¹ Bey'tunó tu veinticuatro k'ini tu laili winaló, u caji Israele d'ano'o, tan u sukino'ó u bukinmo'ó tzatzapki no'ok k'a tu tzaò lum tu polo'ó. ² U ch'ì'ibal Israel tu jatzubá ti tu lakle yanah kajilo'ob. Ualaj'ó yetel tu k'anto u kebano'o yetel le ba'alo kastak tu met'oó u máanjan'an ch'i'balo'obó. ³ K'a j hualajo'o tux yano'obé, yetl o'oxpe horailé tu xoko'ó ti tu dzibil u t'a'án Yuntzil u Kuob, ti' u láak óoxp'éel horaé, tu cáantajo'ob u kebano'ob, yetel noklaj'ób tu tan Yuntzil u Kuob. ⁴ Le levitaob, Jesúa, Bani, Cadmiel, Sebanías, Buni, Serebías, Bani yéetel Quenani na'co'ob ti jun p'éel u ca'anche'il tze'eque' ca j ka'am payalchi'inajo'ob ti Yuumtzil u Kuob. ⁵ Cu dzo'ocolé lej levitaob, Jesúa yéetel Cadmiel, Bani, Hasabnías, Serebías, Hodías, Sebanías yéetel Petaías, tu ya'alajo'ob: "Líkene'ex, qui't'ante'ex Yuumtzil u Kuob mantadz". "ka maktzilta'ak a kili'ich k'aába, yéetel ka qui'qui't'anta'ak yokol tu lakal maktzili'il yetel qui'ichquelem kaayo'ob. ⁶ Chéen teech Yuumtzilech. Mina'an u láak. Teech beet le ca'an, yetel u sen ca'analil le ca'anó, yéetel tuláacal u eeko'obó, bey xan le lu'umó yéetel tuláacal ba'ax yaní. Bey xan le ka'anabó yéetel ba'ax yaan ichil. Teech ca dzáic kuxtal tio'ó, yéetel u eekilo'ob le ca'anó cu kultik'ech. ⁷ Teech le Yuumtziló, le Yum Ku j yéey Abram yéetel tu jóosal Ur, u caajal le j caldeobó, ka ta tz'aa u kaaba'int Abraham. ⁸ Ta wilé u puksic'alé t'oj ta tan, ca ta beetaj jun p'éel nup t'aan tu yéetel ti'al ka tza ti u ch'i'ibal, u lu'um le j cananeob, hititaob ,amorreob, ferezeob, jebuseob yéetel gergeseobo. Dzo'oc a beetic le ba'ax ta wa'alajó, tumen teché ca dzo'ocbesic a t'aan. ⁹ Teché ta wilaj bix u mukyaj le máanja'an ch'i'ibalo'ob tu luúmil Egipto, ta wu'uyaj xan u yaayaj awato'ob tu jáal Chac Kaáb. ¹⁰ Ta beetaj nucuch chikuláj yéetel jakbe'en ba'alo'ob tu yóokol Faraón, tu lak'lu palitzi'ilí, bey xan tu yóokol tuláacal u cajnáalilo'ob le lu'umó. Tumen téech a wo'oje le egipcio'obó yéetel kanal'ich ya balo'ob tu meto'ob. Bey xan ta metaj'tech u p'eel k'aaba cu jetzel tak be'ejlaé. ¹¹ Ka'atune, ta jóosaj ca'a búuj ti' le ka'anab tu táano'obó, máano'ob tu yóokol tiquin lu'um, yéetel ta bulaj u aj ch'a'apachto'ob tac tu tamil le ka'anabó, beyo'ob tuunich tu tamil ja'e'. ¹² Ta dzaj jun p'éel múuyal u ti'al nu'uctic u beelo'ob de kiin, yéetel áakabe' jun p'éel tóoch'bal káak u ti'al julic le bej cu ximbatko'o yetel sasililó ¹³ Tu Witzil Sinaí j éemech, ca j t'aanajech yéetelo'ob ti' yanech te j ca'ano', ta dzaj ma'alob tzol xiquino'ob ti'ob, u jaajilo'ob ca'anbesajo'ob, ta dzaj xan a'almaj t'aano'ob yéetel nu'ucben'en t'aano'ob utztac. ¹⁴ Ta ca'anbesajo'ob xan u c'ajoto a kilich kiinil sábado, ta dzaj a nu'ucben'en ta'ano'ob, a ma'alob ca'ansajo'ob, ta dzaj xan a wa'almaj t'aano'ob ti'ob