸ jipi yenasi a nocha ali nije achio. "Echirika aboni juriosi wabe milinali echi Jesusi, mapurika ke tasi nijewika olali echali isabachi rawe, ayenacho Onoruami ranala anika anili ,chikorika inili mapurika Onoruami. ¹⁹ Jesusi ku nijewika jeaneli : "echirika ne bichiwa niraka: ke tasi omera echi jesusi binoi jiti oloya, mapurika echi binoi ritiwa mapu Onola ola, echi ko rika ola ehi Riosi ranala. ²⁰ Mapurika echi Ono ko kale binoi ranala ali binoi riwirika ola chujare namuti mapu binoi ke saina. ²¹ Mapurika echi Onola ku wilasika ola echona mukuume jona ku a echi biteluame, ali echi ranala ku iwika a mapu naki. ²² Mapurika echi Onoo ke tasi wesi sayerika olá, binoi ko nijili Ranala, ²³ mapurika chujare kala nijewika olama echi Ranala, ali mapurika nijewama echi Onoo. Echi mapu ke tasi nijewa Ranala ke tasi nijewa chuku echi Onoo mapu juuli. ²⁴ Mapu ne bichiwa nira nijewa nije raichala ali bichiwa mapu tami juuli ne sinibi nira bitelma ke tasi sayerika olama mapurika mukuwame simirima biteluame.