¹ Pablo, yekaitɨ Cristo Jesús kɨmanakɨ, Timoteo ta iwa, mɨta Filemón aku ta'iwa temeiyahɨwa yaxeikɨata tasteɨtame tete'uximayatsie, ² meta Apia ta'iwa, Arquipo tas'teɨtatame temeti'uwetsie, meta siere teyupanie akita memuyuti xexeɨriwa. ³ Imikeri siere uxipiya xeme xekehexeiyani ta'Kakaɨyaritsie, tayau yaxeikɨa'ta Ukiyari Jesucristo. ⁴ Ne tukarikɨ panpayusi nerehɨawe ne Kakɨyari. Ne ne'munetinenewiwatsie mana ne metsi utaxaxata. ⁵ Ne nepa'enawe sasuni waɨkawa ke pen'reiyahɨwa, a a'Ukiyari Jesús hapaɨsta mɨta yunaime wahepaɨsta ke ane iya sasuni mete erie. ⁶ Ne ne'nenenewie ekɨ yepetikamiekɨ sasuni peti eriekɨ aixɨ anetɨ titixuawere paleku peretima'matekenikɨ axɨ ti'ane iya naime tita aixɨ manyɨne tahetsie kaniere, Cristo'tsie. ⁷ waɨkawa nemaneka'temawietɨyeikakɨ mɨta nɨtɨarika aixɨ penereu eriyakɨ, iya wa iyari ke ane sasuni mete'erie me puka uxipitɨarie a'hetsie, ne iwa. ⁸ Ya ti anekaku, tsepa tɨrɨkariya ne mexeiya Cristo hapaɨsta nemestanɨanikɨ kepentiyurieni, kepentikamieni, ⁹ Tsepa neyaka aixɨ eriyarikakɨ, tsepa kenti'ane ne metsi ayewawirie, ne Pablo, ne haunemaitɨ ukiratsi, ne'antahɨiyaka sasuni ne ti ariekɨ Cristo Jesús kɨmana. ¹⁰ Ne'metsi wawirie ne niwe kɨmana Onesimo, ne'netitaxatɨa aixɨmanyɨne uwa'i neyekaitɨ. ¹¹ Mɨkɨ matɨari kwa'hɨkɨtɨkai ti parewiwame hikɨta teyunaime yaxeikɨa tatsiparewietɨ kahɨkɨtɨni. ¹² Nenepei'nɨa mɨkɨ, ke ane ne iyari hɨkɨ, aixɨ pekerenkwewieni ekɨ. ¹³ Pɨ'nereuyehɨwa hamatɨana ne yuku'hayewakeyu, mɨkɨ netsi'parewienikeyu ahetsie mieme, mexi neyaka aixɨ manyɨnekɨ mɨkɨ Kakaɨyari niukeyakɨ. ¹⁴ Tsine kuayɨni ekɨ yepekatina ke eriekaku. Ikɨ yene tiuyuri xewitɨ uximayatsika aixɨ'ane kwawewiya waɨriyarika nekwa'metsupitɨa, pɨta yapetinake'eriekaikɨ akɨmana. ¹⁵ Mɨkɨ muhayawarie tewa'yemiekɨ metsi kwe'eirieme, mɨkɨ yatuyɨ nuanikɨ hamatɨa heyeme. ¹⁶ Hawaiɨkɨri nɨ'ari hapaɨ, pɨta masi waɨkawa ke nɨ'ari, a'iwa hapaɨ waɨkawa pe'heiyehɨatɨ, raya'axe ne nehapaɨsta, yaxeikɨata masi waɨkawa a hepaɨsta, teyu'hutame waiyari'tsie yaxeikɨata ta Ukiyaritsie. ¹⁷ Xɨka ekɨ a iwa penetsi ayeitɨaka, kenan'kwewi mɨkɨ wa atɨ penerankwewieni ne. ¹⁸ Xɨka mɨkɨ yukɨ metsi'uyurieni, xɨka mera'pinirieka tixaɨtɨkɨ, ne kene'neuwiya. ¹⁹ Ne, Pablo, nemeti'utsirie ne'mamakɨ: ne'neranekatuani. Ne ne'kwametsi taxatsirieni kename ekɨ penerapinirie a'tukari. ²⁰ Hɨ, ne iwa, ne neupitɨa temawiya nemexeiyanikɨ ne Ukiyaritsie kɨmana; neke'ukauxipieni ne iyaritsie yaxeikɨata, Cristo hapaɨsta. ²¹ Sasuni ne ti erietɨ kename pe akaxewi, nemeti'utɨirie. Ne nerakumate kename waɨkawa masi petiyurieni ne ne'metiwawiriekɨ. ²² Yaxeikɨata, ne metsiwawirie kita peke hauye'itieni xɨka neheta'ani muwa nemeyekani, ne nereutakwewie kename ane'newierikɨ ne nenuani a hatsɨa. ²³ Epafras, netsi'teɨta neyakatsie Cristo Jesus hapaɨsta, waɨritsika metsi he'nɨairiwa. ²⁴ Yaxeikɨata siere mepei'nɨawa Marcos, Aristarco, Demas, Lucas nes'teɨtamete ne ti'uximayatsie. ²⁵ Imikeri temexeiya ta Ukiyari Jesucrito pɨketi aneni a espiritu'tsie. Pɨkeaneni.