¹ Ela ehapari yopatjera ya Yesu Kristo, Mwana an'Luko. ² N'thoko tjan'tikiyaya elivro yan'rumeiyi Isaiya: "Oyo va kinan'ruma n'laleiYaka, variari Winyu, yowo n'rwa othon'komaniha ephirWen'nyu. ³ N'tju na n'tthu nin'kuwela mothakoni: N'thon'komanihe ephiro ya Pwiya, n'lokiherere ephiroTjanyu"; ⁴ Juwawu howa, apathissaka muthaconini akuwelaka n'pathisso worukunussa n'rima wira n'leveleliye etampi. ⁵ Epoma yothene yo Judeia ni othene yakala o Jerusalem yanowa n'paka variawe. Ayeena yanapathissia ni yena muro wo Jordao, elaphululaka tjokossatjaiya. ⁶ Juwawu awara ikuwo tjon'thapala no camelo, ahokalana n'tjako n'moja wocouro n'yununiwawe ni eyolhawe yari mathoromwe ni oravo won'thakuani. ⁷ Yena anakuwela, iraka: "Havo n'hala owa othuliwaka, yoyo thoweryessa okivikana mi, mi akin'puanela otaphula mikoi tjo sapatho Tjawe. ⁸ Mi kuphathussaleni ni matji, vano Yena nohala wopathissani ni N'nepa n'thakathifu". ⁹ Veraniaka tho, wamahiku yale, Yesu ahowa akumaka o Nazare wo Galileia, ahophathissia ni Juwawu muro wo Jordao. ¹⁰ Akumakan'no Yesu n'matjini, Ahona wirimo onahulyale N'nepa on'kuruwelaka Yenani woniaka n'thoko ekuntha. ¹¹ N'tju nimotja nahin'waneya wirimo: "Owo Mwanaka onin'fentessaka. Mi kihowaatanana wee". ¹² Vano N'nepa wowakuviawene Wa hon'ruana muthakoni. ¹³ Yena ahokala mahuku arrupaini, athehathehiaka ni Satana. Yena akala ni enama tjon'takwani, ni malayika En'varelaka n'theko. ¹⁴ Nathukiyene Juwawu, Yesu ahowa n'paka o Galileia, alaliaka molumo an'Luku, ¹⁵ iraka: " Okathi ohomaliheriya, ni omwene wa n'Luku ori vakiviru. Mwituthuwe ni thunani ehapari". ¹⁶ Ethaka ephareya yo Galileia, Yena ahomona Simao ni Andre, mwamun'nawe Simao, arihelaka mathavi n'phareya, ayenatja yari phanamatonta ehopa. ¹⁷ Yesu aherela wira: "Nwatje, n'kithare, Mi kinawupakani owatotha athu". ¹⁸ Wowakuviawene yahohiya ethavi yahon'thara. ¹⁹ Yesu, ethakan'no vakani oholo, ahomona Tiago, muana a Zebedeu, ni Juwawu, muamun'nawe; ayenatja yaritji n'calawani elokihatjaka mathavi. ²⁰ Nananoru aahihana, yahaahiatja apaapaya, Zebedeu, nanan'tecuaya n'calawani Phin'tharaka. ²¹ Yahophiya o Cafarnaum, ni esabado Yesu ahokela n'sinagoga pukelaka win'thutjiha. ²² Yanatikinihiya manan'na tja somihawe, con'tha Yena asomiha n'toko rina ekuru kahi n'toko anamalepa ekano. ²³ Mon'mo n'sinagoga, ahavo n'lopwana n'motja arina n'nepa wotakala ahokuwaja ninhuwale: " ²⁴ Nirina assiani hi ni we, Yesu o Nazare? Owale onikuanhula? Mi kihotjuwela we. Othakathifu a n'Luku!". ²⁵ Yesu ahomomola setuani iraka: "Maala okume erutwila!". ²⁶ N'nepa wotakala awahon'morihela vathi pukumaka okuwelakani n'tju nowin'waneya ven'tji. ²⁷ Athu othene yahotikinihiya ecohanatjaka n'thu ni n'cuawe." Essianila? win'thutjihiya Wonanano ni kuru? Yenani n'paka minepa tjotakala namomola, ni tjen'yotho tji namuin'welela". ²⁸ Wowakuviawene muaha wa Yena wa homuariela n'tjoko wotene wo Galileia. ²⁹ Akumakaru n'sinagoga, yahoruatja wa Simao ni Andre, ni Tiago vamotja ni Juwawu. ³⁰ Amathiawe Simao yanaweren'ya, eretha yothekussa. Yahon'himeria Yesu wowakuvia wene. ³¹ Vano Yena ahowa, ahavaren'la n'tata puavussaka, ethekussa yahahiya, vano ayenani phupajeraka on'varela n'teko. ³² Waphiyaliaya okathi wohiyu, n'juwa ninakelale, Ahowanelia othene aale oweren'ya nale ya warie ni minepa tjotakala. ³³ Epoma yotene ya hothukumana van'kora. ³⁴ Yenani ahavoniha en'tjeene yari oweren'ya eratha tjoviricanaja ni ahomola matjini mentji. Massi kathuniherale matjini wulumaja maana ayoo yanan'tjuwela. ³⁵ Yena ahopeherya ovuwa owitjissu, nan'lelo onari epiphi; ahokuma, nipuro no nowin'pitya ahossuali. ³⁶ Simao ni yale yarinawe vamotja ni yena yanan'wehaweha. ³⁷ Ayena Yahon'pwanya nun'himerya wira" Othene anauphelatjani Nhuu pwiya." ³⁸ Yena ahahimerya: "N'twe mapuro makinaku, epoma tjowathamana, won'wo Mi kalalyeke tjitjan'mo. Phiyeyo ewaliaka opaka mu". ³⁹ Yena ahorua n'phanthi wothene wo Galileia, alaliaka n'sinagogawaya ni omolaka matjini. ⁴⁰ Namakuthula ahowa n'paka variawe Yena ni an'lepelaka nakoromaale. Yena ahon'himerya Yesu: "N'huwo mua thunavale, n'kivoniha." ⁴¹ Ahenhenhia ni kiriri Yesu ahotaphula n'tata nawe phun'kuanha amuirelaka: "Mi kin'phela. Ovone". ⁴² Wowakuviawene makuthula ya hon'hiya, ni yena ahokala ovona. ⁴³ Yesu ahon'himerya an'lakaka phumuirelaka orweke, ⁴⁴ Amuirelaka wira: "We, ohin'himerye n'thu, vano orweke wi thonhe wanamukutho ni ovahererieke orerihiya waa n'toko Mose jihimalyawe, n'toko enamona wa yenaja". ⁴⁵ Vano yena ahokuma phupatjeraka wahimerya otene ni yahomuariela yohimia, wo manana n'paka kaathuna ophiya wo witaphula nakala epoma. Ahana okala mapuroohikalya, vano wa nari tjoo athuayo ya nophiya mapuro othene yakalaWe.