¹ N'holeli onkeretja othanliya ni nasanaawe, yaale anafentaka ni khueli, ni kahi mi passi, ni hata oteene yaale antjuwela ekhueli, ² mwaha wekhueli enkhaleleehu ni en'hala okhala ni mi mahuku otene. ³ Mahala, ekiririr ni nrettele wo mphantti wa Muluku papawe Yesu Kristo, Muaana a Muluku, en'hala okhala ni hivano ni khueli ni nfento. ⁴ Mi kinatteliya ventji tjinene nlatto wowaphuanha mwassanaawe akinaku yettaka mwekhuelini, ntoko hi tjakhelalehu ella ekettelo wa paapa. ⁵ Ni n'nava kinawulepela, ekeretja, kahi ntoko mi kiwantikhelaka eketteleo yonanano, massi yaayo arinehu wopatjeroni: wira nifentane nthu ninkhuaawe. ⁶ Ni n'no thinfento: wira hi nikhale ni Ekettelotjawe. Ela thi kettelo, ntoko nhu mwin'walen'nhu wopatjeroni, ni nhu n'hana mwettelaka yeeyo. ⁷ Vano anamathepia entji ankela orua ntuniyani ni yaala khanlaphela wira Yesu Kristo waale mwiruthuni. Ola thiri namathepia ni hinonthuna Kristo. ⁸ Mwirattavenle wira n'hihalele tjithu tjen'nhe hivano otene ninvareleehu nteko, massi wo wira mwakhele ethuvo yolikana. ⁹ Wa yoole nkelela ohoolo ni hinkhalela tjowinthutjihiya tja Kristo kharina Muluku. Yoole nkhalela tjen'nhe tjowinthutjihiya hana oyeli: Paapa ni Mwaana. ¹⁰ Akhala nthu noowa ophuanhakani hiwanaka yeela yowinthutjihiyela, n'himwakhenle owan'nhu ni n'hinsenlihe. ¹¹ Yoole nonsenliha n'nokhalela mpantti ni mitekotjawe tjohiloka. ¹² Kihana tjithu tjintji tjowantikhelani, vano akiphelale opanka ninikhanta ni tinta. Massi kihana owehenra owa wonwo wuhimeriani, wo wira otteliyawihu okhale womalela. ¹³ Assun'na okeretja ekina anawusenlihani.