13 ¹ YUMTZILÉ tu t'aanáj Moisés ka tu a'alaj: ² "Jats ten tu laakal u yax paalalil Israel, wíinkoob beyxan alak'oob. Le yax paalaloobo in ti'aloob." ³ Moisese tu a'alaj ti le kaajo: "Tas ta tukule, le kíin ka jo'keex ti Egipto, pachil ti u najilil palitsilil, yolal u muk'il u k'ab YUMTZIL tu josech ti le kuchililó. Má' a jantik waj yetel xpajsakan. ⁴ Teexe yan a jooleex ti Egipto te kíina, tu wináalí Abib. ⁵ Le chen u bisech YUMTZIL tu lu'umiloob le Cananeos, Hititas, Amorreos, Heveos yetel Jebuseos, le lu'um tu jalaacht'aantá ti'al a ch'i'ilenk'aab manjaan u dsa'j ti teech, le lu'um ku tuul leche yetel kaab, beytuno k'aabet a wilik le meyaj jela u ti'al k'ultajil ti le wináala. ⁶ Ti úuk p'eel kíiné k'aabet a jantik waj má' yetel xpajsakaní; Ti le úuk p'eel kíinó yan un yantal jun p'eel kímbesaj u ti'al tsikil ti YUMTZIL. ⁷ K'aabet a jantik waj má' xpajsakaní ti úuk p'eel kíin; Má' k'aabet u iilaaj waj yetel xpajsakan ichileex. Má' k'aabet u iilaaj xpajsakan ta weteleexi mix ichileex. ⁸ Te kíin jeeló ka aalik ti a paalaloob: "Tu yoolaj baax tu beetaj tin wetel ká' jook'en ti Egipto. ⁹ E lelá jun p'eel k'ajsaj ti teech ta k'ab, yetel jun p'eel k'ajsajil tu tan a iich. E lelá tu yolal beyó u almajt'aan YUMTZILÉ ka yanak ta chí, tumen yetel u mukil u k'ab YUMTZIL tu josech ti Egipto. ¹⁰ Beytunó k'aabet a kanantik u almajt'aan te kíin dsaanó, ja'ab yetel ja'ab. ¹¹ Le chentun YUMTZIL u bisech tu lu'um le Cananeo, jen bix tu jalaacht'aantaj teech yetel ti a ch'i'ibalob manjanoob yetel chen u dsatech ti le lu'umó, ¹² k'aabet a jatsik u ti'al Leti' tu laakal yaax paalal yetel u yaax mejnil alak'oob. U xibaliloobe u ti'al YUMTZIL. ¹³ Tu laakal lu yaax mejnil chowakxikinoobe yan a suut a man yetel jun tuul tamán. Wa má' a sutul a mané, yan tun a kachik u kaal, baalé a yaax paalalil ichil paalaloobe, k'aabet a sut a mané. ¹⁴ Le chentun a paalaloob u k'aatob teechtuné: "¿Bax tun u k'aat u yaal le lelá?" beytunó yan a a'alik: "Yetel mukil k'ab tu josech ti Egipto, tu najilil palitsilil. ¹⁵ Ka'ach le Faraón nonolkil u ti'al u cha'aik in binoon. YUMTZILÉ tu kinsaj tu laakal u yax paalil tu lu'umil Egipto, tu laakal yaax siijilnaja'am, bey ti maak bey ti a'alak, Tu yolal tuné teené kin kinsajsibal ti YUMTZIL tu laakal yaax chichniloob xiibil aalak, yetel tumen kin ka sut in man tu laakal yaax paalalil in paaloob." ¹⁶ E lelá jun péel k'ajsajil u ti'al a k'ab, yetel jun peel k'ajsajil u ti'al u tan a iich, tumen yetel u mukil u kab YUNTZIL ti joosoon ti Egipto ¹⁷ Ka'atun Faraón tu cha'aj u bin le kaajó, jajal Diose tu bisoob tu beelí u lu'um le Filesteosoobo, kextun le lu'umó nads ka'ach. Tumen YUMTZIL tu a'alaj: "Bey walé ma in kaajal ku sut tu tukul chen u iil le bateiló ka sunakoob Egipto." ¹⁸ Beyó jajal Diose tu bisaj u kaajal te tokoy lu'umó tak te chak k'aanabo. Le Israelitaoobo jook'oob tu lu'umil Egipto u yeembalmubaob u ti'al bateil. ¹⁹ Moisese tu bisaj u bakeloob José tu yetel, Tumen Joseé tu jalacht'antaj le Israelitaoobo ka tu a'alaj: "Tu jajilé jajal Diose yan u lo'jeex, yetel yan a biskeex in baakeloob ta weteleex." ²⁰ Le Israelitaoobo ximbanajoob ti Sucot ka' jeeloob Etam tu jaal tokoy lu'um. ²¹ YUMTZILÉ ku bin taniltioob de kiíine ti jun p'eel muñal u ti'al u bisoob te bejó. Ti'al ak'abé jun p'eel wakbal k'aak u ti'al u dsá sasil tioob. Te beytuna letioobe je u beytal u ximbaloob ti'al kíin yetel ti'al de ak'ab. ²² YUMTZILÉ má' tu tsel'a tu tan le kaajaló le wakbal muñaló ti'al le kíin yetel le wakbal k'akó ti'al ak'ab