¹ Jun túul m'alob winique jach ma'alob ti qui'iboc ja' jach co'oj, yéetel u kiinil quíimile' jach ma'alob ti u kiinil síijil ² Jach ma'alob u yúuchul bin tu wotochi yayaj'olal, ti u wotochi kiinbesaj, tumen le quíimilo' cu k'uuchu' ti tu laakal winik tu xuul u kuuxtal, beytuno le winko'ob kuuxano'obo k'a'abet u dzaik le ba' tu puczi'ika'alo. ³ Le ch'i'ichna'akilo jach ma'alob ti che'ej, tumen chen dzokok u o'kmi le taan iicho' cu tal quíimac olal te puczi'ika'alo. ⁴ U puczi'ika'al le aj naato' tíi'an tu wotochi yayaj'olal, ba'ale u puczi'ika'al le j ma' naato'ob ti'an tu wotochi kiinbesaj. ⁵ Jach ma'alob u yu'uba'al u keyajo'ob le aj naato'ob, ti u yu'uba'al u qui'qui' t'aan le j ma' naato'obo. ⁶ Tumene' bey u juum le k'iixo'ob tan u yeele' yaanal ollae, beixan le u che'ejo'ob le j ma' nato'obo. Le leixana', chen o'oxol. ⁷ Le meyaj loobe' cu kascuntic u tuucul le aj naato', yéetel jun p'eel' tuuse' cu táaj kascuntic le puczi'ika'alo. ⁸ U dzo'ocsa'al jun péel ba'ale, jach ma'alob ti u dzo'ocsa'ac; yéetel u chuca'antal u yóol wíinique' jach ma'alob ti xiixib máaquil. ⁹ Ma' se'eb ja'jan p'u'ujul ta pixan, tumen le p'u'ujlo' cuuxa'an puczi'ika'alo'ob le j ma' naato'ob. ¹⁰ Ma' a'alik: ''¿ba'alen le kiino 'obe jach ma'alob ti le lelo'oba/'' Tumen ma' yéetel naat ka meetik le káat chi'a. ¹¹ Le ojéelaj jach u'uts bey le báalo'ob tin ma'ato'on ti máanja'ano'ob. U dza'aic kimac'olal ti le maxo'ob pactic le kiino'. ¹² Tumen ojéelaje' u dza'ic k'a'ananij, bey le taakino cu yáantaj, ba'ale ojéelaje' cu dzaic kuxtal le'en maaxti ca yaanaqué. ¹³ Pact ma'alob ba'ax u beetmaj Ku: ¿Máax bíin páatac u tojquintic ba'ax u lochmaj?