tu kab a pa'alitzi'il Moisés ¹⁵ Ta dzaj xan u waajil ca'an ti'ob u ti'al u na'ajcunsicubao'ob, yéetel u ja'il cháaltun u ti'al u yukajilo'ob, yéetel ta wa'alaj ti'ob ka xico'ob cajtal te lu'um ta séeb chi'italj ti'obo. ¹⁶ Ba'ale leti'ob yéetel in máanja'an ch'i'ibalobe ca'analchaj u yicho'ob, yéetel u dzu'uy poolo'ob, ma' xan tu táan óoltajo'ob a nu'ucben'en t'aano'obi. ¹⁷ Leti'obé ma tu quibu yubobí yéetel mix u ka'ajbeso'ob le nucuch ba'alo'ob ta beetaj ichilo'ob, tu yo'olal u jach dzu'uyil u poolo'obe tu dzajob'ob juun túul u nojchil u ti'al u ca su'utco'ob tu palidzilo'ob. Ba'ale teche' jun túulech Ku chu'upech yéetel sa'atsaj, utz a ch'a'a óotzilil, chuca'an a yo'ol , chuca'an a yacunaj. Té'eche ma'xan ta xúump'atajo'obi. ¹⁸ Té'eche ma'xan ta xúump'atajo'obi, mix ca tumen tu beetajo'ob un p'eel chan wacax yéetel yibbil fierro ca tu ya'alajo'ob: "leti' le Ku jo'osech ti Egipto", tu beetajo'ob xan ba'alo'ob talam kastaco'ob. ¹⁹ Teche', tu yo'olal a nojoch yaacunaje' ma' ta xúump'attajo'ob te xtocoy lu'umo. Le t'o'ol múuyalo' ti'alo'u bisco'ob tej bejo' ma'j náachchajti'ob yéetel kiin, mix u t'o'ol ka'ak de áakab u ti'al u julic le bej tu'ux cu xi'imbal'ob. ²⁰ Té'eche ta dzaj a ma'alob Pixan u ti'al u ca'anbesico'ob yéetel mix ta tzelatioób le waj tu chio'obo, ta dzaj xan ja' ti u yukajilo'ob. ²¹ Cuarenta ja'abo'ob táan a tzéenco'ob te xtocoy lu'umo' yéetel mix ba'a p'at minan tio'ob. U no'okobe' mix laabchají yéetel u yooco'obe mix chu'uplají. ²² Ta kubaj ti'ob ajawilo'ob yéetel nucuch ca'ajo'ob, ca ta t'oxaj ti'ob jujun xéet lu'um. bey tuno' tu ch'a'ajo'ob u lu'umí Sehón, u ajawi Hesbón, yéetel u lu'umí Og u ajawi Basán. ²³ Ta beetaj u ya'abtal u palalo'ob je'el bix le éeko'ob cu dzo'ocole' ca ta tazo'o' te lu'umo'. Ta walajti u máanja'an ch'i'ibalo'ob ca ok'ko'o u ti'alinto'ob. ²⁴ Bey tuno' le c'ajo tu ti'alinto'ob le lu'umo, Té'eche ta p'etzá tu táano'ob' u cajnáalilo'b le lu'umo', le cananeos. Ta kubaj tu kabo'ob u ajawo'ob yéetel u cajnáalilo'ob le lu'mo', u ti'al Israel ca u beet yéetelo'ob jeél bax u káato'obe'. ²⁵ Tu ch'a'ajo'ob xan nucuch caajo'ob tuulumta'ano'ob, yéetel un p'eel ma'alob lu'um, yéetel tu ch'ao'o najo'ob chuptac yéetel ba'alo'ob jadzutstak, ch'e'eno'ob, coolo'ob, yéetel u cuchil pakalí olivo, yéetel pakalbi che yabtac u ich. Bey tuno' ja'ano'o, yéetel tu na'ajcuntajuba'ob, yéetel uts u yucubao'obe, yéetel tu qui'imaccunsajo'ob xan u yóolo'ob ti' a nojoch utzil. ²⁶ Ba'ale' leti'obe suto'o ma' uyal da'aní yéetel ko'oxchajo'ob ti teech. Ca tu kex óolta'ajo'ob a Wa'almaj t'aan. Leti'obe tu químsajo'ob a aj bóobato'ob, leti'obe tu kat'otaj ti'obe ka suunaco'ob ti Teech, leti'obe tu beeto'ob baalo'ob talam k'a'aso'ob ²⁷ Le beetic Teech ta kubajo tu kab u aj p'eeco'ob máaxob tu meto'ob u mukyajo'ob. Cu