¹ Tena alianza kufundisha kandokando ya bahari. Na umati mkubwa ulikusanyika ukamzunguka, akaingia ndani ya mtumbwi baharini, na kuketi ndani ya mtumbwi. Umati wote walikuwa pembeni mwa bahari ufukweni. ² Na akawafundisha mambo mengi kwa mifano, na akasema kwao mafundisho yake. ³ Sikilizeni, mpanzi alienda kupanda. ⁴ Alipokuwa akipanda, baadhi ya mbegu zilianguka njiani, na ndege wakaja wakazila. ⁵ Mbegu zingine zilianguka kwenye mwamba, ambako hapakuwa na udongo mwingi. Mara zikanyauka, kwa sababu hazikuwa na udongo wakutosha. ⁶ Lakini jua lilipochomoza, zilinyauka, kwa sababu hazikuwa na mzizi, zilikauka. ⁷ Mbegu ziingine zilianguka katikati ya miiba. Miiba ilikua na ikazisokota, na hazikuzaa matunda yeyote. ⁸ Mbegu zingine zilianguka kwenye udongo mzuri na zikazaa matunda wakati zikikua na kuongezeka, zingine zilizaa mara thelathini zaidi, na zingine sitini, na zingine mia". ⁹ Na akasema, "Yeyote mwenye masikio ya kusikia, na asikie!" ¹⁰ Yesu alipokuwa na, wale waliokuwa karibu naye na wale kumi na wawili walimuuliza kuhusu mifano. ¹¹ Akasema nao, "Kwenu ninyi Mungu amewapa siri za ufalme. Lakini kwa ambao hawapo miongoni mwenu kila kitu ni kwa mifano, ¹² ili wakitazama, ndiyo hutazama, lakini wasione, na wanaposikia ndiyo husikia, lakini wasielewe, nisemayo wasije wakageuka na kuacha dhambi Mungu akawasamehe." ¹³ Yesu akasema na wanafunzi wake, "Je hamuelewi mfano huu? Mtawezaje kuelewa mifano mingine?. ¹⁴ Mpanzi alipanda neno. ¹⁵ Baadhi ni watu walioanguka pembeni mwa njia, mahali neno lilipopandwa. Na walipolisikia, mara Shetani akaja na kulichukua neno ambalo lilipandwa ndani yao. ¹⁶ Na baadhi ni watu waliopandwa juu ya mwamba, ambao, wanapolisikia neno, kwa msisimko wanalipokea kwa furaha. ¹⁷ Hawana mizizi yoyote ndani yao, lakini huamini kwa muda mfupi. Halafu tabu na mahangaiko vinapokuja kwa sababu ya neno, mara huacha imani. ¹⁸ Na wengine ni wale waliopandwa katika miiba. Wanalisikia neno, ¹⁹ lakini masumbufu ya dunia, tamaa za mali, na tamaa za mambo mengine, huwaingia na kulisonga neno, na linashindwa kuzaa matunda. ²⁰ Kisha kuna wale ambao wamepandwa kwenye udongo mzuri. Wanalisikia neno na kulipokea na huzaa matunda: baadhi ya watu thelathini, na baadhi ya watu sitini, na baadhi ya watu mia moja." ²¹ Yesu akawaambia, " Je huwa unaleta taa ndani ya nyumba na kuiweka chini ya kikapu, au chini ya kitanda? Huileta ndani na kuiweka juu ya kiango. ²² Kwa kuwa hakuna chochote kilichojificha ambacho hakitajulikana, na hakuna siri ambayo haitawekwa wazi. ²³ Akiwapo mwenye masikio ya kusikia, na asikie!" ²⁴ Akawaambia, " Iweni makini kwa kile mnachokisikia, kwa kuwa kipimo mpimacho, ndicho mtakachopimiwa, na kitaongezwa kwenu. ²⁵ Kwa sababu yeye aliyenacho, atapokea zaidi, na yule asiyenacho, kwake vitachukuliwa hata vile alivyonavyo." ²⁶ Akasema, "Ufalme wa Mungu umefananishwa na mtu aliyepanda mbegu katika udongo. ²⁷ Alipolala usiku na kuamka asubuhi, na kukuta zimechipuka na kukua, ingawa hajui zilivyo chipuka. ²⁸ Aridhi hutoa mbegu yenyewe; kwanza majani, halafu maua, halafu mbegu zilizo komaa. ²⁹ Na wakati mbegu itakapo komaa mara hupeleka watu wenye mundu kuvuna, kwa sababu nafaka iko tayari kuvunwa." ³⁰ Akasema, "nitumie mfano gani kuufananisha ufalme wa Mungu na nikitu gani, au tutumie mfano gani kuuelezea?. ³¹ Ni kama mbegu ya haradali, ambayo ilipopandwa ni ndogo sana kuliko mbegu zote duniani. ³² Hata, wakati imepandwa, inakuwa kubwa zaidi ya mimea yote ya bustani, na inafanya matawi makubwa, hata ndege wa angani huweza kufanya viota vyao kwenye kivuli chake." ³³ Kwa mifano mingi yesu alifundisha na alisema maneno kwao, kwa kiasi walivyoweza kuelewa, ³⁴ Na hakusema nao bila mifano. Lakini wakati alipokuwa peke yake, yao akawaelewesha kila kitu wanafunzi wake. ³⁵ Katika siku hiyo, wakati wa jioni ulipotimia, akasema nao wanafunzi wake, "Twendeni upande wa pili wa bahari". ³⁶ Hivyo wakauacha umati wa watu, wakamchukua Yesu, wakati huo tayari alikuwa ndani ya mtumbwi. Mitumbwi mingine ilikuwa pamoja naye. ³⁷ Na upepo mkali wa dhoruba na mawimbi ya maji yalikuwa yakiingia ndani ya mtumbwi na mtumbwi ulianza kujaa maji. ³⁸ Lakini Yesu mwenyewe alikuwa kwenye shetri, yani kwenye sakafu ya chini kwenye mashua amelala. Wakamwamsha, wakisema, "Mwalimu, unapaswa kuwa makini sisi tunakufa?" ³⁹ Akaamka, akaukemea upepo na bahari, "'Ikawa shwari, na salama". Upepo ukakoma, na kukawa na utulivu mkubwa. ⁴⁰ Akasema nao, "Kwa nini mnaogopa? Je hamna imani bado?" hampaswi kuogopa ⁴¹ Walijawa na hofu kubwa ndani yao na wakasemezana wao kwa wao, " Huyu ni nani hata upepo na bahari vya mtii?".