¹ Mwaha woyeeyo mi, paulo, kinaanthukiya akristu yesu, mwaha wanhu amalapo. ² Kinamoona wira n´hiiwa mwaha wonteko ovahiyaaka, mwaha womahala amluku. ³ Kinawantikha mwaha woolohihiya kivahiyaaka, eyo eri ekweeli yoovithiya, phimaana mi kihantikha vakaani n´phanthe nkwaawe wonikhanta. ⁴ Mwiisomaka, m´naahala otjuwela muupuwelelwaaka wayoola nteko wakristu. ⁵ Ni makhoto makwaawe yoola ntekoola khavahiye asaana aapinaatamo, masi eyo enkhala othoonheeriya wan´nepa naathu oothapeliya orumeyi ni anamaloha. ⁶ Elaa ekweeli yoovithiya mwaamalapo ni ari ooyaranatja ni miphanthe tjoruthu, ni akhalelaka mphanthe tjookhuvelihiya mwa kristu yesu eriyari wohapari. ⁷ Mwaha wo yeeyo, kihokhala nanteko ohapari toko tjivahiyaaka wo mahala amluku, woyeele evahiyaaka mwanteko tjokurutjawe. ⁸ Mluku hokivaha evaheriyo, kinookhalaru mwankaani athakathiifu ooteene, wira mi kaavahenre amalapo ehapari tjoohiwehawehiya mihakhu tja kristu. ⁹ Evaheriyo tjamluku wami ori omwaleela wa ooteene esiiritjawe tjaavithiye wuupatjeroni myaakha tjintji tjivirale wamluku, pathusale tjithu tjooteene. ¹⁰ Mwaha woyeeyo, vano, ekeretja, akhulupale omapuro owiirimu, awe atjuwele ventji otjuwela wamluku. ¹¹ Eyo yiiranyaale toko othuuna woohimala omalihenryaawe kristu yesu pwiyehu. ¹² Hiivano nihaana ekuru ni tjoopwanha nroromelo mwaha wowaamini niyena. ¹³ Vano mi kinawuulepelani wira n´hikhaleke oohivilela mwaha woohuvawaka wanhu, woyaayo otheeliyawinhu. ¹⁴ Mwaha woyeeyo mi kinaakokhora waapwiya. ¹⁵ Okhala wira khula nloko wiirimu ni vathi naakhelele n´tjina. ¹⁶ Kinaalepela wira yena oovaheni, wo mihakhu tjowaaryatjawe, tjikhale tjoolipa niikuru, mwan´nepaawe ori mwanhu. ¹⁷ Kinaalepela wira kristu akhale wanrimani wowaamini, ni wira nkhalane mititthaari ni wintjenra nfentwaawe. ¹⁸ Kinaalepela wira nitjuwelele ooteene niri amwaamini, ekhuveelo erekamelo, eyeemelelo ni eyinsero wanfento wa kristu. ¹⁹ Kinaalepela wira nitjuwele nifento nakristu nivikanaka otjuwelatja, ni wira nkhale ootjaliheliya nimakhalelo amluku. ²⁰ Yoole n´pwanela opanka tjooteene tjithun´ya wowiiyeviha woovirikana hiivano enuupuweleehu wala enlepeleehu mwa ekurwaawe en´mwa wahi. ²¹ Yena akhale owaarya nkeretja ni mwa kristu yesu wa makhoto ooteene, nimahuku ooteene, amen.