¹ m´hithuneke khula n´nepa, masi mlawihe tjakhala minepa tjamluku, kontha arumeyi emtji anaawaaka ntuniyani. ² yaayo n´naahala otjuwela n´nepa waanluku: n´nepa wooteene nlaphulula wira yesu kristu waale mruthuni tamluku; ³ wooteene ohinonlaphulula yesu khanakhala amluku; ni yaala amkhala athu oohimthara mluku, yooyo m´hiiwa wira naahala owa, nen´nava ri ntuniyani ⁴ Asaanaaka, nhu nri nimluku, ni nkhale oothema tjen´nho; komtha muulupale phuuyo ri ni nhu ovirikana nuule ri ntuniyani. ⁵ Ayenatja phontuniyani, phimaana anuuluma tjomtuniyani, niituniya enaawiiwenla. ⁶ Hii niri amluku. yoole nomtjuwela mluku naaniiwa; yoole hiri amluku khan´niiwa. Woyeeyo ninaahala otjuwela n´nepa wokweeli nin´´nepa woohikhala ⁷ Oofentiya, nifentaneke akina naakwaawe; komtha mfentooyo wamluku ni yoole nfenta yariye wamluku ni nantjuwela mluku. ⁸ Yoole hinfenta khanomtjuwela mluku, mluku nfento. ⁹ yeeyo nfento wamluku ohoonanya eriyariihu: mluku hom´veleeliha mwanawe m´motja ntuniyani wira eriyaryaawe nikhaleke. ¹⁰ ohaavo nfento, khaninakhala hii ninfentale mluku, masi kweeli, yena tinifentale, ni honveleeliha mwanawe toko mkutho woolevenliya tjoothekatjihu. ¹¹ Wakhala wira mluku honifenta, ni hi nifentaneke akina naakwaawe. ¹² Khaavo namoona mluku; nafentanaka akina naakwaawe, mluku ri nihi, ninfentwaawe ori nihi. ¹³ Nihotjuwela wira niri niyena, niyena nihi, kontha yena honivaha mun´nepaniwawe. ¹⁴ Nihoona ni ninanvaha namoona wira athuanihu ahonveleeliha mwaamwanaya wira akhale moopoli. ¹⁵ nlaphulula wira yesu mwaana amluku, mluku ri niyena, ni yena nimluku. ¹⁶ ninaatjuwela ni ninawaamini nfento wamluku orinaawe nihi. Mluku nfento, ni yoole ri munfentoni ri nimluku, nimluku nkhala niyena. ¹⁷ Ni yoola nfentoola ori woolamanliya wahiivano wira nihuku noophukiya milathu nikhalane mkhuluvelo, maana, toko yena tjiryaawe, tihi niri etuniyeela. ¹⁸ Munfentoni khuuvo woova; woovirikanaaya, nfento weekweeli onawoomola woova; maana woova onawaana mahuviho; ni rina woova khalamalenle nfento. ¹⁹ Hii nifentaneke kontha yena honifenta wuupatjeroni. ²⁰ Akhalaka niira: mi kinanfenta mluku, anthanhaka mun´nawe, oyo namoothi, vano yoole hinonfenta mun´nawe yoole m´moonaawe khanonfenta mluku, yoole him´moonaawe. ²¹ wayena nihaana ekettelo: yoole nonfenta mluku, anfente mun´nawe.