2 ¹ Beytuno, u tul maak ti u tribu Leví dzoc u bel yetel u tul colel ti Leví. ² Le x-coleló ca kojanchaj ti champal ca xan tu sisaj u tul xiipal. Ca tu yilaj u tul chan xiipal toj u yoole, leeti tu tacaj mi olp'el k'u. ³ Chen baale, leeti ca tu yilaj ma tan u beital u sentakike, leetie ca tu ch'aaj u p'eel xidibil xaake ca tu taak'a yetel tatak'kil baal . Ku dzokoltune leetie tu k'opá le champal ichil le xaac'o yetel ca lu dzaja ichil le sak'ab sukil le j'á tu jaal le xelja'o. ⁴ U kik tune caj ualaj ma jach naach u tial u yile baax cu uchul yetel le champalo'. ⁵ U xpaal le Faraono bin tun ichkil te xeljao jalakil u xtusbelobe tan u man u ximbaloob te tu jaal le xeljao. Letie ca tu yilaj le xaac ichil le sakab suuk ca tu tuxta u xmeyaj u tial chaik. ⁶ Leeti ca tu jeba', ca tu yilaj le champalo'. Tu yilej, le champalo' tan u ookol. Leetie tu ch'aaj otzilil tie ca tu yalaj: "Le jela' jach un t'uul u pal'aj le hebreoobo." ⁷ Beytuno u kik le champalo' tu yalaj ti u xpal le Faraono: "¿k'aabeta' in bin yetel kin kaxte' un t'uul xcolel hebrea u tial cu canantech le champalo'?" ⁸ Lu xpal le Faraono tu yalaj ti: "Xeen." Beytuno le xchupalo' bin u kaxte' u mama le champalo'. ^{9 10} Lu xpal le Faraono tu yalaj ti u mama le champalo': "Ch'a le champala' yetel canant ti teen, tene' kin botic ti teech u p'el bool." beytuno le xcolelo' tu ch'aaj le champalo' ca tu canantaj. Ca nojochlaj le champalo', leetie ca tu bisaj ti u xpal faraón yetel leetie ca tu palitaj. Leetie ca tu dzaa u k'abae Moisés yetel tu yalaj: "Tumen ich j'a tin joosaj." ¹¹ Beytuno Moisés ca nojochaje', bin ichil le macoob u tial, ca tu yilaj bix yajil u meyajoob. Leetie ca tu yilaj u t'uul egipcioile' tan u loobitic un t'uul hebreoe', u yet cajalil. ¹² Leetie ca tu pact'a u tsel yetel u lak tzel yetel ca tu yilaj mixmaac yan teelo', leetie ca tu kinsaj le egipcioilo' yetel tu taacaj u winkilil ich xix lu'um. ¹³ Leetie joo' tu sastalil, yetel, yu yilaj, k'aatul winkoob hebreoob tan u bateiloob. Leetie ca tu yalaj ti u t'uul k'expajan u yool: "¿Baxten ca lobitic a et meyajo'?" ¹⁴ Baale' le winko' tu yalaj ti: "¿Maax tzaech najpoli yetel ajp'is olal tac okol? ¿Tan a tuclic a kinsken jen bix uch ca kinsik le egipcioilo?" Caatun Moisese' sajac chají yetel tu yalaj: le baax tin betaje' u jajile' ojelan tumen u jeeloob. ¹⁵ Beytuno' faraone ca tu yubaj le lela', leetie ca tu dzaubaj u kins Moisés. Baale' Moisese' puds ti faraón yetel ka p'at tu lu'umi' Madián. Teelo' culaj nadz ti un p'eel che'en. ¹⁶ Beyo', u sacerdoteil Madián yan caach siete u chupal palaloob. Leetiobe taloob, u josoob j'a, yetel u ch'upico'ob u nuculil tuux cu yukik j'a u taman u yumoob. ¹⁷ Le aj canan tamanoobo taloobe ca tu yotajoob u bisoob, baale' Moisese nads u yantoob. Tzocole' leetie' tu dzaa j'a ti le tamanoobo. ^{18 19 20} Le xchupalaloobo ca binoob ti Reuel u yumoob, leetie tu yalaj, "¿Baen tineex ich naj jach chunkim"? leetiobe tu yalajobe: "Jun t'uul egipcioile tu tokoon ti le aj canan tamanoob. Leetie tu josaxan j'a tia le mananoobo. Leetie tu yalaj ti u palaloobo: "Beytuno, ¿tuux yan leeti'? ¿Baen ta p'atajeex le maak'o? T'aneex ca beylac u janal tac etel." ²¹ Moisese tu k'ama' u p'ataj yetel le winiko', max ken u tzokes u bel yetel u xpal Sefora. ²² Letie yanjil u t'uul u paal, Moisese lo t'ana' Gersón; letie tu yalaj: "Tene' u t'uul cajnalen ti tanxe lu'um." ²³ Un p'eel yabcach ki'inoobe, u ajauil Egiptoe ki'imi. Le israelitaobo ca u yauat okoloob yolaj u mejuli palitsilil. Letiobe tan u yauat k'atikoob tu nyolal antajil, u k'atanquiloobe k'uch tu yicnal jajal Dios tu yolal palitsiltanoob. ²⁴ Jajal Dios ca tu yubaj u yauat okoloobe, jajal Diose ca k'ajti u nupt'an yetel Abraham, yetel Isaac yetel xan Jacob. ²⁵ Jajal Diose tu pactaj le israelitaobo, yetel letie ca tu nat oltaj jen bix yanicoobo.