¹ Kontha, ekethelo eri nthutji nimotja pasi wotjithu tjooreera tjohoolo, kahi womanan´na okweeli wotjen´nho tjithun´nho, ela kinkhalatho wookhala yoorera wo yaale oomwaathamenla mluku, mwaha wotjen´nho mikukutton´nho tjivahenriyaaya nanankutho, etharenlihiyaka mwakha ni mwaakha. ² Woovirikana tjon´mo tjen´nho mikuthon´nho khatjaateelihiya ovahenriya? Wa yeeyo enan´neeyo, tjinari tjooreerihiya weemaara emotja tjooteene, yaale answali khayuupuwelatho yootheka. ³ Masi nitjen´nho mikuthon´nho, ohaavo wuupuwelela mwaakha ni waakha. ⁴ Kontha khawaniiranyaa ephome yonri ni yopuri ekumihe yootheka. ⁵ Phimaana owakathi kristu owaalyaawe ntuniyani, hira: khanthunale nkwiinhu ni tjoovahatjiya, masi eruthu emotja ethenkatjleenhu wa mi. ⁶ Khankhalale ootjivelatjiya nuukutho ni waanaakhala okutho wotampi. ⁷ Vano miivano kaahiira, mi kirii vaa mluku, wiira mpamke othunawinhu, toko tjantikiyaaya mketheloni mwaha wohisimaaka. ⁸ Woopatjera yena aahiira: mhu khanthunale hata nkutho ni hata tjoovahiya, hata mkutho wootheka, wala khankhalale ootjivelatjiya nitjen´nho, tjen´nho mikutho tjivahiye toko tjihimiyaaya nketheloni. ⁹ Vano yena aahiira: Mi kiriiva wira yiiranyee nuuthunawinhu, yena naakumiha yoopatjera opanka wira yiiranyee yeele yonayeeli. ¹⁰ Ni mwaha woothunawinhu, niniira nikhalaka oothakathifihiya mwaha wowiivahenra eruthwaawe yesu kristu weemaara emotja womahuku ooteene. ¹¹ Womphaanthe mkwaawe, namkutho naakhalela mthiti khula nihuku, ahoolelaka ni avarelaka tjen´nho mikuthin´nho mahuku ooteene, vanookhlaru wira khatjimkumiha etampi. ¹² Womphanthei mkwaawe, kristu hovaha mkutho m´motja mwaha wo tampi wo mahuku ooteene ni hookoma moono woolopwana wamluku. ¹³ Vano naariha wira awananyaawe aheliye vathi womethotjawe. ¹⁴ Wekweli mwaha woovahiya emotja pasi, horeeriha, womahuku ooteene, yaale aniira areerihiyaka. ¹⁵ Ni m´nepa nthakathiifu onaanivaha namoona, onahimyale khalayi: ¹⁶ Ori waataana onkoopankaaka naayenani anavirale yaale mahukwaale," apwiya ahiira" kinaahala ohela ekethelotjaka wanrimaniwinhu ni kinaahala wantikha m´muupuwelonimwinhu. ¹⁷ Akin´hala wuupuwelatho tjoothekatjinhu ni tjootakhalatjinhu. ¹⁸ Ni wakhala wira ohaavo elevenliya mwaha woyeeyo khumpwanelatho khula mkutho mwaha wotampi. ¹⁹ Phimaana, asun´na, nihaana okhuluvela wira nikele nipuro thakathiifu tjinene niiphome ya yesu. ²⁰ Yeela phiri yophiyaaro nimthala nkumi yena thulalyaawe wa hii mwaha wonleeso, eyo phiiyo, mwaha woruthwaawe. ²¹ Kontha nihaana nankutho muulupale mweenupa yamluku. ²² Ni mwaathamemle nimrima weekweeli, niikhuluvelo, nimroromelo, ni nkhalaka wanrimaniwinhu oorapihiya wo muupuwelo ootakhala ni erthutjihu tjoorapihiya nimaatji ooreera. ²³ Ni tootho nivaresese nuulipiha olaphulula wookhuluvelawihu, woohivonha, kontha mluku, khuluvelihale tjoororomelyaa. ²⁴ Mkhalihaneke okhala ethiithu m´motja nimkwaawe wowira mkhaviherane nimfento nimiteko tjooreera. ²⁵ Ni nihihiyenre othukumana toko akwiihu tjiniiraaya. Woohikhala tjon´mo, mlipiherane m´motja niimkwaawe n´tjuwelaka wira mahuku ahaathamana. ²⁶ Kontha wakhala wira hyi nhotheka wootjuwela ekweeli, khuuvotho mkutho mwaha wotampi. ²⁷ Okhale wira eri ethu emotja pasi olamuliya wowoopiha ni mooro m´motja woopwanela on´hala waapaha awanani amluku. ²⁸ Wakhula m´motja mkhotha ekethelo ya moises, ohoolo waanamoona eeli wala araru, naakwa woohikiriri. ²⁹ Mtharusoni wooweryaa omrwaanela yoole n´nhakenle mwaana amluku, yoole tafitale ephome yowaataana toko yoonanarihiya, ephome yeele ethakathifihiyaawe, nuurwaana n´nepa womahala? ³⁰ Hyi nihontjuwela yoole iirale: ohokolosera yootakhala wawaka, mi kinaahala on´hokolosera, "ni wowaakuvyaa" apwiya anaahala waalamula athwaaya. ³¹ Eri ethu emotja yowoopiha omora n´matatani mwamluku eekumi. ³² Masi muupuwele mahuku avirale, ohoolo mwarwaa omwaleeliya, toko tjivilenlenhu ekhotho yuulupale m´mahuvihoni. ³³ M´hokhalihia vaathuni, woohipwanela mooruwaniyani niwoomoanihiya ni m´hokhala okhalela mphanthi ni yaale atafitiye ni mahuviho yaala. ³⁴ Kontha m´haana ekiriri naananthukiya, ni m´hothuna nuutheliya owela ekhteratjinhu, ntjuwelaka wira n´haana okhala wooreera ni woohimala. ³⁵ Vano, n´hirihele ota ororomelawinhu wayeeyo n´naahala okhalana ethuvo yuulupale. ³⁶ Vano n´haana okhalela nthiti wowira m´napankale othunawawe m´khale oomwaakhela mluku yuukhuluvelihalyaaweni. ³⁷ Kontha owakathi vakaani, yoole ri moowa naahala owa woohipitja. ³⁸ Nasariyaaka nkookhala mwaha wowaamini vano ahokoleelaka othuli, mi akin´hala otjiveliya niyena. ³⁹ "Masi hyi khaninakhala wayaale oohokoleela othuli, mookwanhuliyani, masi wayaale arina waamini wira akhalele nrohonimwihu.