¹ Hikɨ'ta ikwai yusite wewiyakate wa'mawarika: Tame tete'nakumaika mɨta siere teneiti'enieka.'' Tame te peixeiya ti'maiweni mɨta keane ti'maiwe peiyahɨani mɨta Kakaɨyari imikierieya peyehɨani. ² Xɨka xewitɨ paɨ tiku'eriwani kename tixaɨ rakumate, mɨkɨ tewi akuxi kwarakumate ke'hapaɨ reitimani. ³ Mɨta xɨka xewitɨ Kakaɨyari hauya'hɨaka, mɨkɨ tewi Kakaɨyari pi'xexeiya. ⁴ Mɨta yusite wa'ikwai mawariekame mɨkɨ'tsie: Tame tetenakumaika kename e'na kwie'tama'tsie yusi wewiyakame tixaɨ katihɨkɨ'' ''tawarie Kakaɨyari xewitɨ kwa'hɨkɨ, Kakaɨyari ka'yuxewini xekɨa.'' ⁵ Kɨrixɨa me mu'uwa me tete'tewatɨ yusite nenekamete, yatɨni ta heima yuawi'tsie meta siere kwiepa, ''yusite nenekate'' meta ''ukirawetsixi wiyeriekate'', ⁶ Mɨta tame ta'hepasta ''Kakaɨyari Yaukame ka'yuxewini, mɨta Mɨkɨ tinaitɨ pini tixuawe kati'pinieyatɨni, mɨta kɨmanakɨ tame te niu'uwani, mɨta yaxeikɨa ka'yuxewini Ukiyari Jesucristo, meta mɨkɨ muyeikakɨ naitɨ pini ka'ti'xuaweni, meta siere hapaɨna tame kɨmanakɨ te'neniu'uwani.'' ⁷ Yatɨtɨ, ikɨ ráyukumate me yunaime'tsie kwatimieme. Ta'aurie mawetse, hipatɨ meripaí mete niuyuti'ɨkitɨani yusite wewiyakate me waráyexeiyanikɨ, Mɨta mɨkɨmexi ikwai meniukwani sasúni me ayeitɨatɨ yusi mawarieya. Iyaritɨarika'tsie paɨ tiane mistuni mɨta mɨkɨ kwayɨwe. ⁸ Mɨta ikwai tame kwatatsi'hekɨata kakaɨyari hɨxie. tame tekwa'antikɨka xɨka tekate'u'kwani, ni'ta hapaɨna aixɨ teteka'hutɨ tekwa'a'kɨne. ⁹ Mɨta xeneyu'ɨwiyani xeta'tuiya'tsie raya'atɨ kwa'ayuyeitɨaka mɨta iyaá ke'ane kwa yɨwe sasúni eriyerikaitsie petiwitseni. ¹⁰ paɨ xeteneuyu hɨawi kename xewitɨ xetsi'xeiya, keane rakumate, meta keane tikwaá ikwai yusite wewiyakate wa'pini teyupanieya'ta. ¿Mɨkɨ xe'yɨwekaríya kwa hɨkɨ iyari'tɨarika'tsie mɨta temawiyeri ikwaiyakɨ tita yusite wewiyakate meteye'tuiriyerie? ¹¹ Mɨta a'enierika'tsie hakunenakɨ sasúni ranyɨneni hapaɨ kemɨtiane yusite wewiyakate wa'huye'ta mɨta siere iyaá me'kwayɨwawe, ta'iwakɨ Cristo kaniu'mɨni, mɨta mɨkɨ kaneuye'wemɨkɨ. ¹² Mɨta mɨpaɨ, kepauka xeme tatakuri xe'teniyupitɨakuni yu'iwama wa'hepasta meta xe'teniwakwinitɨakuni me yɨyɨri iyari yu'hɨawiwekɨ, xeme tatakuri xe'teniyupitɨaka Cristo hepasta. ¹³ Xɨka'ta ikwai kɨmanakɨ ne iwa he'tiweni, tawarieri hekwa'mewekɨ waí ne kwatikwáni, meta ne iwa ne kɨmanakɨ kwe'hetiwautseni.