14 ¹ YUMTZILÉ tu t'aanaj Moisés ka tu a'alaj: " ² A'al ti le Israelitaobo k'aabet u dsikoob jun p'eel ba' pach yetel u jeeloob táanil ti Pi Hahirot, ichil Migdol yetel le k'anaab táanil ti Baal Zefón. Teexe yan a jeeleex tu tan le k'anaab pachil ti Pi Hahirot. ³ Faraone yan u a'alik tu yolal le Israelitaobo, leti'obe chen tu ajnunumoob ti le lu'umó. Le tokoy lu'umó dsok u k'alkoob. ⁴ Ten ken in dsuikins u puks'i'ik'al Faraón, leti'e yan u tsaipachticoob. Tené yan in tzikiltaa tu yolal Faraón yetel tu laakal lu kántunoob. Le Egipcioiloobo yan u oitikoobe ten le YUMTZILÓ." Beyó jeloob le Israelitaobo jen bix ts'oliktioobo. ⁵ Ka a'alá ti u ajauil Egipto le Israelitaobo ds'okaan u putsloob, u tukuloob Faraón yetel u k'oosoob sutoob tu yok'oloob. Leti'obe tu a'aloob: "¿Baak dsook in beetkoon ka tin cha'aon Israel jalk'ab u ti'al má' u meyajtikoon?" ⁶ Bey tunó Faraone tu ma'ak'antáj u nukulil jitmaakoob ka tu ch'aaj u k'antunoob yu yetel. ⁷ Leti'e tu cha'aj 600 nukulil jitmaakoob yeyanoob yetel tu la'akal u jel lu nukulil jitmaakoob ti Egipto, yetel aj yits jatiloob ichil tu lakaloob. ⁸ YUMTZILÉ tu tsuikinsaj u puks'i'ik'al Faraón, u ajauil Egipto, le ajauo tu tsaipachtá le Israelitaobo. Teaki le Israelitaobo binóob aj ts'oye sajoob. ⁹ Balé le Egipcioiloobo tan u tsaipachtikoob, yetel tu laakal u tsiminoob, yetel u k'antunoob. Leti'obe tu chukp'achtoob le israelitaobo jelekbaloob tu tan le k'anaabo tu tsel ti Pi Hahirot, tu tsel ti Baal Zefón. ¹⁰ Ká tun Faraón tu natsubá, le Israelitaobo tu iiloob k'anaj ka jak'uyoloob. Le Egipcioiloobo ximbanajoob pachil tioob, yetel jach sajkoob. Le Israelitaobo awatnajoob ti YUMTZIL. ¹¹ Tu a'alajoob ti Moisés, "¿Tumen mináam muknajoob ti Egiptoe, ka ta joosoon kiimil te tokoy lu'umó? ¿Ba'en ka meetik toon beyá, uch ka jooskoon ti Egipto? ¹² ¿Má a leti' e lel ti a'alon ti teech Egiptoa? Tin a'alon ti teech, 'cha'aon jetsekbaloon, tumen yan in meyajoon ti le Egipcioilooba.' Mas uts ti toon ka meyajnakon tioob ket ka kimikoon te tekoy lu'umó." ¹³ Moisese tu a'alaj ti le maakoobo: "Ma chikeex sajkil. Jetsabaex ka ileex le toksaj YUMTZIL bin u dsateex bejlae. Tumen má' a bin a iileex ka'aten le Egipcioiloobo ka iilkeex bejlaé. ¹⁴ YUMTZILÉ yan u bateil ta wosaleex, yetel teexe chen ken a jetsá oleex"