¹ andizi kusununguka? Andinipi muphostoripi inini andizi kuona Djesu Ishe wehu? Aimwimwi amuripi rebhasarangu kuna Ishe? ² kudhai ndisiripi muphostori kuna amweni, inini ndini wenyu, nondawa iyokuti ndhinotchokwadhi tchangu tchou phostori kuna Ishe. ³ Itchi nditchivikiro tchangu kuna aya anondipima. ⁴ Atina isusu zvitenderwa zvokuti tirhe uye timwe? ⁵ Atina isusu zvitenderwa zvekuti titor mukadzi umwe anenge ari munamati, nokundhana hingana zvinoita akawanda maphostori, uye hama dza Ishe uye Simao? ⁶ Khudhai pamweni Banabe uye ndini ndinodhikana kusenza? ⁷ Ndiani ano senza kuita murwisi etchidzi ririkira ega' ndiani anosima muzambiringa uye airhyi mutchero yake? kuna uya anorinda kuno mukumbi umwe uye azomwi mukaka wake? ⁸ ndinobuiya izvi mu utongi watchiunhu? mutemo aubui kudharoko? ⁹ Ngokuti zvakatarwa pamutemo wa Mozsesi; musasunge muromo o nghombe kudhai yona ikatsika tsangu. No nghombe itchinyi panaMwari? ¹⁰ Apana aripi iyena kureketa nacundawa iyedhu? zvakatarwa isusus, kudhai ukarima pasi, zvinondikana kurima nerungondo, uye kuti uzokurumure, zvinodhikana kukurumura wetchithemba nokutenderana nozvanno korora. ¹¹ kudhai tikasima zviro zvemweiya pakati penyu, zvainga zviri nani kukorora midzio iyenyu? ¹² kudhai amweni arikuita zvitanderwa izvi pakati penyu, tanga tisikadhi isusu kumgara nezvimweni? isiripi nguwa iyona isusu atizi kutsaga kubvunzisa zvitendherwa izvi, asi takachingirira zvese tisikadhi kuita umwe unotsaka vangeri ra kirisitu. ¹³ Imwimwi amuzii kuti aya anosensa mukereke, anotambira zvokurha zvao mukereke? uye aya anosenza pa aritari anopatsanura zviya zvano puwha pa aritari? ¹⁴ Nokudharo, Ishe anotongera aya akapatsanura vangeri kuti ngararane no vangeri. ¹⁵ Asi inini andizi kurongosa tchimwe hatcho. uye andinipi kutara izvi kuitira kuti izvi zviizwe na inini. inini zvanga zvirinani kufa kuti ndizvitutumadze. ¹⁶ kudhai, kuti ndiriku panidza ino vangeri, kudzipasa mbiri, kudzipasa mbiri iyokudzikudza, nokudharo ndinobambidzinwa kuita izvi. uye kudhai inini ndisikazi kuparidza vangeri! ¹⁷ Kudhai ziri zvotchidho inini ndinoita izvona, ndino mubhairo; asi kudhai zvisiripi zvotchidho, ndhichino umweni ubhabha okuti nditembwe. ¹⁸ ndiupi nokudharo uya mubhairo? okuti inini ndikaparidza, inini tchandingadha kupasa ivangeri. pasina tchinobviswa, uye nokudharo andidhi kusenza zvitenderwa zvangu muvangeri iri. ¹⁹ Kudhai inini ndakagara ndakasununguka pazvese, ndawa muranda kwamuri, kunza kokuti nditchaona anhu akawanda. ²⁰ Kuna Madjuda, ndawa Madjudao, kuti ndiwini Madjuda. uya unipasi pomutemo, ndawa umwe uripasi pomutemo pamukana kuwa wina ngopamusana pemutemo. ndakaita izvi, nyazi inini ndanga ndisipi pasi pomutemo zvinyorwa zvimweni zvekare azviuyi zvakatarwa. ²¹ Kuna aya asiri pamutemo, ndakagara hingana andina mutemo, nokudharo nyangazi ndisina mitemo ya Mwari, uye ndakazwa mitemo iya kirisitu. inini ndakaita izvi kuti ndiwine aya asina mitemo. ²² kwiitira aya akarmba inini mune akaremba nenio ndakawao wakawao wakaremba, ngepamusana pekudh kuwina akaremba. inini ndakawa zvese kuwa anhu, kuitira kuti, mikana yese kukanda mikana yese, kuponesa amweni. ²³ uye inini ndinoita izvi zvese ngepamusoro pevangeri, kuitira kuti ndionekwe pama komborero ake- ²⁴ Amuzii kuti pamudjaho mwese munoita makwikwi, Asi umwe anotambira mubhairo? nokudharo, ndakaita makwikwi kuti umew ndie anowina mubhairo. ²⁵ mugogomi umwe anoita etchiona panguwa iyonenga etchidzi ngadzirira. ²⁶ iwona anoita izvi kuti atambire tipuwhe mubhairo umwe azvisiki. Nokudharo, andigogomi nditambire mubairo usikaperi. nokudharo. andigogomi ndisina tchinangwa, andirwi no mhepo; ²⁷ ndinotongera mwiri wangu uye ndinoita bhitcho, kuitira kuti panguwa yandino pedza kuparidza kune amweni, inini ndisazobviswe unemu.