¹ Itchi nditcho tchipangidziro tcha >Djesu kirisitu, tchaaka puwa na Mwari kuti apangidzire ku anhu ake zvirikudha kuitika ngekukasika.Iyena wakazviziisa paaka tuma ngirosi kuna johani. ² Johani waka pupura zvese zvaakaoneswa zvakaringana ne soko raMwari, ne mhupuro yakaiwa na djesu . ³ Wakaropadzwa ndiena uia uno werenga nokuzwa tchiporofiti nokuteerera zvakatarwa, ngekuti nguwa dzaakukwedhera. ⁴ Johani kuthembere nomwe dzeku Asia: Nyasha ngadziwe nemwi norugare rweUia ari iyena, wanga ari, uye utchazouya, pamwepo no mweia minomwe iri paumambo, ⁵ uye na Djesu kirisitu, ari iyena tchapupu tchetchokwadhi, dhngwe kuaakafa, mukuru we madzimambo enyika. uia anotidha wakatisunungura muushaishi wedhu ne ngazi yake, ⁶ nokutiita umambo, atungamiriri kuna Mwari bhabha Ake, kwaari rukudzo ne masimba, kwenda nokwenda.Amen. ⁷ Waakuuya nemumakore madziso ese atchamuona, kusanganisirao ne aia asikamuzwiri.Ne madzinza ese epanyika atchamugurungunguta ngekudha kwake. Zvirikwazvo, amen. ⁸ Inini ndiri arfa ne Omega "anoti kudharo Ishe Mwari" uia Ari, Wanga ari iyena, uye utchazodha kuuya, we masimba ese" (Mareketero amweni anoti" ndini arfa ne omega kutanga nokuguma, anoti kudharoko Ishe Mwari) ⁹ Ndini johani, hama yenyu, uya wamunae mumatambudziko no uumambo, anoshingirira pakupurumuka muna Djesu, ndanga ndiri pa tsuwa inozwi patmos, ngekudha kwe soko ra Mwari no tchapupu tcha Djesu. ¹⁰ Inini ndanga ndiri pamweya, patsuku uya Ishe. Kumasure kwngu ndakazwa izwi guru rakaita ingana nyanga ¹¹ reiti: tarira mubuku zvaunoona, utumire kuma thembere manomwe: Efesso, Esmirirna, Peregamo, Tiatira, Sardeji, Firenderfiapamwepo ne Raudecia" ¹² Ndaka zungunuka kuti ndione ndaani izwi raindibvunzero, uya pandajka zungunuka kudhai ndakaona rampi nomwe, dze gorodi. ¹³ Pakati perampi idzi, panga pane umwe wanga akaita ingana mwana we munhu wakapfeka burengeti rakarebha raimugumira mumurenje nemutcheka we gorodi, wakapoteredza padhiti rake. ¹⁴ Musoro wake ne tsisi zvanga zvakatchena, kutchena hingana mhute, madziso hingana marimbe emoto. ¹⁵ Murenje dzake hingana mare yakadzodzwa, mare iyi yaka sefwa pamoto, izwi rake hinga mvura jinji. ¹⁶ Mumoko kwao iyena wanga ane nyeredzi nomwe zvetchibva pamuromo wake, panga pane tsorora yakanodzerwa kwese. kuhope kwake kwainyetukira hingana kunyetuka kunoita kuia zua. ¹⁷ Pandakamuona, ndaka mbwera pasi pe mirenje dzake hingana munhu wakafa. iyena wakandibhata no mokokwao eiti:" usatye. ndini wekutanka nokugumisira, ndirnendaramo. ¹⁸ Ndanga ndakafa, zvinopano ndinendaramo yokwenda nokwenda! uye ndine makii erufu pamwepo no ekumoto. ¹⁹ Hino tara zvaurikuona, zviri izvona, no zvitchazoitika mberi kweizvi. ²⁰ Zvishamisso zvenyeredzi zvawaona pamokomko kwao no rampi nomwe dze gorodi, nyeredzi nomwe idzi ingirosi dzethembere nomwe, kuzoti rampi nomwe idzi ndiona mathembere manomwe.