dzo'cole' le táan u yaayajo'obe autnajo ti Teech yéetel Teché ta wu'uyajo'ob tac te ca'anilo' yéetel yaáb u teenelé Teech ta toko'ob tu kab u ajpektzilo'ob yu yo'la' a nucuch ch'a'a otzitalil. ²⁸ Ba'ale' chéen p'elac u yantal jun p'íit jéedzel ti'obe, cu ca'a beetico'ob ba'alo' kaastak ta táan, ta cha'aj u lúubulo'ob tu kab u aj p'eeco'ob, beituno' u aj p'eeco'ob jala'achchajo yu yokolo'ob. Cu dzo'ocole' leti'obe ca sunajo'ob ca kaamtánajoob ti Teech, Teeché ta wuúyajoob te ca'ano yéetel ya'ab u tenalé yo'ola' a yaacunajé ta tocajo'ob ²⁹ Ta tzolxiquinto'o u ti'al ca beilac u sut'lo'o ta Wa'almaj t'aan. Ba'ale leti'obe ca'anaj chaj u wicho'ob yéetel ma' tu yu'ubo'ob a nu'ucben'en t'aano'ob. Leti'obe k'ebanchajo'ob ti'a tzol xiquin, leti'obe cu tzac'o kuxtal ti' le máaxoób beetique'. Leti'obe ma' tu meeto'obi, le beetic ma' tu yu'ubajo'ob a táani'. ³⁰ Ya'abcach ja'abo'ob chucpaj a óolal ti'ob, ta t'aano'o yéetel a Pixan beyxan yéetel a aj bóobato'ob. Ba'ale leti'obe ma' tu yu'ubajo'obi. Beitu'uno ta kubo'o tu kab le cajo'ob nats'takilo'obo. ³¹ Ba'ale tu yo'olal a nojoch ch'a'a óotzilile' ma' ta xu'ulsajo'obi, mix ta xúump'attajo'obi, tumen teche' jun túulech Ku muunil a pucsi'ikal yéetel ch'a'a óotzilil. ³² Le o'olale', ak Ku, le nojoch, le tuláacal páajtalil, yéetel sajbe'entzil Ku, ma' tu xu'ulsic u nup táan mix a noj yaacunaj, ma' a chaic tu láacal le mukyajo'ob dzo'oc u máan tak yóokol, ak ajawo'o, u nojchil cajal, sacerdoteo, aj bóobato'ob, yéetel yóokol ak máanja'an ch'i'ibalo'ob yéetel tuláacal la caajó tu kí'inilo'be ajawo'ob Asiria tak bejela'é, chicpa'jac jach minaán ta táan. ³³ Teché mina'an a si'ipil ti tuláacal le bax'ax úuch ti to'ono, tumen teche' a meyajé jaj'ol ba'ale' to'one tac beetaj ba'ax talam kaas ³⁴ In ajawo'on, u nojchil cajal, sacerdoteo, yéetel máanja'an ch'i'ibalo'ob ma' tu dzo'ocbesajo 'ob a Wa'almaj t'aan, mix tu yu'ubajo'ob a nu'ucbe'en t'aan wa u t'aanilo'ob a nup táan le ta wa'alaj ti'obe. ³⁵ Tac tu ajawilo'ob, ajaki tu ki'imac'olilo'obe yo'olal a yaáb utzil ti'oob, ti u nojchi yéetyel u maálobil le lu'um ta tzáa tu t'ano'ob, ma' tu kultajecho'obi mix su'unajó ti tu k'ak'as belo'obi. ³⁶ Le o'olale' palitzilo'on, ti le lu'um ta tzáa ti i'in máanja'an ch'i'ibalo'ón u ti'al u kí jantko'o u ich'e' pak'alo'obo yéetel u ma'alo' siba'alilo'ob. Le o'olale' palitzilo'oní. ³⁷ Tuláacal ba'ax cu dz'aique ac lu'um cu bi'in te ajawo'obo le a tzá'ama' tin yóokolo'on tu yolal in kebano'on. Leti'obe cu jalachilo'ob yóokol in winkililo'on yéetel yóokol in alako'on je bix u k'a'atobe. Tino'on ti u p'eel' nojoch yayaj'olalil. ³⁸ Tu yo'olal tu lakle ba'alo'obá. To'oné tin me'etoón jun p'eel' nup t'áan ma' un pe'ec yéetel dzi'itbí. Te dzi'ibiló k'alanó ti'an u k'áaba'ob ac u nojchil cajal, levitao yéetel sacerdoteo."