¹ Kisha Miriamu na Haroni wakasema kinyume na Musa kwa sababu ya mwanamke Mkushi ambaye alikuwa amemwoa. ² Walisema. " Hivi BWANA amesema na Musa tu? Ni kweli hajawahi kusema nasi pia? Sasa BWANA akasikia kile walichokuwa wanaongea. Sasa ³ Musa alikuwa mtu mpole sana, mpole kuliko mtu yeyote duniani. ⁴ Wakati huo, BWANA akanena na Musa, Haroni na Miriamu: "tokeni nje ninyi watatu kwenye hema ya kukutania." kwa hivyo wale watatu wakatoka inje. ⁵ Kisha BWANA akashuka katika nguzo ya wingu. Akasimama kwenye lango la hema na akamwita Haroni na Miriamu. wote wakaja mbele. ⁶ BWANA akasema, "Sasa sikilizeni maneno yangu, Nabii wangu anapokuwa nanyi, Mimi nitajifunua kwake kwa maono na kusema naye katika ndoto. ⁷ Lakini si hivyo kwa mtumishi wangu Musa. Yeye ni mwaminifu katika nyumba yangu yote. ⁸ Mimi huongea na Musa moja kwa moja, si kwa maono wala mafumbo. Yeye huniona umbo langu. Kwa hiyo, kwa nini hamuogopi kumnenea kinyume, mtumishi wangu Musa?" ⁹ Hasira ya BWANA ikawawakia, kisha akawaacha. ¹⁰ Lile wingu likainuka juu ya hema, Miriamu akapata ukoma ghafla - akawa mweupe kama theluji. Naye Haroni alipogeuka kumwona Miriamu, akamwona amepata ukoma. ¹¹ Haroni akamwambia Musa, "Bwana wangu, usituadhibu kwa uovu wetu huu. Tumenena katka upumbuvu, na tumetenda dhambi. ¹² Tafadhali nakuomba usimwache akawa kama mtoto mchanga aliyekufa ambaye nusu ya nyama yake imeoza tangu kuzaliwa" ¹³ Kwa hivyo Musa akamwomba BWANA, akasema, "Mungu ninakusihi umponye tafadhali." ¹⁴ BWANA akamwambia Musa, " kama baba yake angemtemea mate usoni angepata aibu kwa muda wa siku saba. Umfungie nje ya kambi kwa muda wa siku saba. Kisha umrejeshe ndani tena." ¹⁵ Kwa hivyo Miriamu akafungiwa nje ya kambi kwa siku saba. Watu hawakusafiri mpaka aliporudi kambini. ¹⁶ Kisha watu wakasafiri kutoka Hazeroti na kuweka kambi kwenye jangwa la Parani.