¹ beyo Sanbalate' ka' tu yu'baj tan in meétiko'on le bak'paácho', yan ba'ax t'aàb tu jobnel yeétel jach p'uúji yeètel xan ka tu kaja u poóch'ik le judioso'bo. ² Tu tan u laák'obe yeétel tu lakal u aj bateloób Samaria, leti' tu yaálaj; ¿Ba'ax ku meétik le luúbul ol Judioso'bo'? ¿wa jeéla u pajtal u yutskintiko'ob le kaáj letio'bo'? ¿wa je'la u pajtal u k'ubiko'ob kimen balcheob tu k'a'tene'? ¿wa jeéla u ts'oòksiko'ob le meyaj chen jump'eél k'iíno'? wa jeéla u pajtal u jok'siko'ob tumben tunich tu'ux nikchaj ka' toka'bo'? ³ Tobias amonitae' ti' yan tu yiknale' ka' tu yaálaje': ''wa chen juntul oóch ka' na'kak tu'ux ku lik'siko'ob le meéyajo', ku nikchajal le bak'pach tunicho' ''. ⁴ U'úyej, in Yum K'uj, tu'ux kin che'ejta'alon. Sutej tu yoók'olo'ob le u ya'alaj ba'alo'obo' yeétel k'uúbo'ob u ti'al ka' bisa'ko'ob k'albilo'ob tanxel lu'um. ⁵ ma' balik u talank'ebano'ob mix a tuúpik u k'eébano'ob ta tan, tuúmen letio'obe' ts'o'oki u p'ujsik le maáko'ob ku lik'meyajo'obo'. ⁶ beytun xaáno' tin lik'meyajto'on le baákpacho' yeétel ts'o'ok u laj k'ujsa'al tu chumuk kaánalil tumen le winiko'obo' tak u meyajo'ob. ⁷ ba'ale' Sanbalat, Tobias, le arabeso'ob, le amonitaso'ob yeétel le Asdodeosoóbo' ka' tu yojeltajo'ob tan u seb utskinta'al u bak'pachil Jerusalene' yeétel xan tan u laj utskinta'al tu'ux laj tejelo'obo', ka' jach p'u'ujo'ob. ⁸ tu lakalo'obe' tu much'ajubao'ob u tial u ya'alo'ob bax ken u meéto'ob yeétel ka talo'ob u ba'atelto'ob Jerusalen yeétel xan u k'exo'ob u tukulo'ob. ⁹ ba'ale' to'one' kin payalchi'najo'on ti Yum K'uj yeétel tin jo'osajo'on juntul wiínik ti'al u kananto'on ti' letio'ob bul k'in yeétel bul aák'ab tu yo'osal bax ku jach ya'liko'ob. ¹⁰ ba'ale' u kajnalilo'ob Judae tu ya'alo'ob: "lu muk'e ku bisiko'ob le kuúcho' tan u luúbul. Jach man ya'ab le pak'tunich ku juútulo' yeétel xan mix tan u pajtal in ka' utskintiko'on le baák'pacho'. ¹¹ yeétel in aj p'eko'on tu ya'lo'ob: ''Letio'be' ma'átan u yojeltiko'ob mixtan u yiliko'ob chen ko'on k'uchul in kinso'ono'ob ye'etel in wa'kuto'on le meyajo'. ¹² tu k'inakilelo' le Judioso'ob ku kajtal nats' ti leti'o'obo' talo'ob tu lakal tu'ux yeétel t'anajo'ob lajun pul tin wetelo'on, tu yalajto'one' tu lakal le ba'ax ku much'altiko'ob ken u meto'ob ti' toóno' ¹³ ten tune' tin ts'aáj winiko'ob tu kambalil le baák'pacho', tin ts'aj xan ti' le beéjo'. tin wa'alaj ka' u much'ubaob le mako'ob yeétel u palalo'obo', yeétel u tats'maskabo'ob, u puts'cheo'ob ye'etel xan u ch'inche'oób. ¹⁴ Tene' tin wilaje', ka' wa'lajene' ka' tin wa'alaj ti' le ts'ulo'ob, ti' le ilik le kajo', ti' tu lakal u yalab le kajo': "Ma' ch'aike'ex sajakil''. Sut ta tukule'ex Yumtsil, tumen nojoch yeétel jak'olalil. Ba'atelnene'ex tu yo'osal a ch'iíbale'ex, tu yo'osal a paálale'ex, tu yoósal a watane'ex yeétel a naájile'ex. ¹⁵ In aj p'eéko'on ka tu yu'ubo'ob tin wojelto'on ba'ax ku tukulikoóbe' yeétel yumtsil ts'ok u jubik tulakal bax tu yaálajo'obe, tinlakalo'one' sunajo'on te ka'anal koóto' ka' bin jujuntulil yoók'ol u meyaj. ¹⁶ Ti' le k'iíno' junchumuk in wantajo'be' meyajnajo'ob ti u yustkinajil le bak'pacho', junchumuke' u machmajo'ob putscheo'ob, u nu'ukulil taákaba, ch'incheo'ob yeétel u nok'il ba'ate'il, ka'like' u nojchilo'be' ti' yano'ob tu pachil u kaájnalilo'ob Judae'. ¹⁷ le winiko'ob ku mejay baák'pacho' ye'etel ku bisaj kuchoóbo' leti'xan ku kanantik u kuúchilo'ob. tulakalo'be ku meyajo'ob jump'el u k'abo'ob yeétel jump'eéle' u machmajo'ob u nu'ukul ba'teil. ¹⁸ Tulakal le ku meyajo'obo' u k'axnak'maj u tats'o'ob beytun u meyajo'obo'. Tin tsele' ti' yan le mak ku paáxo'. ¹⁹ Tene' tin wa'alaj ti' le ts'ulo'ob, ti' le ilik le kajo', ti' tu lakal u yalab le kajo': ''le meéyajo' nojoch yeétel ya'ab tsokole' te' bak'pacho' nach yano'on ti' u jeél in wet meyajo'on. ²⁰ k'a'abet a bineéx tu sebanil tux ken a wu'uyex le paáxo' ka much'ikabae'ex. In Yumtsilo'one' leéti ku ba'ateil tin woósalo'on. ²¹ betunxano' toóne tan in metiko'on le meyajo'. U chumuk ti' toóne' u machmajo'ob le tats'maskabo' ti' u sastal yeétel u yak'abtal. ²² Beyxan tin waálaj ti' le kaájo': ''Chae'ex ti' le wiínik yeétel u yantajo' ka' p'atako'ob way ichil u kaajil Jerusalen ti' le ak'aba', tu yoósal u kanantiko'on tulakal le aák'aba' yeétel ku meyaj bul k'iín. ²³ Beyxano' mix ten, mix in lak'o'ob, mix in antajo'ob, mix le kaánano'ob yan tin wiknalo', mix juntul ti' to'on ku k'exik u nok', jujuntule' ku kuchik u nuúkulil u baáteil kex ka xiko'on ch'aá ja'.